ಹೊಸದಿಲ್ಲಿ: ಭಾರತೀಯ ರಿಸರ್ವ್‌ ಬ್ಯಾಂಕ್‌ ವರ್ಷದ ಮೊದಲ ದ್ವೈಮಾಸಿಕ ನೀತಿ ಪರಾಮರ್ಶೆ ಪ್ರಕಟಿಸಿದ್ದು, ಬಡ್ಡಿ ದರವನ್ನು ಶೇ 0.25ರಷ್ಟು ಕಡಿತಗೊಳಿಸಿದೆ.
ಬಡ್ಡಿ ದರ ಕಡಿತದೊಂದಿಗೆ ಗೃಹ ಮತ್ತು ವಾಹನ ಸಾಲಗಳು ಅಗ್ಗವಾಗಲಿವೆ. ರೆಪೊ ದರವನ್ನು ಶೇ.6.50ಕ್ಕೆ ನಿಗದಿಪಡಿಸಿದ್ದು, ಇದು 2011ರ ಜನವರಿ ಬಳಿಕದ ಕನಿಷ್ಠ ಮಟ್ಟದಾಗಿದೆ.
ರಿವರ್ಸ್‌ ರಿಪೊ ದರವನ್ನು ಶೇ.0.25ರಷ್ಟು ಇಳಿಸಿರುವ ರಾಜನ್‌, ಅದನ್ನು ಶೇ.5.50 ಪ್ರಮಾಣಕ್ಕೆ ನಿಗದಿ ಪಡಿಸಿದ್ದಾರೆ. ಆದರೆ, ನಗದು ಮೀಸಲು ಅನುಪಾತವನ್ನು ಶೇ.4.0 ಪ್ರಮಾಣದಲ್ಲೇ ಉಳಿಸಿಕೊಂಡಿದ್ದಾರೆ.
'ಬಡ್ಡಿ ದರ ಕಡಿಮೆ ಮಾಡಿರುವುದರಿಂದ ಶೀಘ್ರದಲ್ಲೇ ಬ್ಯಾಂಕುಗಳು ಈ ಲಾಭವನ್ನು ಗ್ರಾಹಕರಿಗೆ ವರ್ಗಾಯಿಸಲಿವೆ,' ಎಂದು ಆರ್‌ಬಿಐ ಗವರ್ನರ್‌ ರಘುರಾಂ ರಾಜನ್‌ ತಿಳಿಸಿದ್ದಾರೆ.
ಕಳೆದ ಹಣಕಾಸು ವರ್ಷದಲ್ಲಿ ರೆಪೊ ದರ ಶೇ.1.25ರಷ್ಟು ಇಳಿಕೆಯಾಗಿದ್ದರೂ, ಬ್ಯಾಂಕ್‌ಗಳು ಅದರ ಲಾಭವನ್ನು ಗ್ರಾಹಕರಿಗೆ ವರ್ಗಾಯಿಸಿರಲಿಲ್ಲ.
↧
ರೆಪೊ ದರ ಶೇ.0.25 ಕಡಿತ, ಸಾಲ ಅಗ್ಗ
↧
