'ಉಸಿರಾಟದ ತೊಂದರೆ ಕಾಣಿಸಿಕೊಂಡ ನಂತರ ಶುಕ್ರವಾರ ಮಧ್ಯರಾತ್ರಿ 2 ಗಂಟೆಗೆ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಅವರು ಐಸಿಯುನಲ್ಲಿ ಇಲ್ಲ. ವೈದ್ಯರು ಅವರ ಆರೋಗ್ಯದ ಬಗ್ಗೆ ನಿಗಾ ವಹಿಸಿದ್ದಾರೆ,'ಎಂದು ಡಾ. ಜಲೀಲ್‌ ಪರ್ಕರ್‌ ಹೇಳಿದ್ದಾರೆ.
ಚಿತ್ರರಂಗಕ್ಕೆ ಬಂದ ನಂತರ ದಿಲೀಪ್‌ ಕುಮಾರ್‌ ಎಂದು ಹೆಸರು ಬದಲಿಸಿಕೊಂಡಿದ್ದ 93 ವರ್ಷದ ಹಿರಿಯ ನಟನ ಮೂಲ ಹೆಸರು ಮೊಹಮ್ಮದ್‌ ಯೂಸುಫ್‌ ಖಾನ್‌. 6 ದಶಕಗಳ ಚಿತ್ರ ಜೀವನದಲ್ಲಿ 'ಮಧುಮತಿ', 'ದೇವದಾಸ್‌', 'ಮೊಘಲ್‌ ಏ ಆಜಂ', 'ಗಂಗಾ ಜಮುನಾ', 'ರಾಮ್‌ ಔರ್ ಶ್ಯಾಮ್‌', 'ಕರ್ಮ' ಮುಂತಾದ ಸೂಪರ್‌ ಹಿಟ್‌ ಚಿತ್ರಗಳನ್ನು ನೀಡಿದ್ದಾರೆ.
'ಅಂದಾಜ್‌, 'ಬಾಬುಲ್', 'ಮೇಲಾ', 'ದೀದಾರ್‌', 'ಜೋಗನ್‌' ಮುಂತಾದ ದುರಂತ ಚಿತ್ರಗಳ ನಾಯಕನಾಗಿ ಯಶಸ್ಸು ಕಂಡ ನಟನಿಗೆ 'ಟ್ರ್ಯಾಜಿಡಿ ಕಿಂಗ್‌' ಎಂಬ ಬಿರುದಾವಳಿಯೂ ಇದೆ. 1998ರಲ್ಲಿ ತೆರೆಕಂಡ ಕಿಲಾ ಚಿತ್ರದಲ್ಲಿ ಅಂತಿಮವಾಗಿ ತೆರೆಯ ಮೇಲೆ ಕಾಣಿಸಿಕೊಂಡಿದ್ದರು.
ದಿಲೀಪ್‌ ಕುಮಾರ್‌ಗೆ 2015ರಲ್ಲಿ ಪದ್ಮ ವಿಭೂಷಣ ಪ್ರಶಸ್ತಿ, ಅದಕ್ಕೂ ಮೊದಲು 1991ರಲ್ಲಿ ಪದ್ಮಭೂಷಣ, 1994ರಲ್ಲಿ ದಾದಾ ಸಾಹೇಬ್‌ ಫಾಲ್ಕೆಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಮುಂಬಯಿ: ಬಾಲಿವುಡ್‌ನ ಹಿರಿಯ ನಟ ದಿಲೀಪ್‌ ಕುಮಾರ್‌ ಅವರನ್ನು ಮುಂಬಯಿನ ಲೀಲಾವತಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.