ಪುನೀತ್‌ ರಾಜ್‌ಕುಮಾರ್‌ ಮುಖ್ಯಭೂಮಿಕೆಯ 'ರಾಜಕುಮಾರ' ಸಿನಿಮಾದ ಟ್ರೇಲರ್‌ ರಿಲೀಸ್‌ ಆಗಿದ್ದು, ಅದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಇದರಲ್ಲಿ ಪುನೀತ್‌ ಸಖತ್‌ ಆಗಿ ಸಾಹಸ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದು, ಇವರ ಫೈಟ್‌ಗೆ ಪ್ರಶಂಸೆ ವ್ಯಕ್ತವಾಗಿದೆ. ಸಾಹಸ ಸನ್ನಿವೇಶಗಳಿಗೆ ಜೈಕಾರ ಹಾಕಿರುವ ನೋಡುಗರು, ಅದರಲ್ಲಿ ಬರುವ ಚಿಕ್ಕಣ್ಣನ ಸಂಭಾಷಣೆಯನ್ನು ಎತ್ತಿಕೊಂಡು ಚರ್ಚೆ ಮಾಡುತ್ತಿದ್ದಾರೆ. 'ಲೇ ನೀವೆಲ್ಲಾ ಅಣ್ಣ - ಬಾಸು ಅಂತ ಬೇರೆಯವರ ಹೆಸ್ರು ಹೇಳ್ಕೊಂಡು ಪವರ್‌ಗೆ ಬಂದಿರೋದು. ಆದ್ರೆ ಹೆಸರಿನ ಜೊತೆಲೇ ಪವರ್‌ ಇರೋದು ಪುನೀತ್‌ ಅವರಿಗೆ...' ಈ ರೀತಿ ಚಿಕ್ಕಣ್ಣ ಡೈಲಾಗ್‌ ಹೇಳಿದ್ದಾರೆ. ಇದನ್ನು ಯಾವ ನಟರ ವಿರುದ್ಧ ಹೊಡೆದದ್ದು ಅನ್ನುವ ಚರ್ಚೆ ಜೋರಾಗಿದೆ. ಇದು ಸಂತೋಷ ಆನಂದ್‌ರಾಮ್‌ ನಿರ್ದೇಶನದ ಚಿತ್ರ. ಬ್ಲಾಕ್‌ ಬಸ್ಟರ್‌ ಸಿನಿಮಾ 'ಮಿಸ್ಟರ್‌ ಅಂಡ್‌ ಮಿಸೆಸ್‌ ರಾಮಾಚಾರಿ' ನಂತರ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ ಆನಂದ್‌ರಾಮ್‌. ಹೀಗಾಗಿ ಈ ಚಿತ್ರ ಕೂಡ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ.
↧
ಪವರ್‌ಫುಲ್‌ ರಾಜಕುಮಾರ
↧