ಭಾರತ-ಪಾಕ್ ಗಡಿಯಲ್ಲಿ ಹೆಚ್ಚಿದೆ ಆತಂಕ

ಶ್ರೀನಗರ: ಗಡಿ ಭಾಗದಲ್ಲಿ ಕೆರಾನ್ ಸೆಕ್ಟರ್‌ನ ಮಚ್ಚೀಲ್ ಬಳಿ ಶನಿವಾರ ಪಾಕಿಸ್ತಾನ ಪಡೆ ಗಡಿ ಭದ್ರತೆಯ ಸೈನಿಕನೊಬ್ಬನನ್ನು ಕೊಂದಿದ್ದು, ಮತ್ತೊಬ್ಬ ಭಾರತೀಯ ಯೋಧ ಗಾಯಗೊಂಡಿದ್ದಾನೆ.

ಪಾಕಿಸ್ತಾನ ಕದನ ವಿರಾಮ ಉಲ್ಲಂಘಿಸಿದ್ದರಿಂದ ಭಾರತೀಯ ಸೇನೆ ತಕ್ಕ ಪ್ರತ್ಯುತ್ತರ ನೀಡಿದ್ದು, ಆ ಭಾಗದಲ್ಲಿ ಗುಂಡಿನ ಚಕಮಕಿ ನಡೆದಿದೆ. ಈ ಸಮಯದಲ್ಲಿ ಶಹೀನಾ ಮತ್ತು ಹಮೀದಾ ಎಂಬ ಇಬ್ಬರು ಮಹಿಳೆಯರಿಗೂ ಗಂಭೀರ ಗಾಯಗಳಾಗಿವೆ.

ಈ ಚಕಮಕಿ ವೇಳೆ ಉಭಯ ಗಡಿ ಭಾಗದಲ್ಲಿ ಅನೇಕ ಮನೆಗಳಿಗೂ ಹಾನಿಯಾಗಿವೆ. ಒಟ್ಟಿನಲ್ಲಿ ಗಡಿ ಭಾಗದಲ್ಲಿ ಮತ್ತಷ್ಟು ಆತಂಕ ಹೆಚ್ಚಾಗಿದೆ.