ಬೆಂಗಳೂರು: ತನ್ನದೇ ಆದ ಹೋಮ್‌ ಬ್ರಾಂಡ್‌ ಅನ್ನು ಫ್ಲಿಪ್ಕಾರ್ಟ್ ಆರಂಭಿಸಲಿದ್ದು, ತನ್ನ ಬ್ರಾಂಡ್‌ನಲ್ಲಿ ಆಭರಣಗಳು, ಮೊಬೈಲ್‌ ಮತ್ತು ಫ್ಯಾಷನ್‌ ಉತ್ಪನ್ನಗಳನ್ನು ಗ್ರಾಹಕರಿಗೆ ತಲುಪಿಸಲು ಸಿದ್ಧತೆಗಳು ನಡೆದಿವೆ ಎಂದು ಮೂಲಗಳು ತಿಳಿಸಿವೆ. ಬೆಂಗಳೂರು ಮೂಲದ ಈ ಕಂಪನಿ, ತನ್ನ ಬ್ರಾಂಡ್‌ನಲ್ಲಿ ಗುಣಮಟ್ಟದ ಉತ್ಪನ್ನಗಳನ್ನು ಅಗ್ಗದ ದರಕ್ಕೆ ಒದಗಿಸಲು ಮುಂದಾಗಿದೆ. ಆದರೆ, ತನ್ನ ಪ್ರೈವೇಟ್‌-ಲೇಬಲ್‌ ವ್ಯವಹಾರ(ಒಂದು ಕಂಪನಿಯ ಉತ್ಪನ್ನವು ಇನ್ನೊಂದು ಕಂಪನಿಯ ಬ್ರಾಂಡ್‌ನಡಿ ಮಾರಾಟವಾಗುವುದು) ಕುರಿತು ಪ್ರತಿಕ್ರಿಯಿಸಲು ನಿರಾಕರಿಸಿದೆ. ಮೂಲಗಳ ಪ್ರಕಾರ, ಈ ವ್ಯವಹಾರವು ಆಗಸ್ಟ್‌ ನಂತರ ಆರಂಭವಾಗುವ ನಿರೀಕ್ಷೆ ಇದೆ. ಹೊಸ ವ್ಯವಹಾರಕ್ಕೆ ಫ್ಲಿಪ್‌ಕಾರ್ಟ್‌ನ ಮೊಬೈಲ್‌ ಕಾಮರ್ಸ್‌ ಮತ್ತು ಆನ್‌ಲೈನ್‌ ಮಾರ್ಕೆಟಿಂಗ್‌ ವಿಭಾಗದ ಹಿರಿಯ ನಿರ್ದೇಶಕರನ್ನು ಉಪಾಧ್ಯಕ್ಷರಾಗಿ ನಿಯೋಜಿಸುವ ಸಾಧ್ಯತೆಗಳಿವೆ. ಈ ಮೊದಲೇ ಡಿಜಿಫ್ಲಿಪ್‌, ಸಿಟ್ರಾನ್‌ ಮತ್ತು ಫ್ಲಿಪ್‌ಡ್‌ ಎನ್ನುವ ಮೂರು ಬ್ರಾಂಡ್‌ಗಳನ್ನು ಫ್ಲಿಪ್ಕಾರ್ಟ್ ಆರಂಭಿಸಿತ್ತು. ವಿಶ್ವದ ಬೃಹತ್‌ ಆನ್‌ಲೈನ್‌ ರಿಟೇಲರ್‌ ಆದ ಅಮೆಜಾನ್‌, ಈಗಾಗಲೇ ತನ್ನ ಬ್ರಾಂಡ್‌ನಡಿ ಕಂಪ್ಯೂಟರ್‌, ಮೊಬೈಲ್‌ ಉತ್ಪನ್ನ ಮತ್ತು ಇತರೆ ಉತ್ಪನ್ನಗಳನ್ನು ಅಮೆಜಾನ್‌ ಬೇಸಿಕ್ಸ್‌ ಎನ್ನುವ ಲೇಬಲ್‌ನಡಿ ಮಾರಾಟ ಮಾಡುತ್ತಿದೆ.
↧
ಫ್ಲಿಪ್ಕಾರ್ಟ್ ಬ್ರಾಂಡ್‌ನಲ್ಲಿ ಆಭರಣ, ಮೊಬೈಲ್‌ಗಳ ಮಾರಾಟ
↧