ಅರಳೋ ಪ್ರತಿಭೆಗಳಿಗೆ 10 ಕೋಟಿ ರೂ. ಮೀಸಲಿಟ್ಟ ಕಯ್ಯಾಮ್

ಮುಂಬಯಿ: ಕಯ್ಯಾಮ್ ಎಂದೇ ಪ್ರಖ್ಯಾತರಾದ ಮೊಹಮ್ಮದ್ ಜಾಹೂರ್ ಕಯ್ಯಮ್ ಹಶ್ಮಿ ಬಾಲಿವುಡ್‌ ಸಂಗೀತದಲ್ಲಿ ಪ್ರಸಿದ್ಧವಾದ ಹೆಸರು. ಸೂಪರ್ ಹಿಟ್ ಗೀತೆಗಳಿಗೆ ಸಂಗೀತ ರಚಿಸಿರುವ ಈ ಮಾಂತ್ರಿಕ ಕಳೆದ ನಾಲ್ಕು ದಶಕಗಳಿಂದಲೂ ಸಂಗೀತ ಸೇವೆ ಮಾಡಿದ್ದು, ಸಂಪಾದಿಸಿದ ಸಕಲ ಆಸ್ತಿಯನ್ನೂ ದಾನ ಮಾಡಿದ್ದಾರೆ.

ಸುಮಾರು 10 ಕೋಟಿ ರೂ. ಮೌಲ್ಯದ ಆಸ್ತಿಯನ್ನು ತಮ್ಮ 89ನೇ ಹುಟ್ಟುಹಬ್ಬದಂದು ಅರಳುವ ಪ್ರತಿಭೆಗಳಿಗೆ ನೆರವಾಗಲು ವಿನಿಯೋಗಿಸಲು ನಿರ್ಧರಿಸಿದ್ದಾರೆ. ಕಯ್ಯಾಮ್ ಜಗಜೀತ್ ಕೌರ್ ಕೆಪಿಜಿ ಚಾರಿಟೇಬಲ್ ಟ್ರಸ್ಟನ್ನು ಸ್ಥಾಪಿಸಿದ್ದು, ಇದರ ಮೂಲಕ ಸಿನಿಮೋದ್ಯಮದ ಕಲಾವಿದರು, ತಂತ್ರಜ್ಞರಿಗೆ ನೆರವಾಗಲು ತಮ್ಮ ಉಳಿತಾಯವನ್ನು ಮೀಸಲಿಟ್ಟಿದ್ದಾರೆ.

ಕೇತ್ರದಲ್ಲಿ ನೆಲೆಯೂರಲು ತಾವು ಪಟ್ಟ ಶ್ರಮವನ್ನು ಮರೆಯದ ಖಯ್ಯಾಮ್, ಸಂಗೀತ ಕ್ಷೇತ್ರದಲ್ಲಿ ಹೆಚ್ಚಾದ ಸ್ಪರ್ಧೆಯಿಂದ ಮುಂಬರುವ ಕಲಾವಿದರು ಅಷ್ಟು ಕಷ್ಟ ಪಡಬಾರದೆಂದು ಇಂಥ ನಿರ್ಧಾರಕ್ಕೆ ಬಂದಿದ್ದಾರೆ.