ಹೊಸದಿಲ್ಲಿ: ಮುಂದಿನ ತಿಂಗಳು ಆರಂಭವಾಗಲಿರುವ ಐಸಿಸಿ ಟಿ20 ವಿಶ್ವಕಪ್‌ನ ಟ್ರೋಫಿಯ ಪರ್ಯಟನೆ ದಿಲ್ಲಿ ತಲುಪಿದ್ದು, ಗುರುವಾರ ರಾಷ್ಟ್ರ ರಾಜಧಾನಿಯ ಬೀದಿಗಳಲ್ಲಿ ಮೆರವಣಿಗೆ ನಡೆಸಲಾಯಿತು.
ಈ ವೇಳೆ ಟೀಮ್ ಇಂಡಿಯಾದ ಸ್ಟಾರ್ ಆಲ್‌ರೌಂಡರ್ ಯುವರಾಜ್ ಸಿಂಗ್ ಹಾಗೂ ಪವನ್ ನೇಗಿ ಉಪಸ್ಥಿತರಿದ್ದರು. ಈ ಇಬ್ಬರೂ ಆಟಗಾರರು ಮಾ.8ರಿಂದ ಆರಂಭವಾಗುವ ವಿಶ್ವಕಪ್‌ನಲ್ಲಿ ಆಡಲಿರುವ ಭಾರತ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
ಟೂರ್ನಿಗೆ ಆತಿಥ್ಯ ವಹಿಸಲಿರುವ ನಗರಗಳಲ್ಲಿ ವಿಶ್ವಕಪ್ ಟ್ರೋಫಿಯ ಪರ್ಯಟನೆ ನಡೆಯುತ್ತಿದೆ. ಈಗಾಗಲೇ ಧರ್ಮಶಾಲಾ ಮತ್ತು ಮೊಹಾಲಿಯಲ್ಲಿ ಪರ್ಯಟನೆ ಮುಗಿಸಿ ಬಂದಿರುವ ಟ್ರೋಫಿ, ದಿಲ್ಲಿಯ ನಂತರ ಕ್ರಮವಾಗಿ ಕೋಲ್ಕೊತಾ, ನಾಗ್ಪುರ, ಚೆನ್ನೈ, ಬೆಂಗಳೂರು ಮತ್ತು ಮುಂಬಯಿಗೆ ತೆರಳಲಿದೆ.
ವಿಶೇಷವಾಗಿ ಸಿದ್ಧ ಪಡಿಸಲಾಗಿರುವ ನಿಸಾನ್ ಕಾರಿನಲ್ಲಿ ಟ್ರೋಫಿ ದಿಲ್ಲಿಯ ಪ್ರಮುಖ ಬೀದಿಗಳಲ್ಲಿ ಪ್ರದಕ್ಷಿಣೆ ಹಾಕಿತು. ವೇಳೆ ಯುವರಾಜ್ ಸಿಂಗ್ ಮತ್ತು ಪವನ್ ನೇಗಿ ಅವರ ಜತೆ ಶಾಲಾ ಮಕ್ಕಳು ಭಾಗವಹಿಸಿದರು.
↧
ದಿಲ್ಲಿ ಪರ್ಯಟನೆ ನಡೆಸಿದ ಟಿ20 ವಿಶ್ವಕಪ್ ಟ್ರೋಫಿ
↧