''ಹಜ್ರತ್‌ ನಿಜಾಮುದ್ದೀನ್‌, ದಿಲ್ಲಿಯಿಂದ ಆಗ್ರಾ ಕಂಟೋನ್ಮೆಂಟ್‌ ವರೆಗಿನ ಮಾರ್ಗದ ಈ ರೈಲು ಸೇವೆಗೆ ತಮ್ಮ ಕಚೇರಿಯಿಂದಲೇ ರಿಮೋಟ್‌ ಮೂಲಕ ಕೇಂದ್ರ ರೈಲ್ವೆ ಸಚಿವ ಸುರೇಶ್‌ ಪ್ರಭು ಅವರು ಚಾಲನೆ ನೀಡುವರು,'' ಎಂದು ವಿಭಾಗೀಯ ರೈಲ್ವೆ ವ್ಯವಸ್ಥೆ ಕಚೇರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಮಂಗಳವಾರ ಬೆಳಗ್ಗೆ 8.10ಕ್ಕೆ ನಿಜಾಮುದ್ದೀನ್‌ ರೈಲ್ವೆ ಸ್ಟೇಷನ್‌ ಬಿಡುವ ನೂತನ ರೈಲು 9.50ಕ್ಕೆ ಆಗ್ರಾ ಕಂಟೋನ್ಮೆಂಟ್‌ ತಲುಪಲಿದೆ.
12 ಹವಾನಿಯಂತ್ರಿತ ಕೋಚ್‌ಗಳು, ಪ್ರತಿ ಬೋಗಿಯಲ್ಲೂ ರೈಲು ಸಖಿಯರು(ಗಗನಸಖಿಯರ ಮಾದರಿಯಲ್ಲಿ) ಇರಲಿದ್ದಾರೆ. ಉಚಿತ ವೈ-ಫೈ ಸೌಲಭ್ಯ, ಬಯೋ ಟಾಯ್ಲೆಟ್‌ಗಳು, ಸ್ವಯಂ ಚಾಲಿತ ಬಾಗಿಲುಗಳು ಸೇರಿದಂತೆ ಸುಗಮ ಪ್ರಯಾಣಕ್ಕೆ ಅಗತ್ಯವಾದ ವಿನೂತನ ಸೌಲಭ್ಯಗಳನ್ನು ಗತಿಮಾನ್‌ ಎಕ್ಸ್‌ಪ್ರೆಸ್‌ ಒಳಗೊಂಡಿದೆ.
ಶತಾಬ್ದಿ ಎಕ್ಸ್‌ಪ್ರೆಸ್‌ಗಿಂತಲೂ ಈ ರೈಲಿನ ಪ್ರಯಾಣ ದರ ಅಧಿಕವಾಗಿದೆ. ಶುಕ್ರವಾರ ಹೊರತುಪಡಿಸಿ(ಅಂದು ತಾಜ್‌ಮಹಲ್‌ ಪ್ರವೇಶಕ್ಕೆ ಅವಕಾಶವಿಲ್ಲ) ವಾರದ 6 ದಿನ ಹೊಸ ರೈಲಿನ ಸೇವೆ ಲಭ್ಯ ಇರಲಿದೆ.
* ಗತಿಮಾನ್‌ ಎಕ್ಸ್‌ಪ್ರೆಸ್‌ಗೆ ಭಾರತದ ಮೊದಲ ಸೆಮಿ ಹೈ-ಸ್ಪೀಡ್‌ ರೈಲು ಎನ್ನುವ ಹೆಗ್ಗಳಿಕೆ
* 184 ಕಿ.ಮೀಗಳ ಅಂತರವನ್ನು 100 ನಿಮಿಷದಲ್ಲಿ ಈ ರೈಲು ಕ್ರಮಿಸಲಿದೆ
* ಭೋಪಾಲ್‌ ಶತಾಬ್ದಿ ರೈಲಿನ ಗರಿಷ್ಠ ವೇಗ ಗಂಟೆಗೆ 150 ಕಿ.ಮೀ. ಈ ದಾಖಲೆಯನ್ನು ಗತಿಮಾನ್‌ ಎಕ್ಸ್‌ಪ್ರೆಸ್‌ ಮೀರಿದ್ದು, ಗಂಟೆಗೆ 160 ಕಿ.ಮೀ ವೇಗದಲ್ಲಿ ರೈಲು ಚಲಿಸಲಿದೆ.
ಆಗ್ರಾ : ಭಾರತದ ವೇಗದ ರೈಲು ಗತಿಮಾನ್‌ ಎಕ್ಸ್‌ಪ್ರೆಸ್‌ ಮಂಗಳವಾರದಿಂದ(ಏ. 5) ಕಾರ್ಯಾರಂಭಿಸಲಿದೆ. ಆ ಮೂಲಕ ಭಾರತೀಯ ರೈಲ್ವೆ ಇತಿಹಾಸದಲ್ಲಿ ಹೊಸ ಅಧ್ಯಾಯ ಆರಂಭವಾಗಲಿದೆ.