* ಅಲಮೇಲು, ಊರು ಬೇಡ
ನನ್ನ ಸ್ವಂತ ಊರು ಮಡಿಕೇರಿ. ಇತ್ತೀಚೆಗೆ ನನ್ನ ಮದುವೆಯಾಗಿದ್ದು ಗಂಡನ ಮನೆಗೆ ಬಂದಿದ್ದೇನೆ. ನನ್ನ ಪತಿಗೆ ನಾಲ್ವರು ಸಹೋದರರು, ಮೂರು ಸಹೋದರಿಯರು. ನನ್ನ ಪತಿ ಕೊನೆಯವರು. ಎಲ್ಲ ಸಹೋದರರಿಗೆಮತ್ತು ಇಬ್ಬರು ಸಹೋದರಿಯರಿಗೆ ಮದುವೆಯಾಗಿದೆ. ನನ್ನ ಪತಿ ಮತ್ತು ಅವರ ಸಹೋದರರೆಲ್ಲರೂ ಸಮೀಪದ ಕಲ್ಲಿನ ಕ್ವಾರಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಎಲ್ಲರಿಗೂ ಉತ್ತಮ ಸಂಪಾದನೆ ಇದೆ. ಮಾವ ಕೂಡಾ ಕಲ್ಲಿನ ಕ್ವಾರಿಯಲ್ಲಿ ಕೆಲಸ ಮಾಡುತ್ತಿದ್ದರು. ಇತ್ತೀಚೆಗೆ ನಿಲ್ಲಿಸಿದ್ದಾರೆ. ಆದರೆ, ಅವರಿಗೆ ವಿದ್ಯಾಭ್ಯಾಸ ಕಡಿಮೆ. ನಾನು ಪಿಯುಸಿ ತನಕ ವಿದ್ಯಾಭ್ಯಾಸ ಮಾಡಿದ್ದೇನೆ. ನನ್ನ ಪತಿ ಮತ್ತು ಅವರ ಸಹೋದರರೆಲ್ಲರೂ ಒಂದೇ ಮನೆಯಲ್ಲಿ ವಾಸವಾಗಿದ್ದಾರೆ. ಎಲ್ಲರೂ ದುಡಿದು ವಾರಕ್ಕೊಮ್ಮೆ ಸಿಕ್ಕಿದ ಸಂಬಳವನ್ನು ಅವರ ತಂದೆಗೆ ಕೊಡುತ್ತಾರೆ. ಅವರು ಅದರಲ್ಲಿ ಮನೆಯ ಖರ್ಚಿಗೆ ಬೇಕಾದ್ದನ್ನು ತೆಗೆದುಕೊಂಡು, ಮಿಕ್ಕಿದನ್ನು ಸಮಾನವಾಗಿ ಹಂಚುತ್ತಾರೆ. ಇದು ನನಗೆ ಇಷ್ಟವಾಗುತ್ತಿಲ್ಲ. ಸಂಪಾದನೆ ಮಾಡಿರುವುದರಲ್ಲಿ ನನ್ನ ಗಂಡನ ಕೈಯಲ್ಲಿ ಏನೂ ಉಳಿತಾಯ ಇರುವುದಿಲ್ಲ. ನಮಗೂ ನಮ್ಮ ದುಡ್ಡಿನಲ್ಲಿ ಹಕ್ಕು ಅನ್ನೋದು ಇರುವುದಿಲ್ಲ. ಅಗತ್ಯಕ್ಕೆ ಬೇಕಾದರೆ ಮಾವನವರ ಮುಂದೆ ಕೈ ಒಡ್ಡಿ ನಿಲ್ಲುವ ಪರಿಸ್ಥಿತಿ ಬಂದಿದೆ. ಭವಿಷ್ಯಕ್ಕಾಗಿ ಏನೂ ಕೂಡಿಡದಿದ್ದರೆ ಹೇಗೆ ಎನ್ನುವ ಚಿಂತೆ ಮೂಡಿದೆ. ಸಾಕಷ್ಟು ಬಾರಿ ಬೇರೆ ಮನೆ ಮಾಡೋಣ ಎಂದು ಗಂಡನಿಗೆ ಒತ್ತಾಯ ಮಾಡಿದೆ. ಆದರೆ, ಅವರು ಅಪ್ಪನ ಮಾತು ಮೀರುತ್ತಿಲ್ಲ. ನನಗೆ ಇಲ್ಲಿ ಬದುಕುವುದು ಇಷ್ಟವಿಲ್ಲ. ನಾನೇನು ಮಾಡಬಹುದು.

