ಸಿಂಗಾಪುರ್‌, ದುಬೈ, ಮಲೇಷ್ಯಾ, ಥೈಲ್ಯಾಂಡ್‌, ಚೀನಾಗಳಿಗೆ ಹೋಗಿದ್ದೇನೆ. ದುಬೈನಲ್ಲಿ ಶಾಪಿಂಗ್‌, ಥಾಯ್ಲೆಂಡ್‌ ಅಂಡರ್‌ವಾಟರ್‌ ಗೇಮ್ಸ್‌, ಚೀನಾದ ವಿಶಿಷ್ಟ ಸಂಸ್ಕೃತಿ ನನಗೆ ಬಹಳ ಇಷ್ಟ ಆಯಿತು. ನಾನು ತುಂಬ ಸಾಹಸಿ ಅಲ್ಲ, ಸಾಮಾನ್ಯವಾಗಿ ಟೂರ್‌ ಹೋದಾಗ ಶಾಂತವಾಗಿ ಜಾಗಗಳನ್ನು ನೋಡುತ್ತಾ ಎಂಜಾಯ್‌ ಮಾಡುತ್ತೇನೆ. ಮನಾಲಿಗೆ ಹೋದಾಗ ಪ್ಯಾರಾಗ್ಲೈಡಿಂಗ್‌ ಮಾಡಿದೆ. ನನ್ನ ಬದುಕಿನ ಅತ್ಯಂತ ದೊಡ್ಡ ಸಾಹಸ ಅದು. ಅಷ್ಟು ಎತ್ತರದಿಂದ ರೆಕ್ಕೆ ಕಟ್ಟಿಕೊಂಡು ಕೆಳಕ್ಕೆ ಹಾರುವಾಗ ಬಹಳ ಥ್ರಿಲ್ಲಿಂಗ್‌ ಆಗಿರುತ್ತದೆ.
ನಾನು ಪದೇಪದೆ ಹೋಗುವ ಜಾಗಗಳಲ್ಲಿ ಗೋವಾವೂ ಒಂದು. ಅದು ಎಲ್ಲರ ಹಾಟ್‌ ಫೇವರಿಟ್‌. ಡ್ರೀಮ್‌ ಡೆಸ್ಟಿನೇಷನ್‌ ಪ್ಯಾರಿಸ್‌. ಅದು ಸದ್ಯದಲ್ಲೇ ನನಸಾಗಲಿದೆ. ನನ್ನ ಮುಂದಿನ ಹುಟ್ಟಿದ ಹಬ್ಬವನ್ನು ಪ್ಯಾರಿಸ್‌ನಲ್ಲಿ ಸಿಲೆಬ್ರೇಟ್‌ ಮಾಡಬೇಕು ಅನ್ನುವ ಆಸೆ. ಅದಕ್ಕಾಗಿ ಈಗಾಗಲೇ ಟಿಕೆಟ್‌ ಬುಕ್‌ ಆಗಿದೆ. ಆರೇಳು ಜನ ಸ್ನೇಹಿತರು ಜತೆಯಾಗಿ ಹೋಗುತ್ತಿದ್ದೇವೆ. ಸೋ ನನ್ನ ಡ್ರೀಮ್‌ ಪ್ಯಾರಿಸ್‌ ಸದ್ಯದಲ್ಲೇ ಕಣ್ಣ ಮುಂದೆ ನಿಲ್ಲಲಿದೆ. ತುಂಬ ಎಕ್ಸೈಟ್‌ ಆಗಿದ್ದೇನೆ.
ನನ್ನ ಕೆಟ್ಟ ಹವ್ಯಾಸ ಅಂದರೆ ಪ್ರವಾಸಕ್ಕೆ ಹೋಗುವಾಗ ದೊಡ್ಡ ದೊಡ್ಡ ಲಗೇಜ್‌ ಕೊಂಡೊಯ್ಯುವುದು. ವಾಪಾಸು ಬರುವಾಗ ಅದು ಡಬಲ್‌ ಆಗಿರುತ್ತದೆ. ಶಾಪಿಂಗ್‌ ಮಾಡುತ್ತೇನಲ್ವಾ, ಒಂದು ಬ್ಯಾಗ್‌ ಮೂರಾಗುತ್ತದೆ. ಏರ್‌ಪೋರ್ಟಲ್ಲಿ ಯಾವಾಗಲೂ ನನ್ನ ಲಗೇಜ್‌ದೆ ಸಮಸ್ಯೆ. ತೂಕ ಹೆಚ್ಚಾಯಿತು ಎಂದು ತಗಾದೆ ತೆಗೆಯುತ್ತಾರೆ.
