ಮೀರತ್‌: ಮ್ಯಾಗಿ ಆಯಿತು, ಈಗ ಪತಂಜಲಿಯ ನೂಡಲ್ಸ್‌ ಸರದಿ! ಈ ಉತ್ಪನ್ನವೂ ಕಳಪೆ ಗುಣಮಟ್ಟದ್ದಾಗಿದೆ ಎಂದು ಮೀರತ್‌ನಲ್ಲಿನ ಆಹಾರ ಸುರಕ್ಷತೆ ಮತ್ತು ಔಷಧ ನಿಯಂತ್ರಣ ಮಂಡಳಿ(ಎಫ್‌ಎಸ್‌ಡಿಎ) ವರದಿ ನೀಡಿದೆ.
ಪತಂಜಲಿ ನೂಡಲ್ಸ್‌ನಲ್ಲಿನ ಟೇಸ್ಟ್‌ ಮೇಕರ್‌ನಲ್ಲಿ(ರುಚಿ ವರ್ಧಕ) ನಿಗದಿತ ಮಿತಿಗಿಂತ ಮೂರು ಪಟ್ಟು ಹೆಚ್ಚಿನ ಬೂದಿ ಅಂಶವಿದೆ. ಮ್ಯಾಗಿ ಮಾದರಿಗಿಂತ ಹೆಚ್ಚಿನ ಪ್ರಮಾಣದ ಬೂದಿ ಅಂಶ ಪತಂಜಲಿ ಬ್ರ್ಯಾಂಡ್‌ನಲ್ಲಿ ಪತ್ತೆಯಾಗಿದೆ ಎಂದು ಪರೀಕ್ಷಾ ವರದಿ ತಿಳಿಸಿದೆ.
ಫೆ.5ರಂದು ಮೀರತ್‌ನಲ್ಲಿ ಪತಂಜಲಿ ನೂಡಲ್ಸ್‌, ನೆಸ್ಲೆ ಇಂಡಿಯಾದ ಮ್ಯಾಗಿ ಮತ್ತು ಯಿಪ್ಪಿ ನೂಡಲ್ಸ್‌ ಮಾದರಿಯನ್ನು ಸಂಗ್ರಹಿಸಿ ಪರೀಕ್ಷೆ ನಡೆಸಲಾಗಿತ್ತು. ಶನಿವಾರ ಪರೀಕ್ಷೆ ವರದಿ ಹೊರಬಿದ್ದಿದ್ದು, ಎಲ್ಲ ಮೂರು ಮಾದರಿಗಳಲ್ಲೂ ಹೆಚ್ಚಿನ ಪ್ರಮಾಣದ ಬೂದಿ ಅಂಶ ಪತ್ತೆಯಾಗಿದೆ.
ಕಾನೂನಿನ ಪ್ರಕಾರ ಬೂದಿ ಪ್ರಮಾಣವು ಶೇ.1 ಮೀರುವಂತಿಲ್ಲ. ಆದರೆ, ಮೂರು ಮಾದರಿಗಳಲ್ಲೂ ಈ ಪ್ರಮಾಣವು ಶೇ.1ರ ಮಿತಿ ಮೀರಿದೆ. ಹಾಗಾಗಿ ಇವುಗಳ ಸೇವನೆ ಯೋಗ್ಯವಲ್ಲ ಎಂದು ಹೇಳಲಾಗಿದೆ.
↧
ಪತಂಜಲಿ ನೂಡಲ್ಸ್‌ ಗುಣಮಟ್ಟದತ್ತಲೂ ಶಂಕೆ
↧