ಹೊಸದಿಲ್ಲಿ: ವಿಶ್ವವಿಖ್ಯಾತ ಮ್ಯಾಡಮ್ ಟುಸೇಡ್ಸ್ ಮೇಣದ ಮೂರ್ತಿಗಳ ಮ್ಯೂಸಿಯಂನ ದಿಲ್ಲಿ ಗ್ಯಾಲರಿಯಲ್ಲಿ ದಿಲ್ಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ಅವರ ಮೇಣದ ಪ್ರತಿಮೆಯೂ ರಾರಾಜಿಸಲಿದೆ.
ಪ್ರಧಾನಿ ಮೋದಿ ಅವರ ಮೇಣದ ಪ್ರತಿಮೆ ಸ್ಥಾಪನೆಗೆ ಲಂಡನ್ ಗ್ಯಾಲರಿಯಲ್ಲಿ ಸಿದ್ಧತೆ ಆರಂಭಗೊಂಡಿರುವ ನಡುವೆಯೇ, ಕೇಜ್ರಿ ಪ್ರತಿಮೆ ಅನಾವರಣಕ್ಕೆ ನಿರ್ಧರಿಸಲಾಗಿದೆ.
ದಿಲ್ಲಿಯ ಕನ್ಹಾಟ್‌ಪ್ಲೇಸ್‌ನಲ್ಲಿ 2017ರಲ್ಲಿ ಆರಂಭಗೊಳ್ಳಲಿರುವ ಮ್ಯಾಡಮ್ ಟುಸೇಡ್ಸ್‌ನ ದಿಲ್ಲಿ ಗ್ಯಾಲರಿಯಲ್ಲಿ ಅರವಿಂದ ಕೇಜ್ರಿವಾಲ್ ಅವರ ಪ್ರತಿಮೆ ಸ್ಥಾಪನೆಯಾಗಲಿದೆ. ಇದಕ್ಕಾಗಿ ಕೇಜ್ರಿವಾಲ್ ಅವರ ಅಳತೆ ಪಡೆಯಲು ಲಂಡನ್ ಕಲಾವಿದರ ತಂಡ ಮುಂದಿನ ತಿಂಗಳು ದಿಲ್ಲಿಗೆ ಆಗಮಿಸುತ್ತಿದೆ ಎಂದು ದಿಲ್ಲಿ ಪ್ರವಾಸೋದ್ಯಮ ಸಚಿವ ಕಪಿಲ್ ಮಿಶ್ರಾ ಹೇಳಿದ್ದಾರೆ.
ಮ್ಯಾಡಮ್ ಟುಸೇಡ್ಸ್‌ನ ದಿಲ್ಲಿ ಗ್ಯಾಲರಿಯಲ್ಲಿ ಭಾರತೀಯ ಸಂಸ್ಕೃತಿಯ ವೈವಿಧ್ಯತೆಯನ್ನು ಹಿಡಿದಿಡಲು ಪ್ರಯತ್ನ ನಡೆಯುತ್ತಿದ್ದು, ಇದು ಖಂಡಿತವಾಗಿಯೂ ಪ್ರವಾಸಿ ಆಕರ್ಷಣೆಯ ತಾಣವಾಗಲಿದೆ ಎಂದು ಮಿಶ್ರಾ ತಿಳಿಸಿದ್ದಾರೆ.
↧
ಮ್ಯಾಡಮ್ ಟುಸೇಡ್ಸ್‌ನಲ್ಲಿ ಕೇಜ್ರಿ ಮೇಣದ ಪ್ರತಿಮೆ
↧