ಭಗತ್ ಸಿಂಗ್, ಸುಖ್‌ದೇವ್, ರಾಜ್‌ಗುರು ಅವರು ಹುತಾತ್ಮರಾದ ದಿನವಾದ ಬುಧವಾರ ನಮನ ಸಲ್ಲಿಸಿ ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ, ತಲೆಮಾರುಗಳಿಗೆ ಈ ಹುತಾತ್ಮರು ನೀಡಿರುವ ಸ್ಫೂರ್ತಿ ಅದ್ಭುತವಾದುದು ಎಂದರು.
ಸಮಾಜವಾದಿ ಮುಖಂಡ ರಾಮ್ ಮನೋಹರ್ ಲೋಹಿಯಾ ಅವರ ಜನ್ಮದಿನದ ನಿಮಿತ್ತ ಅವರಿಗೆ ನಮನ ಸಲ್ಲಿಸಿದ ಮೋದಿ. ಲೋಹಿಯಾ ಇಡೀ ರಾಷ್ಟ್ರವನ್ನು ಪ್ರಭಾವಿಸಿದ ವಿದ್ವಾಂಸ ಮತ್ತು ನಿಜವಾದ ಚಿಂತಕ ಎಂದು ಹೇಳಿದರು.
ಇದೇ ಸಂದರ್ಭದಲ್ಲಿ ಸಹಸ್ರಚಂದ್ರ ದರ್ಶನ ಮಾಡುತ್ತಿರುವ ಕಾಂಚಿ ಮಠದ ಶಂಕರಾಚಾರ್ಯ ಜಯೇಂದ್ರ ಸರಸ್ವತಿ ಅವರನ್ನು ಕೂಡ ಪ್ರಧಾನಿ ಅಭಿನಂದಿಸಿದ್ದಾರೆ. ಸೇವೆ ಮತ್ತು ಆಧ್ಯಾತ್ಮಕ್ಕೆ ಬದುಕು ಮುಡಿಪಾಗಿಟ್ಟ ಶ್ರೀಗಳಿಗೆ ಉತ್ತಮ ಆರೋಗ್ಯ, ದೀರ್ಘ ಆಯುಷ್ಯ ಲಭಿಸಲಿ ಎಂದು ಟ್ವೀಟ್ ಮಾಡಿದ್ದಾರೆ.
ಹೊಸದಿಲ್ಲಿ: ಭಗತ್ ಸಿಂಗ್, ಸುಖ್‌ದೇವ್, ರಾಜ್‌ಗುರು ಅವರ ಶ್ರೇಷ್ಠ ಬಲಿದಾನದಿಂದ ಇಂದಿನ ತಲೆಮಾರು ಸ್ವಾತಂತ್ರ್ಯದ ಸುಖ ಅನುಭವಿಸುವಂತಾಗಿದೆ. ಅವರ ಅದಮ್ಯ ದೇಶಭಕ್ತಿ ಮತ್ತು ಶೌರ್ಯಕ್ಕೆ ವಂದಿಸುವುದಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ಹೇಳಿದ್ದಾರೆ.