ಬಡ್ಡಿ ದರವನ್ನು ಮಂಗಳವಾರ ರಿಸವ್‌ರ್‍ ಬ್ಯಾಂಕ್‌ ಕಡಿತ ಮಾಡುವ ನಿರೀಕ್ಷೆ ಹೂಡಿಕೆದಾರರಲ್ಲಿದ್ದು, ಈ ಅಂಶವು ಮುಂಬಯಿ ಷೇರುಪೇಟೆ ಮೇಲೆ ಪ್ರಭಾವ ಬೀರಿದೆ. ಐರೋಪ್ಯ ಷೇರುಪೇಟೆಯಲ್ಲೂ ಸಕಾರಾತ್ಮಕ ವಾತಾವರಣ ಕಂಡು ಬಂದಿದೆ. ಆರಂಭಿಕ ನಷ್ಟವನ್ನು ಹೂಡಿಕೆದಾರರು ತುಂಬಿಕೊಂಡಿದ್ದಾರೆ.
ಎಂ ಅ್ಯಂಡ್‌ ಎಂ(ಶೇ.4.29), ಭಾರ್ತಿ ಏರ್‌ಟೆಲ್‌(ಶೇ.3.76), ಇನ್ಫೋಸಿಸ್‌(ಶೇ.3.12), ಟಾಟಾ ಮೋಟರ್ಸ್(ಶೇ.2.24), ಏಷ್ಯನ್‌ ಪೆಯಿಂಟ್ಸ್‌(ಶೇ.1.80), ಎನ್‌ಟಿಪಿಸಿ(ಶೇ.1.42), ಬಜಾಜ್‌ ಆಟೊ(ಶೇ.1.35) ಡಾ.ರೆಡ್ಡೀಸ್‌ ಲ್ಯಾಬ್ಸ್‌(ಶೇ.1.18), ವಿಪ್ರೊ(ಶೇ.0.81) ಮತ್ತು ಟಿಸಿಎಸ್‌(ಶೇ.0.80) ಷೇರುಗಳು ಏರಿಕೆ ಕಂಡಿವೆ.
ಶೇ.0.50 ಬಡ್ಡಿ ದರ ಕಡಿತ ನಿರೀಕ್ಷೆ
ದೇಶದ ಹಣದುಬ್ಬರ ಇಳಿಕೆಯಾಗಿದ್ದು ಮಂಗಳವಾರ ನಡೆಯಲಿರುವ ಆರ್‌ಬಿಐನ ಹಣಕಾಸು ಪರಾಮರ್ಶೆ ಮೇಲೆ ಹೂಡಿಕೆದಾರರ ಗಮನ ನೆಟ್ಟಿದೆ. ಬಡ್ಡಿ ದರವನ್ನು ಆರ್‌ಬಿಐ ಶೇ.0.50ರಷ್ಟು ಕಡಿತ ಮಾಡುವ ನಿರೀಕ್ಷೆಯಿದೆ ಎಂದು ವಿತ್ತತಜ್ಞರು ಹೇಳಿದ್ದಾರೆ.
ಈ ಮಧ್ಯೆ, ''ಹೆಚ್ಚಿನ ಬಡ್ಡಿ ದರವು ದೇಶದ ಅರ್ಥ ವ್ಯವಸ್ಥೆಯನ್ನು ಜಡವಾಗಿ ಇಡುತ್ತದೆ,'' ಎಂದು ವಿತ್ತ ಸಚಿವ ಅರುಣ್‌ ಜೇಟ್ಲಿ ಸೋಮವಾರ ಹೇಳಿಕೆ ನೀಡಿದ್ದಾರೆ. ಆ ಮೂಲಕ ಬಡ್ಡಿ ದರ ಇಳಿಕೆಯ ಸುಳಿವನ್ನು ನೀಡಿದ್ದಾರೆ.
ಮುಂಬಯಿ : ಮುಂಬಯಿ ಷೇರುಪೇಟೆಯಲ್ಲಿ ಸೆನ್ಸೆಕ್ಸ್‌ 130.01 ಅಂಕ ಏರಿಕೆಯಾಗಿದ್ದು, 25,399.65ಕ್ಕೆ ಸ್ಥಿರವಾಗಿದೆ. ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ ನಿಫ್ಟಿ 45.75 ಅಂಕ ಹೆಚ್ಚಳವಾಗಿದ್ದು 7,758.80ಕ್ಕೆ ಸೋಮವಾರ ದಿನದ ವಹಿವಾಟು ಅಂತ್ಯಗೊಂಡಿದೆ.