ಕನ್ನಡದ ನಟಿ ಸಂಚಿತಾ ಶೆಟ್ಟಿಯದೆಂದು ಹೇಳಲಾದ ಅಶ್ಲೀಲ ವಿಡಿಯೋ, ಕಾಲಿವುಡ್‌ ಗಾಯಕಿ ಸುಚಿತ್ರಾ ಅವರ ಟ್ವಿಟರ್‌ ಖಾತೆಯಲ್ಲಿ ಕಂಡು ಬಂದಿತ್ತು. ವೈರಲ್‌ ಆಗಿದ್ದ ಆ ವಿಡಿಯೋ ಕುರಿತು ಸ್ಪಷ್ಟನೆ ನೀಡಿದ್ದಾರೆ ಸಂಚಿತಾ. - ಪದ್ಮಾ ಶಿವಮೊಗ್ಗ ಸಾಮಾಜಿಕ ಜಾಲತಾಣದಲ್ಲಿ ಕನ್ನಡದ ನಟಿ ಸಂಚಿತಾ ಶೆಟ್ಟಿ ಅವರದೆಂದು ಹೇಳಲಾದ ಅಶ್ಲೀಲ ವಿಡಿಯೋ ಶನಿವಾರ (ಮಾ.4) ಕಾಲಿವುಡ್‌ ಅಂಗಳದಲ್ಲಿ ಸಂಚಲನವುಂಟು ಮಾಡಿತ್ತು. ತಮಿಳಿನ ಗಾಯಕಿ ಸುಚಿತ್ರಾಅವರ ಟ್ವಿಟರ್‌ ಖಾತೆಯಲ್ಲಿ ಕಂಡು ಬಂದ ಆ ವಿಡಿಯೋ ಕುರಿತು ಹಲವು ಅನುಮಾನಗಳು ಮೂಡಿದ್ದವು. ಈ ಕುರಿತು ಸ್ವತಃ ಸಂಚಿತಾ ಅವರೇ ಸ್ಪಷ್ಟನೆ ನೀಡಿದ್ದು, 'ಆ ವಿಡಿಯೋದಲ್ಲಿ ಇರುವುದು ತಾವಲ್ಲ. ಗಾಯಕಿ ಸುಚಿತ್ರಾ ಯಾರೆಂಬುದೇ ತಮಗೆ ಗೊತ್ತಿಲ್ಲ' ಅಂದಿದ್ದಾರೆ. ಕಳೆದ ಕೆಲ ದಿನಗಳಿಂದ ಗಾಯಕಿ ಸುಚಿತ್ರಾರ ಟ್ವಿಟರ್‌ ಖಾತೆಯಲ್ಲಿ ತಮಿಳಿನ ಸ್ಟಾರ್‌ ನಟ ನಟಿಯರ ಖಾಸಗಿ ಫೋಟೋಗಳು ಅಪ್‌ಲೋಡ್‌ ಆಗುತ್ತಿವೆ. ಅದರಲ್ಲೂ ರಜನಿಕಾಂತ್‌ ಅಳಿಯ ಧನುಷ್‌, ಸಂಗೀತ ನಿರ್ದೇಶಕ ಅನಿರುದ್ಧ , ನಟಿ ಹನ್ಸಿಕಾ ಮತ್ತು ಸಂಚಿತಾ ಶೆಟ್ಟಿ ಅವರದೆಂದು ಹೇಳಲಾದ ಅಶ್ಲೀಲ ವಿಡಿಯೋ ಕೂಡ ಕಂಡು ಬಂದಿತ್ತು. ಇದು ಚಿತ್ರೋದ್ಯಮದ ಆಘಾತಕ್ಕೂ ಕಾರಣವಾಗಿತ್ತು. ಅಶ್ಲೀಲ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದ್ದಂತೆಯೇ ಸಂಚಿತಾ ತಕ್ಷಣವೇ ಪ್ರತಿಕ್ರಿಯಿಸಿದ್ದಾರೆ. ಈ ಕುರಿತು ಅವರು ವಿಡಿಯೋ ಮೂಲಕ ಪ್ರತಿಕ್ರಿಯಿಸಿ, 'ವಿಡಿಯೋ ಅಪ್‌ಲೋಡ್‌ ಆಗಿರುವ ವಿಷಯ ಗೊತ್ತಾಗಿ ನನಗೂ ಶಾಕ್‌ ಆಯಿತು. ಆದರೆ, ಅದು ನನ್ನ ವಿಡಿಯೋ ಅಲ್ಲ. ಅದರಲ್ಲಿ ಇರೋದು ನಾನಲ್ಲ. ಸಾಮಾಜಿಕ ಜಾಲತಾಣಗಳಲ್ಲಿ ಏನೆಲ್ಲ ನಡೆಯುತ್ತಿದೆ ಎನ್ನುವುದು ನನ್ನ ಗಮನಕ್ಕೂ ಬಂದಿದೆ. ನನ್ನ ಅಭಿಮಾನಿಗಳಿಗೆ ಮತ್ತು ಆ ವಿಡಿಯೋ ಹರಡುತ್ತಿರುವವರಿಗೆ ನಾನು ಹೇಳುವುದಿಷ್ಟೇ. ಆ ವಿಡಿಯೋ ನನ್ನದಲ್ಲ' ಅಂದಿದ್ದಾರೆ. ಸುಚಿತ್ರಾ ಅವರ ಟ್ವಿಟರ್‌ ಖಾತೆಯಿಂದ ನಿರಂತರವಾಗಿ ನಟ-ನಟಿಯರ ಖಾಸಗಿ ಫೋಟೋ ಮತ್ತು ವಿಡಿಯೋಗಳು ಅಪ್‌ಲೋಡ್‌ ಆಗುತ್ತಲೇ ಇವೆ. ಈ ಕುರಿತು ಸುಚಿತ್ರಾ ಪತ್ನಿ ಕಾರ್ತಿಕ್‌ ಆತಂಕ ವ್ಯಕ್ತ ಪಡಿಸಿದ್ದಾರೆ. ವಿಡಿಯೋ ಮಸೇಜ್‌ ಮೂಲಕ ಕಾರ್ತಿಕ್‌ ಈ ಕುರಿತು ಮಾತಾಡಿದ್ದಾರೆ. 'ನನ್ನ ಪತ್ನಿ ಸುಚಿತ್ರಾರ ಟ್ವಿಟರ್‌ ಖಾತೆ ಹ್ಯಾಕ್‌ ಆಗಿದೆ. ಸುಚಿತ್ರಾ ಮಾನಸಿಕವಾಗಿ ಬಹಳ ಡಿಸ್ಟರ್ಬ್‌ ಆಗಿದ್ದಾರೆ. ಅವರ ಟ್ವಿಟರ್‌ನಲ್ಲಿ ಅಪ್‌ಲೋಡ್‌ ಆಗಿರುವ ಫೋಟೋ ಮತ್ತು ವಿಡಿಯೋಗೆ ಅವರು ಜವಾಬ್ದಾರರಲ್ಲ. ಯಾರು ಇದನ್ನು ಮಾಡುತ್ತಿದ್ದಾರೋ ಗೊತ್ತಿಲ್ಲ. ನಮ್ಮ ಕುಟುಂಬ ಮಾನಸಿಕವಾಗಿ ಬಹಳ ನೋವನ್ನು ಅನುಭವಿಸುತ್ತಿದೆ. ದಯವಿಟ್ಟು ಸಹಕರಿಸಿ' ಅಂದಿದ್ದಾರೆ. ಸುಚಿತ್ರಾ ಅವರ ಟ್ವಿಟರ್‌ ಖಾತೆಯನ್ನು ಸ್ಥಗಿತಗೊಳಿಸಿದ್ದರೂ, ಆಗಾಗ್ಗೆ ಮತ್ತೆ ಅದು ಚಾಲನೆಗೆ ಬರುತ್ತಿರುವುದು ಕೂಡ ಅನುಮಾನಕ್ಕೆ ಎಡೆಮಾಡಿಕೊಟ್ಟಿದೆ. ಈ ಕುರಿತು ಸೈಬರ್ ಪೊಲೀಸ್‌ ತನಿಖೆಯನ್ನು ಕೂಡ ಕೈಗೊಂಡಿದ್ದಾರೆ. ವೀಡಿಯೋದಲ್ಲಿ ಇರುವುದು ನಾನಲ್ಲ ಅಂದ ಮೇಲೆ ಯಾಕೆ ನಾನು ತಲೆಕೆಡಿಸಿಕೊಳ್ಳಲಿ. ಗಾಸಿಪ್‌ ಮತ್ತು ರೂಮರ್‌ಗೆ ಬಗ್ಗೆ ಯಾವತ್ತೂ ನಾನು ಕೇರ್‌ ಮಾಡುವುದಿಲ್ಲ. -ಸಂಚಿತಾ ಶೆಟ್ಟಿ, ನಟಿ ಹೊಸ ಬಾಂಬ್‌ ಸುಚಿತ್ರಾ ಮೇಲೆ ಧನುಷ್‌ ಅಭಿಮಾನಿಗಳು ಕೋಪಗೊಂಡಿದ್ದಕ್ಕೆ ಟ್ವಿಟರ್‌ ಖಾತೆಯಲ್ಲಿ ಮತ್ತೊಂದು ಬಾಂಬ್‌ ಸಿಡಿದೆ. 'ಧನುಷ್‌, ಅನಿರುದ್ಧ್‌ ಮತ್ತು ನಾನು ಒಂದು ವಾರದ ಹಿಂದೆ ಪಾರ್ಟಿಯೊಂದರಲ್ಲಿ ಭಾಗಿಯಾಗಿದ್ದೆವು. ನಾನು ಅಂದು ಡ್ರಿಂಕ್ಸ್‌ ಮಾಡಿದೆ. ಅವರು ಡಿಂಕ್ಸ್‌ನಲ್ಲಿ ಏನ್ನೋ ಬೆರೆಸಿದ್ದಾರೆ ಅನಿಸತ್ತೆ. ಮತ್ತಿನಲ್ಲಿ ಏನೆಲ್ಲ ನಡೆದಿದೆ. ಅದೊಂದು ಹಾರಿಬಲ್‌ ಎಕ್ಸಪಿರಿಯನ್ಸ್‌' ಅಂತೆಲ್ಲ ಸುಚಿತ್ರಾ ಅವರ ಟ್ವಿಟರ್‌ನಲ್ಲಿ ಮತ್ತೆ ಬರೆಯಲಾಗಿದೆ.
↧
ಅಶ್ಲೀಲ ವಿಡಿಯೋ ನನ್ನದಲ್ಲ : ಸಂಚಿತಾ ಶೆಟ್ಟಿ
↧