ಡೈಲಿ yoga: ಕೈಗಳ ಊಧ್ರ್ವ ಕುಕ್ಕಟಾಸನ

ಅರ್ಥ:
ಊಧ್ರ್ವ ಎಂದರೆ ಮೇಲೆ ಎಂದರ್ಥ. ಕುಕ್ಕುಟ ಎಂದರೆ ಕೋಳಿ(ಹುಂಜ) ಎಂದಥ. ಕೋಳಿಯು ತನ್ನ ಎರಡು ಕಾಲುಗಳನ್ನು ನೆಲಕ್ಕೆ ಒತ್ತಿ ಹಿಂದೆ ಶರೀರವನ್ನು ಮೇಲಕ್ಕೆ ಎತ್ತುವ ಭಂಗಿಯನ್ನು ಹೋಲುವ ಈ ಭಂಗಿಗೆ ಊಧ್ರ್ವ ಕುಕ್ಕಟಾಸನ ಎಂದು ಹೆಸರು.

ಮಾಡುವ ವಿಧಾನ:
ಮೊದಲು ಪದ್ಮಾಸನ ಸ್ಥಿತಿ. ನಂತರ ಎರಡು ಹಸ್ತಗಳನ್ನು ಮುಂದೆ ನೆಲಕ್ಕೆ ಒತ್ತಿ ಮೇಲೆ ಬರುವುದು. ಎರಡು ಮಂಡಿಗಳ ಮೇಲೆ ನಿಂತುಕೊಳ್ಳುವುದು. ನಂತರ ಎರಡು ಮಂಡಿಗಳನ್ನು ಒಂದೊಂದಾಗಿ ಮೇಲಕ್ಕೆ ತೆಗೆದುಕೊಳ್ಳುತ್ತಾ ರೆಟ್ಟೆಯ ಭಾಗದ ಹತ್ತಿರಕ್ಕೆ ಮಂಡಿಗಳನ್ನು ತೆಗೆದುಕೊಳ್ಳುವುದು. ಮೊಣಕಾಲುಗಳನ್ನು ತಾಗಿಸುವುದು. ಬೆನ್ನು ಹಿಗ್ಗಿಸಬೇಕು. ದೃಷ್ಟಿ ನೇರವಾಗಿರಲಿ. ಎರಡು ಹಸ್ತಗಳ ಮೇಲೆ ಶರೀರದ ಭಾರವಿರಲಿ. ಸ್ಥಿತಿಯಲ್ಲಿ ಸಹಜವಾದ ಉಸಿರಾಟ ಕ್ರಿಯೆ ಇರಲಿ.

ಉಪಯೋಗ:
-ಈ ಆಸನದಿಂದ ಕೈಗಳು ಬಲಗೊಳ್ಳುವವು.
-ಭುಜದ ಸ್ನಾಯುಗಳು ಸದೃಢಗೊಳ್ಳುವವು.
-ನಾಭಿಯ ಒತ್ತಡ ಬಿದ್ದು ಅವಯವಗಳು ಚೈತನ್ಯಗೊಳ್ಳುವವು.
-ಎರಡೂ ಕಾಲುಗಳಿಗೆ ಸರಾಗವಾಗಿ ರಕ್ತ ಪರಿಚಲನೆ ಆಗುವುದು