ಭಾರತದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿರುವ ಇ-ವಾಣಿಜ್ಯ ಕ್ಷೇತ್ರದಲ್ಲಿ ಈ ಬೆಳವಣಿಗೆ ಹೊಸ ಅಧ್ಯಾಯಕ್ಕೆ ನಾಂದಿ ಹಾಡಿದೆ. ಮೈಂತ್ರಾವನ್ನು ಫ್ಲಿಪ್‌ಕಾರ್ಟ್ 2014ರಲ್ಲಿ 2000 ಕೋಟಿ ರೂ.ಗೆ ಖರೀದಿಸಿತ್ತು. ಇದೀಗ ಹೊಸ ಖರೀದಿಯಿಂದಾಗಿ, ಮಾಸಿಕವಾಗಿ ಸಕ್ರಿಯವಾಗಿರುವ ಒಟ್ಟು 1.50 ಕೋಟಿ ಬಳಕೆದಾರರ ಮಾಹಿತಿಯು ಮೈಂತ್ರಾಗೆ ಲಭ್ಯವಾದಂತಾಗಿದೆ.
ಜಬಾಂಗ್ ಖರೀದಿಯಿಂದ ಭಾರತದ ಫ್ಯಾಶನ್ ಮತ್ತು ಲೈಫ್‌ಸ್ಟೈಲ್ ವಿಭಾಗದಲ್ಲಿ ಫ್ಲಿಪ್‌ಕಾರ್ಟ್‌ನ ಬಲ ಹೆಚ್ಚಿದೆ. ಜಬಾಂಗ್ ಎಂಬುದು ಭಾರತದ ಪ್ರಮುಖ ಫ್ಯಾಶನ್ ಮಲ್ಟಿಬ್ರ್ಯಾಂಡ್ ಅಂತರ್ಜಾಲ ತಾಣವಾಗಿದ್ದು, ದೇಶ-ವಿದೇಶಗಳ ವೈವಿಧ್ಯಮಯ ಉಡುಗೆ ತೊಡುಗೆಗಳು ಇದರಲ್ಲಿ ಲಭ್ಯವಿದೆ.
2012ರಲ್ಲಿ ಜಬಾಂಗ್ ರೂಪುಗೊಂಡಿತ್ತು. 2014ರ ಸೆಪ್ಟೆಂಬರ್ ತಿಂಗಳಲ್ಲಿ ರಾಕೆಟ್ ಇಂಟರ್ನೆಟ್ ಕಂಪನಿಯು ಜಬಾಂಗ್ ಅನ್ನು ಇತರ ನಾಲ್ಕು ಜಾಗತಿಕ ಆನ್‌ಲೈನ್ ಫ್ಯಾಶನ್ ರೀಟೇಲರ್ ಕಂಪನಿಗಳ ಜೊತೆ ವಿಲೀನ ಮಾಡಿ, ಗ್ಲೋಬಲ್ ಫ್ಯಾಶನ್ ಗ್ರೂಪ್ (ಜಿಎಫ್‌ಜಿ) ರಚಿಸಿತ್ತು.
ಹೊಸದಿಲ್ಲಿ: ಜಬಾಂಗ್ ಎಂಬ ಫ್ಯಾಶನ್ ಉಡುಗೆ-ತೊಡುಗೆಗಳ ಇ-ಕಾಮರ್ಸ್ ತಾಣವನ್ನು ಖರೀದಿಸಿರುವುದಾಗಿ ಫ್ಲಿಪ್‌ಕಾರ್ಟ್ ಒಡೆತನದ ಮೈಂತ್ರಾ ಮಂಗಳವಾರ ಘೋಷಿಸಿದೆ. ಆದರೆ ಎಷ್ಟು ಹಣ ನೀಡಲಾಗಿದೆ ಎಂಬುದನ್ನು ಬಹಿರಂಗಪಡಿಸಿಲ್ಲ.