ನವರಾತ್ರಿ ರಂಗಿನ 9 ಬಣ್ಣಗಳಲ್ಲಿ ಇಂದಿನ ಬಣ್ಣ ಬೂದು. ಈ ಬಣ್ಣದ ಸೀರೆಯನ್ನುಟ್ಟು ವಿಜಯ ಕರ್ನಾಟಕ ಮುಖಪುಟದಲ್ಲಿ ಕಂಗೊಳಿಸುತ್ತಿದ್ದಾರೆ ನಟಿ ಮಯೂರಿ. ಅಶ್ವಿನಿ ನಕ್ಷತ್ರ ಧಾರಾವಾಹಿಯ ಮುಖ್ಯ ಪಾತ್ರಧಾರಿ ಅಶ್ವಿನಿಯಾಗಿ ಬಣ್ಣದ ಬದುಕನ್ನು ಪ್ರಾರಂಭಿಸಿದವರು ಇವರು. ಅಶ್ವಿನಿಯಾಗಿಯೇ ಫೇಮಸ್‌ ಆದ ಇವರನ್ನು ಸ್ಯಾಂಡಲ್‌ವುಡ್‌ಗೆ ಕರೆತಂದದ್ದು ಶಶಾಂಕ್‌ ನಿರ್ದೇಶನ ಕೃಷ್ಣಲೀಲಾ ಚಿತ್ರ. ಈ ಸಿನಿಮಾ ಕೂಡ ಮಯೂರಿಗೆ ಬಿಗ್‌ ಸಕ್ಸಸ್‌ ತಂದುಕೊಟ್ಟಿತು. ಅಲ್ಲಿಂದ ಕನ್ನಡ ಸಿನಿಮಾರಂಗದಲ್ಲೂ ಬಿಝಿ ಆದ ಇವರು, ನಾಗತಿಹಳ್ಳಿ ಚಂದ್ರಶೇಖರ್‌ ನಿರ್ದೇಶನದ 'ಇಷ್ಟಕಾಮ್ಯ'ದಲ್ಲೂ ನಾಯಕಿಯಾಗಿ ನಟಿಸಿದರು.
ಸದ್ಯ ಶರಣ್‌ ಜತೆ ನಟರಾಜ ಸರ್ವೀಸ್ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಇನ್ನಷ್ಟೇ ಅದು ತೆರೆ ಕಾಣಬೇಕು. ಅಲ್ಲದೇ ಕರಿಯಾ-2ದಲ್ಲೂ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಕನ್ನಡದಲ್ಲಿ ಮಾತ್ರವಲ್ಲ ಪರಭಾಷಾ ಸಿನಿಮಾಗಳಲ್ಲೂ ಹೀರೋಯಿನ್‌ ಆಗಿ ಅಭಿನಯಿಸಿದ ಹೆಗ್ಗಳಿಗೆ ಮಯೂರಿ ಅವರದ್ದು.
↧
ನವರಂಗ್ ತಾರೆ ಮಯೂರಿ
↧