ದಿನಭವಿಷ್ಯ: 6 ಮಾರ್ಚ್‌ 2017

ಮೇಷ:- ಬಾಳಸಂಗಾತಿ, ಮಕ್ಕಳು ನಿಮಗೆ ಸಂತಸ ನೀಡಲಿದ್ದಾರೆ. ನಿಮ್ಮ ಜನಪ್ರಿಯತೆ ಹೆಚ್ಚಾಗುವ ಸಾಧ್ಯತೆಗಳಿವೆ. ವ್ಯಾಪಾರ, ವ್ಯವಹಾರಗಳು ಸುಲಲಿತವಾಗಿ ಆಗುವುದು. ಹಣಕಾಸಿನ ಚಿಂತೆ ಇಲ್ಲ. ಆರೋಗ್ಯದಲ್ಲಿ ಸುಧಾರಣೆ ಕಂಡು ಬರುವುದು.

ವೃಷಭ:- ಇಂದು ಉತ್ಸಾಹ ಮತ್ತು ಆನಂದ ಸಿಗಲಿದೆ. ಜೀವನ ಮತ್ತು ವೃತ್ತಿಯ ಆಕಾಂಕ್ಷೆಗಳು ಪೂರೈಸುವವು. ಮಗನ ಚಟುವಟಿಕೆ ನಿಮಗೆ ಸಂತಸವನ್ನುಂಟು ಮಾಡುವುದು. ಹಣದ ಮುಗ್ಗಟ್ಟು ಇರುವುದಿಲ್ಲ.

ಮಿಥುನ:- ಷೇರುಗಳಲ್ಲಿ ಹಣವನ್ನು ಹೂಡುವುದರಿಂದ ದ್ವಿಗುಣ ಲಾಭ ಪಡೆಯುವಿರಿ. ಕುಟುಂಬದಲ್ಲಿ ಸಂತೋಷದ ವಾತಾವರಣವಿರುವುದು. ಆರೋಗ್ಯವು ಉತ್ತಮವಾಗಿದ್ದು, ಹಮ್ಮಿಕೊಂಡ ಕಾರ್ಯಗಳಲ್ಲಿ ಯಶಸ್ಸನ್ನು ಹೊಂದುವಿರಿ.

ಕಟಕ:- ಸಂಕಲ್ಪಿಸಿದ ಯೋಜನೆಗಳಿಗೆ ಅಡೆತಡೆಯುಂಟಾಗುವುದು. ಇಂದು ಅಂದುಕೊಂಡ ಕಾರ್ಯಗಳು ವಿಳಂಬ ರೀತಿಯಿಂದ ಜರುಗುವುದು. ಯಾವುದಕ್ಕೂ ಕುಲದೇವರ ಆರಾಧನೆ ಮಾಡಿರಿ. ಆರೋಗ್ಯದ ಕಡೆ ಗಮನ ಹರಿಸುವುದು ಒಳ್ಳೆಯದು.

ಸಿಂಹ:- ದೂರ ಪ್ರಯಾಣದಲ್ಲಿ ಎಚ್ಚರಿಕೆ ಅಗತ್ಯ. ನಿರುದ್ಯೋಗಿಗಳು ಇನ್ನು ಸ್ವಲ್ಪ ದಿನ ಕಾಯುವುದು ಅನಿವಾರ‍್ಯವಾಗುವುದು. ದೈವವೇ ಮುನಿಸಿಕೊಂಡಾಗ ಮಾನವ ಮಾಡುವ ಪ್ರಯತ್ನ ಫಲಕಾರಿಯಾಗುವುದಿಲ್ಲ. ಆದಷ್ಟು ಈ ದಿನ ತಾಳ್ಮೆಯಿಂದಿರಿ.

ಕನ್ಯಾ:- ಇಂದು ಒಳ್ಳೆಯ ದಿನವನ್ನು ಕಳೆಯುವಿರಿ. ಕೆಲವು ಪ್ರಮುಖ ಕಾರ್ಯಗಳು ಕೂಡಾ ಪೂರ್ಣಗೊಳ್ಳಲಿವೆ. ಮಾನಸಿಕ ನಿರಾಳತೆಯನ್ನು ಹೊಂದುವಿರಿ. ಕೌಟುಂಬಿಕವಾಗಿ ಸಂತಸ ತರುವ ದಿನ. ಆರೋಗ್ಯ ಉತ್ತಮವಾಗಿರುವುದು.

