ಆಯುಷ್ಯಕಾರಕ ಶನಿಯ ಪ್ರಭಾವ

ಮೂಲ್ಕಿ ಹರಿಶ್ಚಂದ್ರ ಪಿ ಸಾಲಿಯಾನ್‌

ಜಾತಕದಲ್ಲಿ ಶನಿಯ ಬಲ ಇಲ್ಲದಿದ್ದಾಗ ಜಾತಕರಿಗೆ ಚಿಂತೆ. ಶನಿಯು ಕೆಟ್ಟ ಫಲ ಕೊಡಬಾರದೆಂದು ಶನಿ ಶಾಂತಿ, ಶನಿ ಪೂಜೆಯನ್ನು ಮಾಡುತ್ತಾರೆ. ಶನಿಯು ಮೃತ್ಯುವಿಗೆ ಕಾರಕ, ಬದುಕುವವರೆಗೆ ಪ್ರಾಣವಾಯುವಿಗೆ ಶನಿಯೇ ಕಾರಣ. ಮನುಷ್ಯನು ಸತ್ತ ನಂತರ ಹೆಣಕ್ಕೂ ಶನಿಯೇ ಕಾರಕ. ಸತ್ತ ವ್ಯಕ್ತಿಗಳ ಪ್ರೇತಕ್ಕೆ ಮೋಕ್ಷ ಕಾರ‍್ಯಕ್ರಮ ಮಾಡುವ ಪುರೊಹಿತರಿಗೂ ಶನಿಯೇ ಕಾರಣ. ಹೆಣಗಳನ್ನು ಕೂಡಿ ಹಾಕುವ ಕೋಣೆಗಳಿಗೆ ಶನಿಯೇ ಕಾರಕ. ಮನುಷ್ಯನಿಗೆ ಕಷ್ಟ ಬರುವುದು ಸಾಮಾನ್ಯ ಅದಕ್ಕೂ ಶನಿಯೇ ಕಾರಕ. ಕಷ್ಟದಲ್ಲಿರುವ ದು:ಖಕ್ಕೂ ಶನಿಯೇ ಕಾರಕ. ದು:ಖ, ಶೋಕ, ಕಷ್ಟ, ಪಶ್ಚಾತ್ತಾಪ ಇದಕ್ಕೆಲ್ಲವೂ ಶನಿಯೇ ಕಾರಕ. ಶೋಕ ತಾಪಗಳಿಂದ ಅಂತರಾತ್ಮವನ್ನು ಶುದ್ಧಿ ಮಾಡುವವನು ಮಾಡಿದ ಪಾಪಗಳನ್ನು ದೂರ ಮಾಡುವವನೂ ಶನಿಯೇ. ಯಮನ ವಾಹನವಾದ ಎಮ್ಮೆಯೂ ಇವನೇ. ನಿಧಾನವಾಗಿ ಕುಂಟುತ್ತಾ ನಡೆಯುವುದು ಯಮನ ನಡೆ. ಕೊಳಕು ಯಾರಲ್ಲಿ ಇದೆ ಅದಕ್ಕೆ ಕಾರಣ ಶನಿ. ಈತ ಸ್ನಾನವನ್ನು ಮಾಡುವವನೇ ಅಲ್ಲ.

ಸಂಕಟ ಪಡುವವರು ಅನಾಥ ಅಶಕ್ತರಿಗೂ ಇವನೇ ಕಾರಕ. ಆಶÜಕ್ತರನ್ನು ಕಾಪಾಡುವುದಕ್ಕೆ ಕಾರಕ ಶನಿಯೇ. ಶನಿಯ ಭಯದಿಂದಲೇ ದಾನ ಧರ್ಮಗಳನ್ನು ಮಾಡುವುದು, ಬಿಕ್ಷ ುಕರಿಗೂ ಶನಿಯೇ ಕಾರಕ. ಕಷ್ಟಪಡುವುದು ಕೂಲಿಗಾರರಿಗೆ ಶನಿಯೇ ಕಾರಕ ಕಷ್ಟದಲ್ಲಿರುವರು ದೇವರನ್ನು ಬೇಡುತ್ತಾರೆ, ಅದುದರಿಂದ ಶನಿಗೆ ಶೋಕಕಾರಕ ಎನ್ನುತ್ತಾರೆ. ವೈವಾಹಿಕ ಜೀವನವನ್ನು ಕೆಡಿಸುವವನೇ ಶನಿ. ಆದ್ದರಿಂದಲೇ ಶನಿಯ ಕೋಪಕ್ಕೆ ತುತ್ತಾಗಬಾರದು ಎಂಬ ಭಯ ಎಲ್ಲರಲ್ಲೂ ಇದೆ. ಹೀಗಾಗಿ ಶನಿಯ ಕೃಪೆಗಾಗಿ ಅವನನ್ನು ಪ್ರಾರ್ಥಿಸಿ, ಪೂಜಿಸಬೇಕೆನ್ನುತ್ತಾರೆ. ಶನಿಸ್ತೋತ್ರ ಈ ಕೆಳಗಿನಂತಿದೆ:

'ನೀಲಾಂಜನ ಸಮಾಭಾಸಂ ರವಿಪುತ್ರಂ ಯಮಾಗ್ರಜಂ ಛಾಯಾ ಮಾರ್ತಾಂಡ ಸಂಭೂತಂ ತಂ ನಮಾಮಿ ಶನೈಶ್ಚರಂ'.