ಯುನೈಟೆಡ್‌ ನೇಷನ್ಸ್‌: ಮುಂಬರುವ ಏಫ್ರಿಲ್‌ನಲ್ಲಿ ನಿಷೇಧದ ಶಿಕ್ಷೆ ಪ್ರಮಾಣ ಅಂತ್ಯಗೊಳ್ಳಲಿರುವ ಹಿನ್ನೆಲೆಯಲ್ಲಿ ಟೆನಿಸ್‌ ತಾರೆ ಮರಿಯಾ ಶರಪೋವಾ ಮತ್ತೆ ವಿಶ್ವ ಸಂಸ್ಥೆಯ ಸದ್ಭವನೆ ರಾಯಭಾರಿಯಾಗಿ ಮುಂದುವರಿಯಲಿದ್ದಾರೆ ಎಂದು ವಿಶ್ವ ಸಂಸ್ಥೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಶರಪೋವಾ ಉದ್ದೀಪನ ಮದ್ದು ಸೇವೆನೆ ಮಾಡಿರುವುದು ಸಾಬೀತಾದ ಹಿನ್ನೆಲೆಯಲ್ಲಿ ಕಳೆದ ಮಾರ್ಚ್‌ನಲ್ಲಿ ಸದ್ಭವನೆ ರಾಯಭಾರಿ ಒಪ್ಪಂದದಿಂದ ಶರಪೋವಾ ಅವರನ್ನು ವಿಶ್ವ ಸಂಸ್ಥೆ ಅಮಾನತು ಮಾಡಿತ್ತು. ಯುನೈಟೆಡ್‌ ನೇಷನ್ಸ್‌ನ ಅಭಿವೃದ್ಧಿ ಕಾರ್ಯಕ್ರಮದ ಜತೆ ಶರಪೋವಾ 9 ವರ್ಷಗಳ ಕಾಲ ಒಪ್ಪಂದ ಮಾಡಿಕೊಂಡಿದ್ದರು.
‘‘ಶರಪೋವಾ ಶೀಘ್ರದಲ್ಲೇ ಕ್ರೀಡಾ ಚಟುವಟಿಕೆಗೆ ಮರಳಲಿದ್ದಾರೆ. 2017ರ ಏಪ್ರಿಲ್‌ಗೆ ಅವರ ಶಿಕ್ಷೆಯ ಪ್ರಮಾಣವನ್ನು ತಗ್ಗಿಸಿರುವ ಹಿನ್ನೆಲೆಯಲ್ಲಿ ಅವರಿಗೆ ವಿಧಿಸಲಾಗಿದ್ದ ಅಮಾನತು ಶಿಕ್ಷೆ ಸಹ ರದ್ದಾಗಲಿದೆ. ನಂತರ ಯುಎನ್‌ ರಾಯಭಾರಿಯಾಗಿ ಮುಂದುವರಿಯಲಿದ್ದಾರೆ,’’ ಎಂದು ಯುಎನ್‌ಡಿಪಿ ವಕ್ತಾರ ಹೇಳಿದ್ದಾರೆ.
↧
ವಿಶ್ವ ಸಂಸ್ಥೆಗೆ ಶರಪೋವಾ ಮತ್ತೆ ರಾಯಭಾರಿ
↧