ತಿಥಿ ಸಿನಿಮಾದಲ್ಲಿನ ತಮ್ಮ ನೈಜ ನಟನೆಯಿಂದ ಗಮನ ಸೆಳೆದಿದ್ದ ಗಡ್ಡಪ್ಪ, ಈಗ ಸಿನಿಮಾಗಳಲ್ಲಿ ಬಿಝಿಯೋ ಬಿಝಿ. ಇದೀಗ ಇವರ ಮನೆಗೆ ನಿರ್ಮಾಪಕರು ಮತ್ತು ನಿರ್ದೇಶಕರು ಎಡತಾಕುತ್ತಿದ್ದಾರೆ. ತಿಥಿ ಸಿನಿಮಾದ ಫೇಮಸ್‌ ಡೈಲಾಗ್‌ ಆದ 'ಏನ್‌ ನಿನ್ನ ಪ್ರಾಬ್ಲಮ್‌' ಕೂಡಾ ಈಗ ಸಿನಿಮಾ ಟೈಟಲ್‌ ಆಗಿ ನೋಂದಣಿಯಾಗಿದೆ. ಇದು ಸದ್ಯದಲ್ಲೇ ಸೆಟ್ಟೇರಲಿದ್ದು, ಗಡ್ಡಪ್ಪ ಇದರ ನಾಯಕನಾಗಿ ನಟಿಸುತ್ತಿದ್ದಾರೆ. 80ರ ಇಳಿ ವಯಸ್ಸಿನಲ್ಲಿ ಇವರಿಗೆ ಅವಕಾಶಗಳ ಹಿಂದೆ ಅವಕಾಶಗಳು ಹುಡುಕಿಕೊಂಡು ಬರುತ್ತಿರುವುದಕ್ಕೆ ಖುಷಿಯಾಗಿದೆಯಂತೆ. ಮಂಡ್ಯದಲ್ಲಿ ಹೋಟೆಲ್‌ ನಡೆಸುತ್ತಿದ್ದ ಅವರು ವಯೋ ಸಹಜ ಕಾರಣಕ್ಕೆ ಅದನ್ನು ಮುಚ್ಚಿದ್ದರು. ಎಂದಿಗೂ ಸಿನಿಮಾ ನಟ ಆಗುವ ಕನಸು ಕಂಡಿರಲಿಲ್ಲ. ಈಗ ಬಿಝಿ ನಟನಾಗುತ್ತಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಯಾದ 'ನಾನ್‌ ಕನ್ನಡಿಗ' ಎನ್ನುವ ಆಲ್ಬಂನಲ್ಲೂ ಗಡ್ಡಪ್ಪ ನಟಿಸಿದ್ದರು. ಇದಲ್ಲದೇ ಇನ್ನೂ ಎರಡ್ಮೂರು ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದಾರೆ.
↧
ಪ್ರಾಬ್ಲಮ್‌ ಬಗೆಹರಿಸೋಕೆ ಬಂದ ಗಡ್ಡಪ್ಪ
↧