ಹೊಸದಿಲ್ಲಿ: ದಿಲ್ಲಿಯ ಪ್ರತಿಷ್ಠಿತ ಲೇಡಿ ಶ್ರೀರಾಮ್‌ ಕಾಲೇಜಿನ 4 ವಿದ್ಯಾರ್ಥಿನಿಯರು ಬೇಸಿಗೆ ಕಾಲದ ಇಂಟರ್ನ್‌ಶಿಪ್‌ಗೆ ಈವರೆಗಿನ ಅತಿ ಹೆಚ್ಚು ಮೊತ್ತದ ವೇತನ ಪಡೆದಿದ್ದಾರೆ.
ಬ್ರೆಜಿಲಿಯನ್‌ ಕಂಪನಿ ಎಂಬಾರ್ಕೊ, ಈ ವರ್ಷ ನಾಲ್ವರು ವಿದ್ಯಾರ್ಥಿನಿಯರಿಗೆ ತಲಾ 2 ಲಕ್ಷ ರೂ. ಇಂಟರ್ನ್‌ಶಿಪ್‌ ವೇತನ ನೀಡಿದೆ.
ಇತರ 97 ಇತರ ಹುಡುಗಿಯರಿಗೂ ಇಂಟರ್ನ್‌ಶಿಪ್‌ ವೇತನ ದೊರೆತಿದ್ದು ಜೆಎಸ್‌ಡಬ್ಲ್ಯು, ಕೆಪಿಎಂಜಿ , ಹ್ಯಾಂಗ್‌ಓವರ್‌ ರೆ ಮುಂತಾದ ಕಂಫನಿಗಳಲ್ಲಿ ಇಂಟರ್ನ್‌ಶಿಪ್‌ ಪೂರೈಸಿದ್ದಾರೆ.
ಅದಿತಿ ಮಿಶ್ರಾ(ಬಿಕಾಂ), ದೆಬೊಲೀನಾ ದತ್ತ (ಅರ್ಥಶಾಸ್ತ್ರ) ಪ್ರೇರಣಾ ಗ್ರೊವರ್‌ (ಸಂಖ್ಯಾಶಾಸ್ತ್ರ) ಹಾಗೂ ಆಯುಷಿ ಸೇಠ್‌( ಪತ್ರಿಕೋದ್ಯಮ) ಯೋಜನೆಯ ಭಾಗವಾಗಿದ್ದರು.
'ಭಾರತದಿಂದ ಇಂಟರ್ನ್‌ಗಳನ್ನು ನೇಮಿಸಿಕೊಂಡಿದ್ದು ಇದೇ ಮೊದಲು. ಮುಂಬರುವ ದಿನಗಳಲ್ಲಿ ಇಂಥ ಮತ್ತಷ್ಟು ಸಹಯೋಗವನ್ನು ಎದುರುನೋಡುತ್ತಿದ್ದೇವೆ,' ಎಂಬಾರ್ಕೊದ ಏಷ್ಯಾ ವಲಯದ ನಿರ್ದೇಶಕ ಅರೂಪ್‌ ಮಜುಮ್ದುದಾರ್‌ ಹೇಳಿದ್ದಾರೆ.
↧
ಲೇಡಿ ಶ್ರೀರಾಮ್‌ ವಿದ್ಯಾರ್ಥಿನಿಯರಿಗೆ 2 ಲಕ್ಷ ರೂ. ಇಂಟರ್ನ್‌ಶಿಪ್‌
↧