ಜಿಎಸ್‌ಟಿ ತೆರಿಗೆಯಲ್ಲಿ 4 ಶ್ರೇಣಿ ಬಗ್ಗೆ ಚರ್ಚೆ ರಾಜ್ಯಗಳಿಗೆ ಪರಿಹಾರ ಬಗ್ಗೆ ಒಮ್ಮತ ಜಿಎಸ್‌ಟಿಯ ಮೂಲ ವರ್ಷ 2015-16 ಹೊಸದಿಲ್ಲಿ: ಜಿಎಸ್‌ಟಿ ಮಂಡಳಿಯ ಮೂರು ದಿನಗಳ ಸಭೆ ಮಂಗಳವಾರ ಆರಂಭವಾಗಿದ್ದು, ಸಂಭವನೀಯ ಜಿಎಸ್‌ಟಿ ದರದ ಬಗ್ಗೆ ಚರ್ಚಿಸಲಾಯಿತು. ಇದರಲ್ಲಿ 6, 12, 18 ಮತ್ತು 26 ಪರ್ಸೆಂಟ್‌ಗಳ ನಾಲ್ಕು ಶ್ರೇಣಿಗಳ ಬಗ್ಗೆ ಕೂಡ ಪರಾಮರ್ಶಿಸಲಾಯಿತು. ಅಗತ್ಯ ವಸ್ತುಗಳಿಗೆ ಕಡಿಮೆ ಹಾಗೂ ಐಷಾರಾಮಿ ವಸ್ತುಗಳಿಗೆ ಗರಿಷ್ಠ ದರ ವಿಧಿಸುವುದು ಇದರ ಉದ್ದೇಶ. ಹಾಗೂ ರಾಜ್ಯಗಳಿಗೆ ನೀಡುವ ಪರಿಹಾರದ ಬಗ್ಗೆ ಒಮ್ಮತಕ್ಕೆ ಬರಲಾಯಿತು. ಹಣಕಾಸು ಸಚಿಒವ ಅರುಣ್‌ ಜೇಟ್ಲಿ ನೇತೃತ್ವದ ಸಭೆಯಲ್ಲಿ ಎಲ್ಲ ರಾಜ್ಯಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು. 2017ರ ಏಪ್ರಿಲ್‌ 1ರಿಂದ ಜಾರಿಯಾಗಲಿರುವ ನೂತನ ಸರಕು ಮತ್ತು ಸೇವಾ ತೆರಿಗೆಯಲ್ಲಿ ರಾಜ್ಯಗಳಿಗೆ ಯಾವುದೇ ಕಂದಾಯ ನಷ್ಟವಾದರೂ ಪರಿಹಾರತ ಸಿಗಲಿದೆ. ಜಿಎಸ್‌ಟಿಯ ಮೂಲ ವರ್ಷ 2015-16 ಆಗಿರಲಿದೆ. ಜಿಎಸ್‌ಟಿಯ ತೆರಿಗೆಯ ಶ್ರೇಣಿಯಲ್ಲಿ ಗರಿಷ್ಠ 30 ಪರ್ಸೆಂಟ್‌ ತೆರಿಗೆ ಇಡಬೇಕು. ಇದರಿಂದ ಜನ ಸಾಮಾನ್ಯರು ನಿತ್ಯ ಬಳಸುವ ಉತ್ಪನ್ನಗಳಿಗೆ ತೆರಿಗೆ ವಿನಾಯಿತಿ ಅಥವಾ ಅಲ್ಪ ತೆರಿಗೆ ವಿಧಿಸಲು ಸಹಕಾರಿಯಾಗಲಿದೆ ಎಂದು ಕೇರಳದ ಹಣಕಾಸು ಸಚಿವ ಥಾಮಸ್‌ ಐಸಾಕ್‌ ಹೇಳಿದರು.
↧
ಜಿಎಸ್‌ಟಿ: ಪರಿಹಾರದ ಬಗ್ಗೆ ಒಮ್ಮತ
↧