ಗಿಬ್ರಾಲ್ಟರ್ ಇಂಟರ್‌ನ್ಯಾಷಲ್ ಟೂರ್ನಿಯಲ್ಲಿ ನೀರಸ ಪ್ರದರ್ಶನ ನೀಡಿದ್ದ ಆನಂದ್ ಇಲ್ಲಿ ಚೇತರಿಕೆ ಪ್ರದರ್ಶನ ತೋರುವ ಮೂಲಕ ಮತ್ತೆ ಲಯಕ್ಕೆ ಮರಳಿದ್ದಾರೆ.
ಒಟ್ಟಾರೆ ಸ್ಫೂರ್ತಿದಾಯಕ ಪ್ರದರ್ಶನ ತೋರಿದ ಆನಂದ್, ಮುಂದಿನ ತಿಂಗಳು ರಷ್ಯಾದ ಮಾಸ್ಕೋದಲ್ಲಿ ನಡೆಯಲಿರುವ ಕ್ಯಾಂಡಿಡೆಟ್ಸ್ ಟೂರ್ನಿಗೆ ಸಜ್ಜಾಗಿದ್ದಾರೆ.
ಕ್ಲಾಸಿಕ್ ರ‌್ಯಾಪಿಡ್ ವಿಭಾಗದಲ್ಲಿ ಏಳು ಪಾಯಿಂಟ್ ಗಿಟ್ಟಿಸಿದ ಆನಂದ್ ಬ್ಲಿಟ್ಸ್ ವಿಭಾಗದಲ್ಲಿ 3.5 ಅಂಕ ಗಳಿಸಿ ಒಟ್ಟಾರೆ 10.5 ಅಂಕ ಪಡೆದು ಎರಡನೇ ಸ್ಥಾನ ಗಳಿಸಿದರು. ಇಷ್ಟೇ ಅಂಕ ಗಳಿಸಿದ ನಾಕಮುರ ಮೊದಲ ಸ್ಥಾನಿಯಾಗಿ ಹೊರ ಹೊಮ್ಮಿದರು.
ರಷ್ಯಾದ ವ್ಲಾಡಿಮಿರ್ ಕ್ರಾಮ್ನಿಕ್ 9.5 ಅಂಕದೊಂದಿಗೆ ಮೂರನೇ ಸ್ಥಾನ ಗಳಿಸಿದರೆ, ಪೋಲೆಂಡ್‌ನ ಅನಿಶ್ ಗಿರಿ ಮತ್ತು ಅರ್ಮೇನಿಯಾದ ಲೆವೋನ್ ಆರೋನಿಯನ್ ತಲಾ ನಾಲ್ಕು ಅಂಕ ಪಡೆದು ಜಂಟಿ ನಾಲ್ಕನೇ ಸ್ಥಾನ ಹಂಚಿಕೊಂಡರು. ಲಾತ್ವಿಯಾದ ಅಲೆಕ್ಸೀ ಶಿರೋವ್ 3.5 ಅಂಕ ಗಳಿಸಿ ಕೊನೆಯ ಸ್ಥಾನಕ್ಕೆ ತೃಪ್ತಿಪಟ್ಟರು.
ಜೂರಿಚ್: ಐದು ಬಾರಿಯ ವಿಶ್ವ ಚಾಂಪಿಯನ್ ಭಾರತದ ವಿಶ್ವನಾಥನ್ ಆನಂದ್ ಇಲ್ಲಿ ಅಂತ್ಯಗೊಂಡ ಜೂರಿಚ್ ಚೆಸ್ ಚಾಲೆಂಜ್ ಟೂರ್ನಿಯಲ್ಲಿ ಎರಡನೇ ಸ್ಥಾನಿಯಾಗಿ ಅಭಿಯಾನ ಕೊನೆಗೊಳಿಸಿದ್ದಾರೆ.