ಔಷಧ ರಹಿತ ಚಿಕಿತ್ಸೆ ಅರಾಮ

ಇತ್ತೀಚೆಗೆ ಔಷಧ ರಹಿತ ಚಿಕಿತ್ಸಾ ಪದ್ಧತಿ ಖ್ಯಾತವಾಗುತ್ತಿದ್ದು, ಅದರಲ್ಲಿ ಅಕ್ಯುಪಂಕ್ಚರ್‌ ಗಮನ ಸೆಳೆಯುತ್ತಿರುವ ಚಿಕಿತ್ಸೆ

-ಡಾ. ಗಂಗಾಧರ ವರ್ಮಾ

ಇತ್ತೀಚೆಗೆ ಖ್ಯಾತಿ ಆಗುತ್ತಿರುವ ಚಿಕಿತ್ಸೆ ಅಕ್ಯುಪಂಕ್ಚರ್‌. ಇದನ್ನು ಸೂಜಿ ಚಿಕಿತ್ಸೆ ಎಂದು ಕೂಡ ಕರೆಯಲಾಗುತ್ತದೆ. ಇದೊಂದು ನಿರೌಷಧ ಚಿಕಿತ್ಸಾ ಪದ್ಧತಿಯಾಗಿದ್ದು, ಇದು ಪ್ರಾಚೀನ ವೈದ್ಯಕೀಯ ಪದ್ಧತಿಯ ಒಂದು ಭಾಗ.

ಪ್ರತಿಯೊಬ್ಬ ಮನುಷ್ಯನ ದೇಹದಲ್ಲಿಯೂ ಜನ್ಮತಃ ಬಂದಿರುವಂತಹ ಛೀ ಎನ್ನುವ ಒಂದು ವಿಶೇಷ ಶಕ್ತಿಯು ಪ್ರವಹಿಸುತ್ತಿರುತ್ತದೆ. ಹೇಗೆ ನರಗಳಲ್ಲಿ ನರಗಳ ಇಂಪ್ಲಸ್‌ ಪ್ರವಹಿಸುತ್ತವೆಯೋ ಅದೇ ರೀತಿಯಲ್ಲಿ ಮೆರಿಡಿಯನ್‌ಗಳೆಂಬ ನಾಳಗಲ್ಲಿ ಈ ಛೀ ಶಕ್ತಿಯು ದೇಹದಲ್ಲೆಲ್ಲಾ ಪ್ರವಹಿಸುತ್ತದೆ. ಸರಿಸುಮಾರು ಈ ರೀತಿಯ 20 ಮೆರಿಡಿಯನ್‌ಗಳನ್ನು ದೇಹದಲ್ಲಿ ಗುರುತಿಸಲಾಗಿದೆ.

ಮೆರಿಡಿಯನ್‌ಗಳೆಂದರೆ ಈ ಛೀ ಪ್ರವಹಿಸುವ ದಾರಿಗಳು. ಇವುಗಳ ಮುಖ್ಯ ಕಾರ್ಯವೆಂದರೆ ದೇಹದ ಎಲ್ಲಾ ಭಾಗಗಳಿಗೂ ಸಮಾನ ರೀತಿಯಲ್ಲಿ ಈ ಶಕ್ತಿಯನ್ನು ಪ್ರಸರಿಸುವುದು. ಅಂದರೆ ದೇಹದ ಮೇಲ್ಭಾಗಕ್ಕೂ ಮತ್ತು ಒಳಭಾಗಕ್ಕೂ ಈ ಶಕ್ತಿಯನ್ನು ಪ್ರಸರಿಸುವುದರೊಂದಿಗೆ ಹೊಂದಾಣಿಕೆಯನ್ನು ಉಂಟು ಮಾಡಿ ಸಮಾನತೆಯನ್ನು ಕಾಪಾಡುವುದು.

ಸೂಜಿ ಚಿಕಿತ್ಸೆ ಅಥವಾ ಆಕ್ಯುಪಂಕ್ಚರ್‌ ಎನ್ನುವ ಈ ಪದವು ಲ್ಯಾಟಿನ್‌ನ ಭಾಷೆಯಿಂದ ಬಂದ ಪದ. ಆಕ್ಯು ಎಂದರೆ ಸೂಜಿ ಮತ್ತು ಪಂಕ್ಚರ್‌ ಎಂದರೆ ಚುಚ್ಚುವುದು. ದೇಹದ ಮೇಲಿರುವ ಬಿಂದುಗಳನ್ನು ಗುರುತಿಸಿ ಅವುಗಳಿಗೆ ಸೂಜಿಯನ್ನು ಚುಚ್ಚಿ ಪ್ರಚೋದಿಸುವುದರಿಂದ ಮೆರಿಡಿಯನ್‌ಗಳ ಮೂಲಕ ಈ ಛೀ ಶಕ್ತಿಯು ಪ್ರವಹಿಸಿ ಎಲ್ಲ ರೀತಿಯ ತೊಂದರೆಗಳಿಗೆ ರಾಮಬಾಣವಾಗಿ ಕಾರ್ಯನಿರ್ವಹಿಸುತ್ತದೆ.