ತುಲಾ:- ದುಂದುವೆಚ್ಚ ಕಡಿಮೆ ಮಾಡುವುದು ಒಳ್ಳೆಯದು. ಹಣದ ವ್ಯವಹಾರ ಗುಪ್ತವಾಗಿರಲಿ. ಹಿರಿಯರ ಸಂಗಡ ನಡೆದ ಮಾತುಕತೆಯಂತೆ ನಡೆದುಕೊಂಡಿಲ್ಲ ಎನ್ನುವ ಅರಿವು ನಿಮ್ಮದಾಗುವುದು. ಆದಷ್ಟು ಹಿರಿಯರಿಗೆ ಸಲ್ಲಬೇಕಾದ ಹಣ ಪಾವತಿಸಿರಿ.

ವೃಶ್ಚಿಕ:- ನಿಮ್ಮ ಅದೃಷ್ಟವು ಮನೆ ಬಾಗಿಲಿಗೆ ಬಂದು ಹಿಂದೆ ಹೋಗುತ್ತಿರುವುದು ನಿಮಗೆ ಹಿನ್ನಡೆ ಉಂಟಾಗುವ ಸಂಭವವಿದೆ. ಹಮ್ಮಿಕೊಂಡ ಕೆಲಸಗಳು ಇಂದು ಪೂರ್ಣಗೊಳ್ಳದೆ ಇರುವುದರಿಂದ ಅಧಿಕ ಖರ್ಚಿನ ಪ್ರಸಂಗ ತೋರುವುದು.

ಧನಸ್ಸು:- ಸಂಪಾದನೆಗಿಂತ ವೆಚ್ಚ ಹೆಚ್ಚಾಗುವುದು. ಮಾನಹಾನಿಯಾಗುವ ಸಂಭವವಿದೆ. ಮತ್ತೊಬ್ಬರ ವಿಚಾರದಲ್ಲಿ ಮಧ್ಯಸ್ಥಿಕೆ ಮಾಡದಿರಿ. ಈ ದಿನ ಆದಷ್ಟು ಮೌನಿಗಳಾಗಿ ಮತ್ತು ತಾಳ್ಮೆಯಿಂದ ಕಳೆಯಿರಿ.

ಮಕರ:- ನಿಮ್ಮ ಅದೃಷ್ಟವನ್ನು ಮುಂದೆ ತಳ್ಳಲು ಇಂದು ಒಳ್ಳೆಯ ದಿನವಲ್ಲ. ನಿಮಗೆ ಬರಬೇಕಾಗಿದ್ದ ಸವಲತ್ತುಗಳನ್ನು ಹಕ್ಕಿನಿಂದ ಕೇಳಿ ಪಡೆಯುವಿರಿ. ಕೌಟುಂಬಿಕವಾಗಿ ಸಂತಸದ ಕ್ಷ ಣಗಳನ್ನು ಅನುಭವಿಸುವಿರಿ. ಆರ್ಥಿಕ ಸ್ಥಿತಿ ಉತ್ತಮವಿರುವುದು.

ಕುಂಭ:- ವ್ಯವಹಾರಕ್ಕೆ ನಿರೀಕ್ಷಿಸುತ್ತಿರುವ ಉತ್ತೇಜನ ದೊರೆಯಲಿದೆ. ಹಳೆಯ ಕಂಪನಿಯ ಬಾಸು ಉತ್ತಮ ಸಹಕಾರವನ್ನು ನೀಡುವರು. ನಿಮ್ಮ ಹಣಕಾಸು ಪರಿಸ್ಥಿತಿ ಉತ್ತಮಗೊಳ್ಳುವುದು. ಆರೋಗ್ಯವೂ ಉತ್ತಮವಾಗಿರುವುದು.

ಮೀನ:- ಹಮ್ಮಿಕೊಂಡ ಕಾರ್ಯಗಳು ಗುರುವಿನ ಅನುಗ್ರಹದಿಂದ ಯಶಸ್ಸಿನತ್ತ ಸಾಗುವುದು. ಸಂಗಾತಿಯು ಸಣ್ಣಪುಟ್ಟ ಕಾರಣಗಳಿಗೆ ಕೋಪಗೊಳ್ಳುವುದನ್ನು ತಪ್ಪಿಸಲು ನೀವು ಬುದ್ಧಿಯನ್ನು ಖರ್ಚು ಮಾಡಬೇಕಾಗುವುದು. ಸಂಜೆ ವೇಳೆ ರಾಜಿ ಆಗುವಿರಿ.