- ನೀವು ಒಂದು ಒಳ್ಳೆಯ ಸಂಸಾರವನ್ನು ಹಾಳು ಮಾಡಲು ಹೊರಟಿದ್ದೀರಿ. ಈಗಲೇ ನಿಮ್ಮ ತಪ್ಪನ್ನು ಸರಿಪಡಿಸಿಕೊಳ್ಳದಿದ್ದರೆ ಮುಂದೆ ನಿಮ್ಮ ಕುಟುಂಬದಲ್ಲಿ ಆಗುವ ಎಲ್ಲ ಅನಾಹುತಗಳಿಗೂ ನೀವೇ ಹೊಣೆಯಾಗುತ್ತೀರಿ. ಯಾಕೆಂದರೆ ತುಂಬು ಸುಖೀ ಸಂಸಾರ ಅನ್ನುವುದು ಇತ್ತೀಚೆಗಿನ ದಿನಗಳಲ್ಲಿ ಬಲು ಅಪರೂಪ. ಅದೂ ಎಲ್ಲರೂ ಅನ್ನೋನ್ಯವಾಗಿರುವಾಗ ನೀವ್ಯಾಕೆ ಅದಕ್ಕೆ ಹುಳಿ ಹಿಂಡುತ್ತೀರಿ. ಇಷ್ಟು ವರ್ಷಗಳ ಕಾಲ ಅವರು ಚೆನ್ನಾಗಿಯೇ ಇದ್ದರು ಎಂದಾದ ಮೇಲೆ ಅದರಲ್ಲಿ ಯಾವುದೇ ಸಮಸ್ಯೆ ಇಲ್ಲ ಎಂದರ್ಥ. ಹೀಗಿರುವಾಗ ನಿಮಗೆ ಅದರಲ್ಲಿ ಸಮಸ್ಯೆ ತೋರಿದರೆ, ಅದರಲ್ಲಿ ನಿಮ್ಮ ತಪ್ಪನ್ನು ಹುಡುಕಬಹುದೇ ಹೊರತು ಬೇರೆ ಯಾವ ಕಾರಣವೂ ಇರುವುದಿಲ್ಲ. ನಿಮ್ಮ ಗಂಡನ ಸಹೋದರರು ಹಲವು ವರ್ಷಗಳಿಂದ ಅವರ ಅಪ್ಪ ಹೇಳಿದ ರೀತಿಯಲ್ಲಿ ಸಮರ್ಪಕವಾಗಿ ಸಂಸಾರ ನಿಭಾಯಿಸಿಕೊಂಡು ಹೋಗುತ್ತಿದ್ದಾರೆ. ಅವರಿಗೆ ಈ ಮಧ್ಯೆ ಸಾಕಷ್ಟು ಆರ್ಥಿಕ ಸಮಸ್ಯೆಗಳು ಎದ್ದಿರಬಹುದು. ಆದನ್ನೂ ಅವರ ತಂದೆಯೇ ನಿಭಾಯಿಸಿರುತ್ತಾರೆ. ಹೀಗಿರುವಾಗ ಆರ್ಥಿಕವಾಗಿ ನಾವು ಹಿಂದೆ ಉಳಿಯುತ್ತೇವೆ ಎನ್ನುವ ಭಯ ಬೇಡ ಎಂದು ಅನಿಸುತ್ತದೆ. ಒಂದು ವೇಳೆ ನಿಮ್ಮ ಮಾವನ ಕೈಯಲ್ಲಿ ಹಣವೇನಾದರೂ ಪೋಲಾಗುತ್ತಿದೆ ಎಂದು ಅನಿಸಿದರೆ, ಅದನ್ನು ನಿಧಾನವಾಗಿ ಪ್ರಶ್ನಿಸಿ ಆರ್ಥಿಕ ವಿಚಾರವನ್ನು ಹೇಗೆ ಸರಿಯಾಗಿ ನಿಭಾಯಿಸಬಹುದು ಎಂಬುದನ್ನು ಅವರಿಗೆ ಹೇಳಿ. ಅವರು ಅವಿದ್ಯಾವಂತರು ಎನ್ನುವ ಕಾರಣಕ್ಕೆ ದಡ್ಡರೇನಲ್ಲ. ನೀವು ಪಿಯುಸಿ ಕಲಿತಿದ್ದೀರಿ ಎಂದಮಾತ್ರಕ್ಕೆ ಬುದ್ಧಿವಂತರೂ ಅಲ್ಲ! ನಿಮ್ಮ ತವರು ಮನೆಯಲ್ಲಿ ಕಡಿಮೆ ಜನ ಇದ್ದ ಕಾರಣಕ್ಕೆ ನಿಮಗೆ ಇಲ್ಲಿ ಹೆಚ್ಚು ಜನಸಂಖ್ಯೆಯನ್ನು ಕಂಡು