ರಮೇಶ್‌ ಅರವಿಂದ್‌ ಮತ್ತು ಗಣೇಶ್‌ ಕಾಂಬಿನೇಷನ್‌ನ ಹೊಸ ಚಿತ್ರ ಸೆಟ್ಟೇರಿದೆ. ಚಿತ್ರದಲ್ಲಿ ಸಾನ್ವಿ ಶ್ರೀವಾತ್ಸವ್‌ ನಾಯಕಿಯಾಗಿ ನಟಿಸಿದ್ದು, ಚಿತ್ರಕ್ಕಾಗಿ ಫೋಟೋ ಶೂಟ್‌ ಮಾಡಲಾಗಿದೆ. ಅದರ ಎಕ್ಸ್‌ಕ್ಲೂಸಿವ್‌ ಫೋಟೋ ಇಲ್ಲಿದೆ. ಕನ್ನಡದ ಪ್ರತಿಭಾವಂತ ನಟ ಮತ್ತು ನಿರ್ದೇಶಕ ರಮೇಶ್‌ ಅರವಿಂದ್‌ ಈಗ ಗಣೇಶ್‌ಗೆ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವುದು ಗೊತ್ತೇ ಇದೆ. ಕಮಲ ಹಾಸನ್‌ಗಾಗಿ ಉತ್ತಮ್‌ ವಿಲನ್‌ ಚಿತ್ರ ನಿರ್ದೇಶನ ಮಾಡಿದ್ದ ರಮೇಶ್‌ ಅರವಿಂದ್‌ ತಮ್ಮ ನಟನೆಯ ನೂರನೇ ಚಿತ್ರದ ಶೂಟಿಂಗ್‌ನಲ್ಲಿ ಬಿಝಿ. ಇದರ ಜತೆ ಗಣೇಶ್‌ಗಾಗಿ ರಿಮೇಕ್‌ ಚಿತ್ರ ನಿರ್ದೇಶನ ಮಾಡುತ್ತಿದ್ದಾರೆ. ತೆಲುಗಿನ ಭಲೇ ಭಲೇ ಮೊಗಾಡಿವೋಯ್‌ ಚಿತ್ರದ ಕನ್ನಡ ರಿಮೇಕ್‌ ಇದು. ಈಗಾಗಲೇ ಚಿತ್ರೀಕರಣಕ್ಕೆ ಸಿದ್ಧತೆ ಮಾಡಿಕೊಂಡಿರುವ ರಮೇಶ್‌ ನಾಯಕ ನಾಯಕಿಯ ಫೋಟೋ ಶೂಟ್‌ ಮಾಡಿದ್ದಾರೆ. ಅದರ ಎಕ್ಸ್‌ಕ್ಲೂಸಿವ್‌ ಫೋಟೋ ಇಲ್ಲಿದೆ. ಸಾನ್ವಿ ಶ್ರೀವಾತ್ಸವ್‌ ಮೊದಲ ಬಾರಿಗೆ ಗಣೇಶ್‌ಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಮಾಸ್ಟರ್‌ ಪೀಸ್‌ ಚಿತ್ರದಲ್ಲಿ ಯಶ್‌ಗೆ ನಾಯಕಿಯಾಗಿ ಸಾನ್ವಿ ನಟಿಸಿದ್ದರು. ಇದಕ್ಕೂ ಮೊದಲು ಕನ್ನಡದಲ್ಲಿ ಚಂದ್ರಲೇಖಾ ಅವರ ಮೊದಲ ಚಿತ್ರವಾಗಿತ್ತು. ಉತ್ತರ ಭಾರತದ ನಟಿ ಸಾನ್ವಿ ತೆಲುಗು ಚಿತ್ರದ ಮೂಲಕ ನಟನೆಯನ್ನು ಪ್ರಾರಂಭ ಮಾಡಿದವರು. ಈಗ ಕನ್ನಡದಲ್ಲಿ ಫುಲ್‌ ಬಿಝಿ. ಗಣೇಶ್‌ ಜತೆ ಅಲ್ಲದೆ, ಮನೋರಂಜನ್‌ಗೆ ನಾಯಕಿಯಾಗಿ ಸಾಹೇಬ ಮತ್ತು ಮಫ್ತಿ ಚಿತ್ರದಲ್ಲಿ ಶ್ರೀಮುರಳಿಗೆ ಜೋಡಿಯಾಗಿ ಅವರು ನಟಿಸುತ್ತಿದ್ದಾರೆ.
↧
ಜಾಣ ಜಾಣೆಯ ಫೋಟೋ ಶೂಟ್‌
↧