ಈ ರೀತಿಯಾಗಿ ಚಿಕಿತ್ಸೆಯಿಂದ ಪ್ರಾರಂಭವಾದ ಈ ಪದ್ಧತಿಯು ಕ್ರಮೇಣ ರೋಗ ತಪಾಸಣೆ, ರೋಗದ ಪತ್ತೆ ಮತ್ತು ಚಿಕಿತ್ಸೆಗಳನ್ನು ಒಳಗೊಂಡ ವೈಜ್ಞಾನಿಕ ವೈದ್ಯಕೀಯ ಪದ್ಧತಿಯಾಗಿ ರೂಪುಗೊಂಡಿತು. ದೇಹದ ಮೇಲಿರುವ ವಿಶಿಷ್ಟ ಬಿಂದುಗಳ ಮೇಲೆ ವಿವಿಧ ರೀತಿಯ ನಾಜೂಕಾದ ಸೂಜಿಯನ್ನು ಚುಚ್ಚಿ ಛೀ ಶಕ್ತಿಯ ಮುಖಾಂತರ ದೇಹದ ಅಂಗಾಂಗಳ ಕಾರ್ಯಕ್ಷ ಮತೆಯನ್ನು ಉತ್ತಮಗೊಳಿಸುವುದು ಈ ಚಿಕಿತ್ಸೆಯ ಮೂಲ ತತ್ತ್ವ. ಆಯಾ ರೋಗಗಳಿಗೆ ತಕ್ಕಂತೆ ಅವಕ್ಕೆ ಸಂಬಂಧಪಟ್ಟ ಆಯಾಮ, ಅಂಗಗಳ ಬಿಂದುಗಳನ್ನು ಸೂಕ್ತ ರೀತಿಯಲ್ಲಿ ಆರಿಸಿ ಚಿಕಿತ್ಸೆಯನ್ನು ನೀಡಲಾಗುತ್ತದೆ.

ವಿವಿಧ ರೀತಿಯ ತೊಂದರೆಗಳಿಗೆ ಹಾಗೂ ವಿವಿಧ ರೀತಿಯ ಅಂಗಾಂಗಗಳಿಗೆ ಅನುಗುಣವಾಗಿ ಸೂಜಿಗಳನ್ನು ಆರಿಸಿಕೊಳ್ಳಲಾಗುವುದು. ಸಾಮಾನ್ಯವಾಗಿ ಫಿಲಿಫಾರ್ಮ್‌ ಸೂಜಿಯನ್ನು ಎಲ್ಲ ರೀತಿಯ ಕಾಯಿಲೆಗಳ ನಿವಾರಣೆಗೆ ಬಳಸುವುದು ಹೆಚ್ಚು. ಈ ರೀತಿಯಲ್ಲಿ ಆಯ್ಕೆಗೊಂಡಂತಹ ಸೂಜಿಗಳನ್ನು ರೋಗಕ್ಕೆ ಅನುಗುಣವಾಗಿ ಆಯ್ದ ಬಿಂದುಗಳಲ್ಲಿ ಚುಚ್ಚಿ ಸುಮಾರು 30 ನಿಮಿಷಗಳ ಕಾಲ ಹಾಗೇ ಬಿಡಲಾಗುತ್ತದೆ. ದಿನಕ್ಕೆ ಒಂದು ಬಾರಿಯಂತೆ ಕನಿಷ್ಟ ಹತ್ತು ದಿನಗಳ ಕಾಲ ಈ ಚಿಕಿತ್ಸೆಯನ್ನು ತೆಗೆದುಕೊಳಬೇಕು.

ಆಕ್ಯುಪಂಕ್ಚರ್‌ ಚಿಕಿತ್ಸೆಯ ಉಪಯೋಗ

ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ರೋಗ ಸೂಚಕ ಲಕ್ಷ ಣಗಳ ನಿವಾರಿಸುತ್ತದೆ. ಎಲ್ಲ ರೀತಿಯ ನೋವುಗಳ ಶಮನ ಮಾಡುತ್ತದೆ. ಮೂಳೆಯ ತೊಂದರೆಗಳು, ಆಸ್ಟಿಯೋ ಆಥೈರ್‍ಟಿಸ್‌, ಸರ್ವಿಕಲ್‌ ಸ್ಪಾಂಡಿಲೋಸಿಸ್‌, ಬೆನ್ನು ನೋವು, ಭುಜದ ನೋವು, ಮೊಣಕೈ ನೋವು ನಿವಾರಕ. ಅದಲ್ಲದೆ ಸಯಾಟಿಕಾ, ಮೈಗ್ರೇನ್‌, ತಲೆನೋವು , ಪಾಶ್ರ್ವವಾಯು, ಪೋಲಿಯೋ, ಬೆಲ್ಸ್‌ ಪಾಲ್ಸಿ,

ಟಾನ್ಸಿಲೈಟಿಸ್‌, ಅಸ್ತಮಾ, ಅಲರ್ಜಿ ಸಮಸ್ಯೆಗೆ ಪರಿಣಾಮಕಾರಿ ಚಿಕಿತ್ಸೆ. ಅದೆಲ್ಲದೆ ದೀರ್ಘಕಾಲಿಕ ತೊಂದರೆಗಳಾದ ಅಧಿಕ ರಕ್ತದೊತ್ತಡ, ಮಧುಮೇಹ, ಬೊಜ್ಜುತನ, ಮುಟ್ಟಿನ ತೊಂದರೆಗಳು, ಗಂಟು ನೋವುಗಳು, ಕಿವುಡುತನ, ಕೂದಲು ಉದುರುವಿಕೆಗೆ ಅಡ್ಡ ಪರಿಣಾಮವಿಲ್ಲದೆ ಚಿಕಿತ್ಸೆ ನೀಡಲಾಗುತ್ತದೆ.