ನವರಾತ್ರಿ ರಂಗಿನ ಒಂಬತ್ತು ಬಣ್ಣಗಳಲ್ಲಿ ಇವತ್ತಿನ ಬಣ್ಣ ನೀಲಿ. ಈ ಬಣ್ಣದ ಸೀರೆಯುಟ್ಟು ಇಂದಿನ ವಿಜಯ ಕರ್ನಾಟಕ ಮುಖಪುಟದಲ್ಲಿ ಮಿಂಚುತ್ತಿದ್ದಾರೆ ನಟಿ ಸಿಂಧೂ ಲೋಕನಾಥ್‌. ಭರವಸೆಯ ನಟಿಯರ ಸಾಲಿನಲ್ಲಿ ಪ್ರಮುಖವಾಗಿ ಕೇಳಿಬರುವ ಹೆಸರು ಸಿಂಧೂ ಅವರದ್ದು. 'ಪರಿಚಯ' ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪದಾರ್ಪಣೆ ಮಾಡಿದ ಈ ನಟಿ ನಂತರ, ಲೈಫು ಇಷ್ಟೇನೆ, ಕಾಫಿ ವಿತ್‌ ಮೈ ವೈಫ್‌, ಜೈ ಭಜರಂಗಬಲಿ, ಸ್ಯಾಂಡಲ್‌ವುಡ್‌ ಸರಿಗಮ, ನನ್ನ ಲೈಫ್‌ಲ್ಲಿ, ಕೇಸ್‌ ನಂ. 18/9, ಪ್ರಚಂಡ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡರು. ಕನ್ನಡದಲ್ಲಿ ಮಾತ್ರವಲ್ಲ ತೆಲುಗಿನಲ್ಲೂ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ ಸಿಂಧೂ. ಸ್ಟಾರ್‌ ನಟರಿರಲಿ, ಹೊಸ ನಾಯಕರೇ ಬರಲಿ ತಾವು ನಿರ್ವಹಿಸುವ ಪಾತ್ರ ಚೆನ್ನಾಗಿದ್ದರೆ ಯಾರಿಗೂ ನಿರಾಸೆ ಮಾಡದ ನಟಿ ಎಂಬ ಹೆಗ್ಗಳಿಕೆ ಇವರದ್ದು. ತೆರೆಯ ಮೇಲೆ ಅಷ್ಟೇ ಅಲ್ಲ, ಆಚೆಯೂ ಕೂಡ ಈಕೆ ಮುಗ್ಧೆ. ಯಶ್‌ ಮುಖ್ಯ ಭೂಮಿಕೆಯ ಡ್ರಾಮಾ ಸಿನಿಮಾದಲ್ಲಿಯ ಮೂಕಿ ಪಾತ್ರ, ಪುನೀತ್‌ ರಾಜ್‌ಕುಮಾರ್‌ರ ಯಾರೇ ಕೂಗಾಡಲಿ ಚಿತ್ರದಲ್ಲಿನ ಬಡ ಕುಟುಂಬದ ಹುಡುಗಿಯ ಪಾತ್ರ ಇವರಿಗೆ ಸಾಕಷ್ಟು ಹೆಸರು ತಂದುಕೊಟ್ಟಿವೆ.
↧
ನವರಂಗ್‌ ತಾರೆ ನಟಿ ಸಿಂಧೂ ಲೋಕನಾಥ್‌
↧