ರೈಲ್ವೆ ಟಿಕೇಟ್ ಪಡೆಯದೇ ಪ್ರಯಾಣಿಸಿದವರ ಸಂಖ್ಯೆ 1.5 ಕೋಟಿ

ಹೊಸದಿಲ್ಲಿ: ಪ್ರಸಕ್ತ ಹಣಕಾಸು ವರ್ಷದಲ್ಲಿ ಒಟ್ಟೂ 1 ಕೋಟಿ 45 ಲಕ್ಷದ 76 ಸಾವಿರ ಜನರು ರೈಲಿನಲ್ಲಿ ಟಿಕೇಟ್ ತೆಗೆದುಕೊಳ್ಳದೇ ಪ್ರಯಾಣಿಸಿದ್ದಾರೆ. ಕಳೆದ ವರ್ಷದಲ್ಲಿ 1ಕೋಟಿ 65 ಲಕ್ಷದ 43 ಸಾವಿರ ಪ್ರಯಾಣಿಕರು ರೈಲ್ವೆ ಟಿಕೇಟ್ ತೆಗೆದುಕೊಂಡಿರಲಿಲ್ಲ ಎಂದು ಲೋಕಸಭೆಯು ತಿಳಿಸಿದೆ.

ಟಿಕೇಟ್ ತೆಗೆದುಕೊಳ್ಳದೇ ಪ್ರಯಾಣಿಸಿದ್ದಕ್ಕಾಗಿ ರೈಲ್ವೆ ಇಲಾಖೆಗೆ 660.20 ಕೋಟಿ ರೂ. ನಷ್ಟವಾಗಿದ್ದು, ಕಳೆದ ಹಣಕಾಸು ವರ್ಷದಲ್ಲಿ ಇದರ ಪ್ರಮಾಣವು 727.45 ಕೋಟಿಗಳಾಗಿತ್ತು ಎಂದು ರಾಜ್ಯ ರೈಲ್ವೆ ಸಚಿವ ಮನೋಜ್ ಸಿಂಹ ತಿಳಿಸಿದ್ದಾರೆ.