ನನ್ನ ಬದುಕಿನ ಅತ್ಯಂತ ಮೆಮೋರೇಬಲ್‌ ಪ್ರವಾಸ ಚೀನಾ ಮಹಾ ಗೋಡೆಯನ್ನು ನೋಡಿದ್ದು. ನವೆಂಬರ್‌ ತಿಂಗಳ ಆ ಚಳಿಯಲ್ಲಿ ನಾವು ಅಲ್ಲಿಗೆ ಹೋಗಿದ್ವಿ. ನಾನು ಅಂದುಕೊಂಡಿದ್ದಕ್ಕಿಂತಲೂ ಎಷ್ಟೋ ಪಟ್ಟು ಜಾಸ್ತಿ ಸುಂದರವಾಗಿದೆ ಆ ಗೋಡೆ. 3-4 ಕಿಮೀ ನಡೆದುಕೊಂಡೇ ಸಾಗಿದ್ದೆವು. ಆ ಗ್ರೇಟ್‌ ವಾಲ್‌ ಆಫ್‌ ಚೀನಾವನ್ನು ಯಾವತ್ತೂ ಮರೆಯಲ್ಲ, ಅಷ್ಟು ಸುಂದರ ನೆನಪಾಗಿ ಉಳಿದಿದೆ.
ಜಗತ್ತಲ್ಲಿ ಏನಾಗುತ್ತಿದೆ ಎಂದು ತಿಳಿಯಲಿಕ್ಕಾಗಿಯಾದರೂ ನಾವು ಟ್ರಾವೆಲ್‌ ಮಾಡಬೇಕು. ನಮ್ಮ ದೃಷ್ಟಿಕೋನಗಳು ಬದಲಾಗುತ್ತವೆ. ಹೊಸ ಹೊಸ ಸಂಸ್ಕೃತಿಯ ಪರಿಚಯ ಆಗುತ್ತದೆ. ಟ್ರಾವೆಲ್‌ ನನ್ನ ಬದುಕಿನ ಒಂದು ಅವಿಭಾಜ್ಯ ಅಂಗ.
- ರಮ್ಯಾ ಬಾರ್ನ, ನಟಿ
- ನಿರೂಪಣೆ: ಪದ್ಮಿನಿ ಜೈನ್‌
ನಾನು ಊರೂರು ಸುತ್ತುವುದಕ್ಕೂ ನನ್ನ ಓದಿಗತೂ ಸಂಬಂಧವಿದೆ. ಟ್ರಾವೆಲ್‌ ಆ್ಯಂಡ್‌ ಟೂರಿಸಂನಲ್ಲಿ ಡಿಗ್ರಿ ಮಾಡಿರುವ ನನಗೆ ಪ್ರವಾಸದ ಹುಚ್ಚು ತುಸು ಹೆಚ್ಚು. ಮೊದಲಿನಿಂದಲೂ ತುಂಬ ಟ್ರಾವೆಲ್‌ ಮಾಡ್ತಿದ್ದೆ, ಸಿನಿಮಾ ಇಂಡಸ್ಟ್ರಿಗೆ ಬಂದ ಮೇಲೆ ಅದು ಡಬಲ್‌ ಆಗಿದೆ. ನಾನು ತುಂಬ ಫುಡ್ಡಿ, ಟ್ರಾವೆಲ್‌ ಮಾಡುವುದರ ಹಿಂದಿನ ಒಂದು ಮಹತ್ತರ ಉದ್ದೇಶ ಅಂದರೆ ಬೇರೆ ಬೇರೆ ಪ್ರದೇಶದ ಡಿಫರೆಂಟ್‌ ಟೇಸ್ಟ್‌ ಸವಿಯಬಹುದು ಅಂತ.