ಬೆಂಗಳೂರು: ಆ್ಯಪ್‌ ಮೂಲಕ ನಿಯಂತ್ರಿಸುವ ಗೀಸರ್‌ ವೆರಾನೊವನ್ನು ವಿ-ಗಾರ್ಡ್‌ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಗ್ರಾಹಕರು ತಮ್ಮ ಸ್ಮಾರ್ಟ್‌ಫೋನ್‌ಗೆ ವೆರಾನೊ ಗೀಸರ್‌ ನಿಯಂತ್ರಿಸುವ ಆ್ಯಪ್‌ ಡೌನ್‌ಲೋಡ್‌ ಮಾಡಿಕೊಂಡು ವಿಶ್ವದ ಯಾವ ಮೂಲೆಯಿಂದ ಬೇಕಾದರು ನಿಯಂತ್ರಿಸುವ ಅತ್ಯಾಧುನಿಕ ತಂತ್ರಜ್ಞಾನವನ್ನು ಎಲೆಕ್ಟ್ರಿಕ್‌ ಗೀಸರ್‌ ಹೊಂದಿದೆ. ಇದಕ್ಕಾಗಿ ಗ್ರಾಹಕರು ತಮ್ಮ ಫೋನ್‌ ಮತ್ತು ಮನೆಯಲ್ಲಿ ಉತ್ತಮ ವೈಫೈ ಸೌಲಭ್ಯ ಹೊಂದಿರಬೇಕು ಎಂದು ಬೆಂಗಳೂರಿನಲ್ಲಿ ಹೊಸ ಗೀಸರ್‌ ಬಿಡುಗಡೆ ಮಾಡಿದ ವಿ-ಗಾರ್ಡ್‌ ಕಂಪನಿ ವ್ಯವಸ್ಥಾಪಕ ನಿರ್ದೇಶಕ ಮಿಥುನ್‌ ಚಿಟ್ಟಲಪಳ್ಳಿ ತಿಳಿಸಿದರು. ಯಾವುದೇ ಬಗೆಯ ತಾಂತ್ರಿಕ ಸಮಸ್ಯೆಗಳು ಕಂಡುಬಂದರೆ ಗ್ರಾಹಕರಿಗೆ ಆ್ಯಪ್‌ ಮೂಲಕ ಸೂಚನೆ ಕಳುಹಿಸುತ್ತದೆ. ಬೇಕಾದ ಸಮಯಕ್ಕೆ ಗೀಸರ್‌ ಸ್ವಯಂ ಚಾಲಿತವಾಗಿ ಕಾರ್ಯ ನಿರ್ವಹಿಸಲು ಕಾರ್ಯಕ್ರಮ ಪಟ್ಟಿಯನ್ನು ಸಹ ಆ್ಯಪ್‌ ಮೂಲಕ ನಿಯಂತ್ರಿಸಬಹುದು ಎಂದು ಅವರು ಮಾಹಿತಿ ನೀಡಿದರು. ಸಂಸ್ಥೆಯ ಜಸ್ಟಿನ್‌ ಜೋಶ್‌ ಮಾತನಾಡಿ, ವೆರಾನೊ ಗೀಸರ್‌ ಭಾರತದ ಭೌಗೋಳಿಕ ವಾತವರಣಕ್ಕೆ ಸರಿ ಹೊಂದುವ ರೀತಿ ಭಾರತದಲ್ಲೇ ತಯಾರಿಸಲಾದ ಗೀಸರ್‌ ಆಗಿದೆ. ಕಾಶ್ಮಿರದಿಂದ ಕನ್ಯಾಕುಮಾರಿ ವರೆಗೂ ಯಾವ ಬಗೆಯ ನೀರನ್ನು ಬೇಕಾದರು ಉಪಯೋಗಿಸಬಲ್ಲ ಸಾಮಾರ್ಥ್ಯ ಹೊಂದಿದೆ. ಭಾರತದಲ್ಲಿ ಇದೆ ಮೊದಲ ಬಾರಿಗೆ ನಾವು ಒಳಗಿನ ಟ್ಯಾಂಕಿಗೆ 10ವರ್ಷ ಮತ್ತು ಹೀಟರ್‌ಗೆ 4 ವರ್ಷ ವಾರೆಂಟಿಯನ್ನು ಸಹ ನೀಡುತ್ತಿದ್ದೇವೆ ಎಂದು ತಿಳಿಸಿದರು. ಸಂಸ್ಥೆಯ ಮಾರುಕಟ್ಟೆ ವಿಭಾಗದ ಉಪಾಧ್ಯಕ್ಷ ಸೂರ‍್ಯಪ್ರಸಾದ್‌ ಮಾತನಾಡಿ, 15 ಲೀಟರ್‌ ಗೀಸರ್‌ 16,000 ಮತ್ತು 20 ಲೀಟರ್‌ ಗೀಸರ್‌ 17,500ರೂ. ಸ್ಪರ್ಧಾತ್ಮಕ ಬೆಲೆ ಹೊಂದಿದೆ. ಇದು ಸಂಪೂರ್ಣ 5 ಸ್ಟಾರ್‌ ಬಿಇಇ ಸ್ಟ್ಯಾಂಡರ್ಡ್‌ ರೇಟಿಂಗ್‌ ಪಡೆದಿದೆ. ಗರಿಷ್ಠ ಪ್ರಮಾಣದ ವಿದ್ಯುತ್‌ ಉಳಿತಾಯಕ್ಕೆ ನೆರವಾಗುತ್ತದೆ. ಗೀಸರ್‌ ಡಿಜಿಟಲ್‌ ತಾಪಮಾನ ನಿಯಂತ್ರಣ, ಆಲಾರಂ ಶಬ್ದ ಮತ್ತು ಎಲ್‌ಇಡಿ ಡಿಸ್‌ಪ್ಲೇ ಪ್ಯಾನಲ್‌ಗಳನ್ನು ಒಳಗೊಂಡ ಉತ್ತಮ ಗುಣಮಟ್ಟದ ಬ್ರಾಂಡೆಡ್‌ ಉಕ್ಕಿನ ಒಳ ಟ್ಯಾಂಕಿನಿಂದ ಕೂಡಿದೆ. ಈ ವರ್ಷ ದಕ್ಷಿಣ ಭಾರತದ ಎಲ್ಲಾ ಗೃಹೋಪಕರಣ ಮಳಿಗೆಗಳಲ್ಲಿ ವೆರಾನೊ ಲಭ್ಯವಾಗಲಿದೆ ಎಂದು ತಿಳಿಸಿದರು.
↧
ವಿ-ಗಾರ್ಡ್‌ನಿಂದ ಆ್ಯಪ್‌ ನಿಯಂತ್ರಿತ ಗೀಸರ್‌ ಬಿಡುಗಡೆ
↧