ಸ್ವಾತಂತ್ರ್ಯ ಇಲ್ಲ ಎಂದು ಅನಿಸಿರಬಹುದು. ಇನ್ನೊಂದಿಷ್ಟು ದಿನ ಇವರ ಜತೆ ಬಾಳಿ. ನಿಮಗೂ ಎಲ್ಲರೊಂದಿಗೆ ಹೊಂದಾಣಿಕೆಯಾಗಬಹುದು. ನಿಮ್ಮಲ್ಲಿರುವ ಹೆಚ್ಚುಗಾರಿಕೆಯನ್ನು ಬಿಟ್ಟು, ಎಲ್ಲರ ಜತೆ ಸೇರಿ ಕೆಲಸ ಮಾಡಿ. ಇದರಿಂದ ನಿಮಗೆ ಹೆಚ್ಚು ಸಂತಸವಾಗುತ್ತದೆಯೇ ಹೊರತು ನಷ್ಟವೇನಿಲ್ಲ.
----

* ಸುಮಯಾ, ಮೈಸೂರು
ಗಂಡ ತೀರಿಕೊಂಡು ನಾಲ್ಕು ವರ್ಷಗಳಾಯಿತು. ಮೂವರು ಮಕ್ಕಳು. ಮೊದಲೆರಡು ಹೆಣ್ಣು, ಕೊನೆಯವ ಮಗ. ಹೆಣ್ಣು ಮಕ್ಕಳು ದೂರದ ಬೆಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಸಂಬಳವೂ ಚೆನ್ನಾಗಿಯೇ ಇದೆ. ಆದರೆ, ನನ್ನ ಮೊದಲು ಮಗಳು ಸ್ವಭಾವತಃ ಸ್ವಲ್ಪ ಜೋರು. ಸಿಟ್ಟು ಬಂದರೆ ಹಿರಿಯರು-ಕಿರಿಯರೆನ್ನದೆ ಬೈದು ಬಿಡುತ್ತಾಳೆ. ನಮ್ಮ ಸಂಬಂಧಿಕರಿಗೆಲ್ಲರಿಗೂ ಅವಳ ಈ ಬುದ್ಧಿ ಗೊತ್ತಿದೆ. ಅದುವೇ ಅವಳ ಮದುವೆಗೆ ಅಡ್ಡಿ ಮಾಡುತ್ತಿದೆ. ಅವಳನ್ನು ನೋಡಲು ಹುಡುಗರು ಯಾರಾದರೂ ಬಂದರೂ ಅವಳು ಜೋರು ಎನ್ನುವ ಸುದ್ದಿ ತಲುಪಿ, ಸಂಬಂಧ ಕುದುರಿಸಲು ಇಚ್ಛೆಪಡುವುದಿಲ್ಲ. ಹೀಗಾಗಿ ಸಾಕಷ್ಟು ಬಾರಿ ನಮಗೆ ನಿರಾಸೆಯಾಗಿದೆ. ಅದೇ ರೀತಿ ಎರಡನೇ ಮಗಳು ಹುಟ್ಟಿನಿಂದ ಸಿಕ್ಕಾಬಟ್ಟೆ ಸಾಧು ಸ್ವಭಾವದವಳಾಗಿದ್ದಳು. ಆದರೆ, ಪದವಿ ಮುಗಿಸಿ ಕೆಲಸಕ್ಕೆ ಹೊರಗೆ ಹೋದ ಬಳಿಕ ಸ್ವಲ್ಪ ಜೋರಾಗಿದ್ದಾಳೆ ಎಂದು ಅನಿಸುತ್ತಿದೆ. ಹಿಂದೆ ನಾನು ಏನು ಹೇಳಿದರೂ ಸುಮ್ಮನಿರುತ್ತಿದ್ದ ಅವಳು ಇತ್ತೀಚಿನ ದಿನಗಳಲ್ಲಿ ರಜೆಗೆಂದು ಮನೆಗೆ ಬಂದವಳು ಸಿಡುಕುತ್ತಾ ಇರುತ್ತಾಳೆ. ಮೊದಲ ಮಗಳ ಸ್ವಭಾವದಿಂದ ಈಗಾಗಲೇ ನನಗೆ ಸಮಸ್ಯೆ ಎದುರಾಗಿದ್ದು, ಎರಡನೆಯವಳೂ ಅದೇ ರೀತಿ ಆದರೆ ನನ್ನ ಪರಿಸ್ಥಿತಿ ಏನಾದೀತು ಎನ್ನುವ ಭಯ ಉಂಟಾಗಿದೆ.

