ಜೈಪುರ: ತಂಬಾಕು ಪದಾರ್ಥಗಳ ಮೇಲೆ ಎಚ್ಚರಿಕೆಯ ಚಿತ್ರ-ಸಂದೇಶವನ್ನು ಶೇ.85ರಷ್ಟು ಗಾತ್ರದಲ್ಲಿ ಮುದ್ರಿಸಬೇಕು ಎನ್ನುವ ಕೇಂದ್ರ ಸರಕಾರದ ನಿಯಮವನ್ನು ಸುಪ್ರೀಂ ಕೋರ್ಟ್‌ನಲ್ಲಿ ಪ್ರಶ್ನಿಸಲು ತಂಬಾಕು ಉದ್ಯಮ ಮುಂದಾಗಿದೆ. ಸರಕಾರದ ಹೊಸ ನಿಯಮದಿಂದ ಉದ್ಯಮಕ್ಕೆ ತೊಡಕಾಗಿದ್ದು, ದಿನವೊಂದಕ್ಕೆ 452 ಕೋಟಿ ರೂ. ನಷ್ಟವಾಗುತ್ತಿದೆ ಎಂದಿರುವ ತಂಬಾಕು ಉದ್ಯಮಿಗಳು, ಚಿತ್ರ-ಸಂದೇಶಕ್ಕೆ ಸಂಬಂಧಿಸಿದ ನೀತಿಯನ್ನು ಸಡಿಲಿಸುವಂತೆ ಕೋರ್ಟ್‌ಗೆ ಅರ್ಜಿ ಸಲ್ಲಿಸುವುದಾಗಿ ಹೇಳಿದ್ದಾರೆ. ಈಗಾಗಲೇ ವಿವಿಧ ರಾಜ್ಯಗಳಲ್ಲಿನ ಉದ್ಯಮಿಗಳು ಕೋರ್ಟ್‌ಗಳಲ್ಲಿ ಪ್ರತ್ಯೇಕ ದೂರುಗಳನ್ನು ದಾಖಲಿಸಿದ್ದಾರೆ. ಹೊಸ ನೀತಿಗೆ ತಡೆ ನೀಡುವಂತೆ ಕೋರಿ ಕರ್ನಾಟಕ ಬೀಡಿ ಉದ್ಯಮ ಸಂಸ್ಥೆಯೂ ಅರ್ಜಿ ಸಲ್ಲಿಸಿದ್ದು, ವಿಚಾರಣೆಯು ಏ.22ಕ್ಕೆ ನಿಗದಿಯಾಗಿದೆ. ಏ.1ರಿಂದ ಹೊಸ ನೀತಿ ಜಾರಿಗೆ ಬಂದಿದ್ದು, ಅಂದಿನಿಂದಲೂ ಭಾರತದ ಬೃಹತ್‌ ತಂಬಾಕು ಕಂಪನಿಗಳು, ಉದ್ಯಮವನ್ನು ಸ್ಥಗಿತಗೊಳಿಸಿ ಸರಕಾರದ ನೀತಿಯನ್ನು ವಿರೋಧಿಸಿವೆ. ಈ ಮಧ್ಯೆ, ಐಟಿಸಿ ಕಂಪನಿಯು ಮುಷ್ಕರ ನಿಲ್ಲಿಸಿದೆ.
↧
ಸುಪ್ರೀಂ ಕೋರ್ಟ್‌ಗೆ ತಂಬಾಕು ಉದ್ಯಮದ ಮೊರೆ
↧