ದಿಲ್ಲಿಯಲ್ಲಿ ಜನವರಿ 16ರಂದು ಹರಿಯಾಣಾದ ಕಾಂಗ್ರೆಸ್‌ ನಾಯಕ ಜೈಭಗವಾನ್‌ ಶರ್ಮಾ ಅವರ ಪುತ್ರಿ ಶೀತಲ್‌ ಅವರ ಕೈಹಿಡಿಯಲಿರುವ ದತ್‌, ಕೇವಲ 1ರೂ. ವರದಕ್ಷಿಣೆ ಪಡೆಯಲಿದ್ದಾರೆ. ಈ ಮೂಲಕ ಕ್ರೀಡಾ ಜಗತ್ತಿನ ಆಚೆಯೂ ನಿಜವಾದ ಹೀರೋ ಎಂದು ಸಾಬೀತುಪಡಿಸಿದ್ದಾರೆ.
'ನಮ್ಮ ಕುಟುಂಬದಲ್ಲಿ ಹೆಣ್ಣು ಮಕ್ಕಳ ಮದುವೆಗೆ ಹಣ ಹೊಂದಿಸಲು ಹೆಣಗಾಡುವುದನ್ನು ನೋಡಿದ್ದೇನೆ. ಸಣ್ಣ ವಯಸ್ಸಿನಲ್ಲೇ ಎರಡು ವಿಷಯಗಳ ಬಗ್ಗೆ ನಿರ್ಧಾರ ಮಾಡಿದ್ದೆ. ರೆಸ್ಲಿಂಗ್‌ನಲ್ಲಿ ಹೆಸರು ಮಾಡುವುದು ನನ್ನ ಮೊದಲ ಗುರಿ ಮತ್ತು ಯಾವುದೇ ಕಾರಣಕ್ಕೂ ವರದಕ್ಷಿಣೆ ಪಡೆಯಬಾರದು ಎಂದು ನಿಶ್ಚಿಯಿಸಿದ್ದೆ. ಮೊದಲ ಕನಸು ಈಡೇರಿದೆ. ಈಗ ಎರಡನೇ ನಿರ್ಧಾರವನ್ನು ಸಕಾರಗೊಳಿಸುವ ಸಮಯ ಬಂದಿದೆ,'ಎಂದು ಸೋನಿಪಟ್‌ನಲ್ಲಿ ಶನಿವಾರ ನಡೆದ ನಿಶ್ಚಿತಾರ್ಥದ ನಂತರ ದತ್‌ (34) ಹೇಳಿದ್ದಾರೆ.
ಈ ಎರಡು ಕನಸುಗಳು ಈಡೇರುತ್ತಿರುವ ಸಂದರ್ಭದಲ್ಲಿ ತಂದೆ ರಾಮ್‌ಮೆಹರ್‌ ದತ್‌ ಹಾಗೂ ಮೊದಲ ಗುರು ಸತ್ಬೀರ್‌ ಸಿಂಗ್‌ ಇಲ್ಲದಿರುವುದು ಯೋಗೇಶ್ವರ್‌ ದತ್‌ಗೆ ಬೇಸರ ತಂದಿದೆ.
'ಸಂಪ್ರದಾಯ ಪಾಲಿಸಲು ವಧುವಿನ ಕುಟುಂಬದಿಂದ 1 ರೂ. ಪಡೆಯುತ್ತಿದ್ದೇವೆ, ಬೇರೆ ಏನನ್ನೂ ತೆಗೆದುಕೊಳ್ಳುತ್ತಿಲ್ಲ. ಈ ಮದುವೆ ನಮ್ಮ ಕುಟುಂಬಕ್ಕೆ ಬಹಳ ವಿಶೇಷ ಸಂದರ್ಭ,'ಎಂದು ಯೋಗೇಶ್ವರ್‌ ತಾಯಿ ಸುಶೀಲಾ ದೇವಿ ಹೇಳಿದ್ದಾರೆ.
ಹೊಸದಿಲ್ಲಿ: ಟ್ರೆಂಡ್‌ ಸೆಟ್ಟರ್‌ ಒಲಿಪಿಂಕ್‌ ರೆಸ್ಲರ್‌ ಯೋಗೇಶ್ವರ್‌ ದತ್‌ ಅವರ ಮದುವೆಯಲ್ಲೂ ಹೊಸ ಟ್ರೆಂಡ್‌ ಸೃಷ್ಟಿಸಿದ್ದಾರೆ.