- ಮಕ್ಕಳು ಬೆಳೆಯುತ್ತಾ ಮನೆಯ ಹಿರಿಯರನ್ನು ನೋಡಿ ಕಲಿಯುತ್ತದೆ. ಅದಲ್ಲದಿದ್ದರೆ, ಅವರ ಸ್ವಭಾವಕ್ಕೆ ವಂಶವಾಹಿನಿಗಳೂ ಕಾರಣವಾಗಿರುತ್ತದೆ. ಹೀಗಾಗಿ ನಿಮ್ಮ ದೊಡ್ಡ ಮಗಳು ಸ್ವಲ್ಬ ಜೋರಾಗಿ ಇರಬಹುದು. ಮಕ್ಕಳ ಕೆಲವು ಸ್ವಭಾವಗಳು ಕೆಲವೊಂದು ಬಾರಿ ಅಸಹನೀಯ ಎಂದು ಅನಿಸಿದರೆ ತಕ್ಷಣ ಅದನ್ನು ಬದಲಿಸುವಂತೆ ಚಿಕ್ಕದಿರುವಾಗಲೇ ಹೇಳಬೇಕು. ಇಲ್ಲದಿದ್ದರೆ, ಅದು ಬೆಳೆದ ದೊಡ್ಡ ಸಮಸ್ಯೆಯಾಗುತ್ತದೆ. ನಿಮ್ಮ ಮಗಳು ಚಿಕ್ಕಂದಿನಿಂದಲೇ ಜೋರು ಅಂದಮೇಲೆ ಅದನ್ನು ಅಲ್ಲಿಂದಲೇ ಸರಿ ಮಾಡಬಹುದಾಗಿತ್ತು. ಮಕ್ಕಳ ಮೇಲಿನ ಪ್ರೀತಿಯಿಂದ ಅವರನ್ನು ತಿದ್ದದಿದ್ದರೆ ದೊಡ್ಡವರಾದ ಮೇಲೆ ಇಂತಹ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ನಡೆದದ್ದು ನಡೆದು ಹೋಗಿದೆ. ಇನ್ನು ಚಿಂತಿಸಿ ಫಲವಿಲ್ಲ. ಈಗಲಾದರೂ ಸುಧಾರಿಸಿಕೊಳ್ಳುವಂತೆ ಮಗಳಿಗೆ ಹೇಳಿ. ಅವಳ ಜತೆ ನಿನ್ನ ಸ್ವಭಾವವನ್ನು ತಿದ್ದಿಕೊಳ್ಳಬೇಕು ಎಂದು ಹೇಳಬೇಕು. ಸ್ವಭಾವದಿಂದಲೇ ಬದುಕಿಗೆ ಏನಾದರೂ ತೊಂದರೆಯಾದರೆ ನಾನು ಹೊಣೆಯಾಗುವುದಿಲ್ಲ ಎಂದು ಎಚ್ಚರಿಕೆ ನೀಡಿ. ಖಂಡಿತಾ ಅವರು ಬದಲಾಗುತ್ತಾರೆ. ನಿಮ್ಮ ಸಾಧು ಸ್ವಭಾವದ ನಿಮ್ಮ ಸಣ್ಣ ಮಗಳು ಸ್ವಲ್ವ ಸಿಡುಕುತನ ಕಲಿತುಕೊಂಡಿದ್ದಾಳೆ ಎಂದು ಅಷ್ಟೇನೂ ಚಿಂತೆ ಮಾಡಬೇಡಿ. ಮೊದಲು ಮನೆಯಲ್ಲಿದ್ದಳು, ಎಲ್ಲವೂ ಸರಿಯಾಗಿತ್ತು. ಆದರೆ, ಈಗ ಹೊರಗೆ ಕೆಲಸಕ್ಕೆ ಹೋಗಿದ್ದಾಳೆ. ಆಫೀಸಲ್ಲೋ, ನಾಲ್ಕುಮಂದಿಯ ಜತೆಗಿರುವಾಗಲೋ ಕೆಲವೊಂದು ಒತ್ತಡಗಳನ್ನು ಎದುರಿಸಿರುತ್ತಾರೆ. ಅದರಿಂದಾಗಿ ಸ್ವಭಾವ ಸ್ವಲ್ಪ ಬದಲಿಸಿರುತ್ತಾರೆ. ಆದರೂ ಈ ಬುದ್ಧಿಯನ್ನು ಇನ್ನಷ್ಟು ಹೆಚ್ಚು ಮಾಡಬೇಡ ಎಂದು ಈಗಲೇ ಹೇಳಿ. ಅದಕ್ಕೆ ಅಕ್ಕನಿಗೆ ಆಗುತ್ತಿರುವ ತೊಂದರೆಯನ್ನು ಉದಾಹರಿಸಿ. ಇದರಿಂದ ಹೆಚ್ಚೇನೂ ಸಮಸ್ಯೆ ಆಗದು.
