ಕೋಲ್ಕೊತಾ: ಅಕ್ಷಯ ತೃತೀಯ ಸಂದರ್ಭದಲ್ಲಿ ಗ್ರಾಹಕರು ಭಾರತೀಯ ಚಿನ್ನದ ನಾಣ್ಯಗಳನ್ನು ಇಂಡಿಯನ್‌ ಓವರ್‌ಸಿಸ್‌ ಬ್ಯಾಂಕ್‌ನ 42 ಕೇಂದ್ರ ಶಾಖೆಗಳು, 20 ಎಂಎಂಟಿಸಿ ಔಟ್‌ಲೆಟ್‌ಗಳು, ದಿಲ್ಲಿ ಮತ್ತು ಚಂಡೀಗಢದ ಫುಲಕರಿ ಎಂಫೋರಿಯಂನ ಆಯ್ದ ಶಾಖೆಗಳಲ್ಲಿ ಖರೀದಿಸಬಹುದು. ಮುಂಬಯಿ, ಚೆನ್ನೈ, ಬೆಂಗಳೂರು, ಚಂಡೀಗಢ ಸೇರಿದಂತೆ 31 ನಗರಗಳಲ್ಲಿ ಈ ನಾಣ್ಯವು 5, 10 ಗ್ರಾಂ ನಾಣ್ಯಗಳಲ್ಲಿ ಲಭ್ಯವಿದೆ. ಅಲ್ಲದೇ 20 ಗ್ರಾಂ ಚಿನ್ನದ ಬಾರ್‌ಗಳನ್ನೂ ಮಾರಾಟ ಮಾಡಲಾಗುತ್ತಿದೆ. ಸದ್ಯದಲ್ಲೆ ಚಿನ್ನದ ನಾಣ್ಯಗಳು ಇತರೆ ಬ್ಯಾಂಕ್‌ ಶಾಖೆಗಳು ಮತ್ತು ಅಂಚೆ ಕಚೇರಿಗಳಲ್ಲೂ ಲಭ್ಯವಾಗಲಿವೆ. ಎಂಎಂಟಿಸಿ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ವೇದ ಪ್ರಕಾಶ್‌, ''ಅಕ್ಷಯ ತೃತೀಯದ ಸಂದರ್ಭದಲ್ಲಿ ಈ ವರ್ಷ ಭಾರತೀಯರು ಶುದ್ಧ ಚಿನ್ನವನ್ನು ಖರೀದಿಸಲಿ ಎನ್ನುವ ಉದ್ದೇಶದಿಂದ ನಾಣ್ಯಗಳನ್ನು ಬಿಡುಗಡೆ ಮಾಡಲಾಗಿದೆ,'' ಎಂದಿದ್ದಾರೆ. ನಾಣ್ಯದ ಒಂದು ಬದಿಯಲ್ಲಿ ಅಶೋಕ ಚಕ್ರ ಮತ್ತು ಇನ್ನೊಂದು ಬದಿಯಲ್ಲಿ ಮಹಾತ್ಮ ಗಾಂಧಿಯ ಚಿತ್ರವಿದೆ. ಶುದ್ಧತೆಗೆ ಸಾಕ್ಷಿಯಾದ ಬಿಐಎಸ್‌ ಹಾಲ್‌ಮಾರ್ಕ್‌ ಅನ್ನು ಇದು ಹೊಂದಿದೆ. 24 ಕ್ಯಾರೆಟ್‌ ಫ್ಯೂರಿಟಿ ಮತ್ತು 999 ಫೈನ್‌ನೆಸ್‌ ಅನ್ನು ನಾಣ್ಯವು ಹೊಂದಿದೆ.
↧
ಅಕ್ಷಯ ತೃತೀಯಕ್ಕೆ ಚಿನ್ನದ ನಾಣ್ಯ ಬಿಡುಗಡೆ
↧