ಕಾನ್ಪುರ: ಕಾಶ್ಮೀರದ ಉರಿ ಸೇನಾ ಶಿಬಿರದ ಮೇಲೆ ನಡೆದ ಉಗ್ರರ ದಾಳಿಯಲ್ಲಿ ವೀರ ಮರಣಕ್ಕೀಡಾದ ಭಾರತದ ಕೆಚ್ಚೆದೆಯ ಸೇನಾನಿಗಳಿಗೆ ಭಾರತ ಕ್ರಿಕೆಟ್‌ ತಂಡ ಗೌರವ ಸಲ್ಲಿಸುತ್ತದೆ ಎಂದು ಕೋಚ್‌ ಆನಿಲ್‌ ಕುಂಬ್ಳೆ ತಿಳಿಸಿದ್ದಾರೆ. ಗ್ರೀನ್‌ ಪಾರ್ಕ್‌ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ತಂಡದ ಅಭ್ಯಾಸದ ವೇಳೆ ಮಾತನಾಡಿದ ಕುಂಬ್ಳೆ, ''ವೀರ ಮರಣಕ್ಕೀಡಾದ ಸೈನಿಕರಿಗೆ ಭಾರತ ತಂಡದ ಪರವಾಗಿ ಸಂತಾಪ ಸೂಚಿಸುತ್ತೇನೆ. ಅವರು ನಮ್ಮ ರಕ್ಷ ಣೆಗಾಗಿ ಪ್ರಾಣವನ್ನೇ ಅರ್ಪಿಸಿದ್ದಾರೆ. ಈ ನೋವನ್ನು ಸಹಿಸಿಕೊಳ್ಳುವುದು ಅವರ ಕುಟುಂಬಗಳಿಗೆ ತುಂಬಾ ಕಷ್ಟ. ಭಾರತ ತಂಡ ಸೈನಿಕರಿಗೆ ಸದಾ ಗೌರವ ಸಲ್ಲಿಸುತ್ತದೆ. ನಮ್ಮ ಕಡೆಯಿಂದ ಆ ಗೌರವ ಯಾವಾಗಲೂ ಇರುತ್ತದೆ,'' ಎಂದು ಕುಂಬ್ಳೆ ತಿಳಿಸಿದರು.
↧
ಹುತಾತ್ಮ ಸೈನಿಕರಿಗೆ ಸಲಾಂ: ಕುಂಬ್ಳೆ
↧