-----

* ಶಂಕ್ರಣ್ಣ, ಬಿಜಾಪುರ
ಕಾರಿನ ಶೋರೂಮ್ ಒಂದರಲ್ಲಿ ಕೆಲಸ ಮಾಡುತಿದ್ದೇನೆ. ನನಗೆ ಇತ್ತೀಚೆಗೆ ಮದುವೆಯಾಗಿದೆ. ನನ್ನ ಅಕ್ಕನ ಮಗಳನ್ನೇ ಮದುವೆ ಮಾಡಿಕೊಟ್ಟಿದ್ದಾರೆ. ಆದರೆ, ಇದೇ ನನ್ನ ಬದುಕಿಗೆ ಮುಳವಾಗಿದೆ ಎಂದು ಅನಿಸುತ್ತಿದೆ. ಯಾಕೆಂದರೆ, ನನಗೆ ಈ ಮದುವೆ ಸುತರಾಂ ಇಷ್ಟ ಇರಲಿಲ್ಲ. ಆದರೆ ಮನೆಯವರೆಲ್ಲರೂ ಒತ್ತಾಯ ಮಾಡಿ ಮದುವೆ ಮಾಡಿಸಿದ್ದಾರೆ. ನನ್ನ ಪತ್ನಿ ನೋಡಲು ಸ್ವಲ್ಪವೂ ಸುಂದರವಾಗಿಲ್ಲ. ಅದರ ಜತೆಗೆ ನಾಲ್ಕು ಮಂದಿಯ ಜತೆಗೆ ಬೆರೆತೂ ಗೊತ್ತಿಲ್ಲ. ನನಗೆ ಮದುವೆ ಮಾಡಿಕೊಟ್ಟಿರುವ ನನ್ನ ಅಕ್ಕನ ಮಗಳನ್ನು ನನ್ನ ಅಣ್ಣನಿಗೆ ಮದುವೆ ಮಾಡಿಕೊಡಲು ಎಲ್ಲರೂ ನಿಶ್ಚಯಿಸಿದ್ದರು. ಆದರೆ, ಅವನು ಒಪ್ಪದೇ ಬೇರೆ ಹುಡುಗಿಯನ್ನು ಮದುವೆಯಾಗಿದ್ದಾನೆ. ಅದಕ್ಕಾಗಿ ನನಗೆ ಮದುವೆ ಮಾಡಿದ್ದಾರೆ. ನನಗೆ ಇಷ್ಟ ಇರದಿದ್ದರೂ ಮನೆಯವರ ಒತ್ತಾಯಕ್ಕೆ ಮಣಿದು ಮದುವೆಯಾಗಬೇಕಾಯಿತು. ಎಂಗೇಜ್‌ಮೆಂಟ್ ಆದಮೇಲೂ ನಾನು ಎರಡು ವರ್ಷಗಳ ಕಾಲ ಮದುವೆಯನ್ನು ಮುದೂಡಿದೆ. ಆದರೂ ಅದರಿಂದ ತಪ್ಪಿಸಿಕೊಳ್ಳಲು ಆಗಲಿಲ್ಲ. ಆದರೆ, ಮದುವೆಯಾದ ಮೇಲೆ ಒಂದೇಒಂದು ಸಲವೂ ಆಕೆಯನ್ನು ನಾನು ಮಟ್ಟಿಲ್ಲ. ಇಬ್ಬರೂ ಅಪರಚಿತರಂತೆ ಇದ್ದೇವೆ. ನನ್ನ ಮನೆಗೆ ಯಾವುದೇ ಗೆಳೆಯರನ್ನು ