ಮುಂಬಯಿ: ಕಳೆದ ವಾರ ನಾಲ್ಕು ತಿಂಗಳ ಹಿಂದಿನ ಗರಿಷ್ಠ ಮಟ್ಟಕ್ಕೆ ಕುಸಿದಿದ್ದ ಸೆನ್ಸೆಕ್ಸ್‌ ಸೋಮವಾರವೂ ಅಲ್ಪ ಅಂದರೆ 5.25 ಅಂಕ ಏರಿಕೆ ದಾಖಲಿಸಿ, 26,402.96ಕ್ಕೆ ಸ್ಥಿರವಾಯಿತು. ಬ್ರೆಕ್ಸಿಟ್‌ ಸೇರಿದಂತೆ ಜಾಗತಿಕ ಪ್ರಭಾವಗಳಿಂದ ಮುಂಬಯಿ ಷೇರುಪೇಟೆಯಲ್ಲಿ ಚಟುವಟಿಕೆ ಮಂದಗತಿಯಲ್ಲಿತ್ತು. ಬ್ರೆಕ್ಸಿಟ್‌ ಪರಿಣಾಮವನ್ನು ಪೂರ್ಣ ಜೀರ್ಣಿಸಿಕೊಳ್ಳಲು ಹೂಡಿಕೆದಾರರು ಪ್ರಯತ್ನಿಸುತ್ತಿದ್ದು, ಇನ್ನೂ ಕಳವಳ ಮುಂದುವರಿದಿದೆ. ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ ನಿಫ್ಟಿ 6.10 ಅಂಕ ಏರಿಕೆಯಾಗಿದ್ದು, 8,094.70ಕ್ಕೆ ವಹಿವಾಟು ಅಂತ್ಯವಾಯಿತು. ಟಿಸಿಎಸ್‌, ಇನ್ಫೋಸಿಸ್‌, ವಿಪ್ರೊ ಸೇರಿದಂತೆ ಸಾಫ್ಟ್‌ವೇರ್‌ ಕಂಪನಿಗಳ ಷೇರುಗಳು ಒತ್ತಡಕ್ಕೆ ಸಿಲುಕಿದವು. ಷೇರುಗಳು ಶೇ.2.93ರ ತನಕ ನಷ್ಟ ಅನುಭವಿಸಿವೆ.
↧
ಸೆನ್ಸೆಕ್ಸ್‌ ಅಲ್ಪ ಚೇತರಿಕೆ
↧