ಕೊಲೆಯಾದ ದಿನ ಅಂದರೆ 2011 ಅಕ್ಟೋಬರ್ 20 ರಂದೇ ನಾಲ್ವರನ್ನು ಬಂಧಿಸಲಾಗಿತ್ತು. ದೇಶಾದ್ಯಂತ ತಲ್ಲಣ ಸೃಷ್ಟಿಸಿದ್ದ ಘಟನೆ ನಂತರ, ಮಹಿಳೆಯರಿಗೆ ಸುರಕ್ಷಿತ ವಾತಾವರಣ ಕಲ್ಪಿಸುವಂತೆ ಆಗ್ರಹಿಸಿ ಹಲವು ಆಂದೋಲನಗಳು ನಡೆದಿದ್ದವು.
ವಿಶೇಷ ನ್ಯಾಯಮೂರ್ತಿ ವೃಶಾಲಿ ಜೋಶಿ ಶಿಕ್ಷೆ ಪ್ರಕಟಿಸಿದಾಗ, ಆರೋಪಿಗಳು ಹಾಗೂ ಕೊಲೆಯಾದ ಕೀನನ್‌ (24) ಹಾಗೂ ರೂಬೆನ್‌ (29)ನ ಕುಟುಂಬ ಸದಸ್ಯರು ನ್ಯಾಯಾಲಯದಲ್ಲಿದ್ದರು.
ಘಟನೆ ನಂತರ ಬಂಧಿತರಾದ ರಾಣಾ, ಸುನೀಲ್‌ ಬೋದ್‌, ಸತೀಶ್‌ ದುಲ್ಜಾ ಹಾಗೂ ದೀಪಕ್‌ ತಿವಲ್‌ ಈವರೆಗೂ ಜೈಲಿನಲ್ಲೇ ಇದ್ದಾರೆ.
ಏನಿದು ಪ್ರಕರಣ ?
ಅಕ್ಟೋಬರ್ 20, 2011 ರಂದು ಮುಂಬಯಿ ಉಪನಗರ ಅಂದೇರಿಯ ಅಂಬೋಲಿ ಬಾರ್‌ ಆಂಡ್‌ ಕಿಚನ್‌ ಹೊರೆಗೆ ಕೀನನ್‌ ಹಾಗೂ ರೂಬೆನ್‌ಗೆ ಚಾಕುವಿನಿಂದ ಇರಿದು ಕೊಲೆ ಮಾಡಲಾಗಿತ್ತು. ಯುವಕರ ಜತೆ ಇದ್ದ ಯುವತಿಯರಿಗೆ ಕಿರುಕುಳ ನೀಡಿದ ನಂತರ ಎರಡು ಗುಂಪುಗಳ ನಡುವೆ ಜಗಳ ನಡೆದಿತ್ತು. ಕೀನನ್‌ ಅದೇ ದಿನ ಮೃತಪಟ್ಟರೆ, ರೂಬೆನ್‌ ಆಸ್ಪತ್ರೆಯಲ್ಲಿ 10 ದಿನಗಳ ನಂತರ ಕೊನೆಯುಸಿರೆಳೆದ.
2012ರಲ್ಲಿ ಮಹಾರಾಷ್ಟ್ರ ಸರಕಾರ ಪ್ರಕರಣವನ್ನು ತ್ವರಿತ ನ್ಯಾಯಾಲಯಕ್ಕೆ ವರ್ಗಾಯಿಸಿತ್ತು. ಆದರೂ, ಪ್ರಕರಣ ಇತ್ಯರ್ಥಕ್ಕೆ 4 ವರ್ಷ ಹಿಡಿದಿದೆ.
ಮುಂಬಯಿ: ಗೆಳತಿಯರಿಗೆ ಕಿರುಕುಳ ನೀಡಿದ್ದನ್ನು ವಿರೋಧಿಸಿದ ಕೀನನ್‌ ಸಂತೋಷ್‌ ಹಾಗೂ ರೂಬೆನ್‌ ಫರ್ನಾಂಡಿಸ್‌ನ ಕೊಲೆ ಮಾಡಿದ ಆರೋಪ ಎದುರಿಸುತ್ತಿರುವ ಎಲ್ಲ 4 ಮಂದಿಗೆ ವಿಶೇಷ ಮಹಿಳಾ ನ್ಯಾಯಾಲಯ ಗುರುವಾರ ಜೀವಾವಧಿ ಶಿಕ್ಷೆ ವಿಧಿಸಿದೆ.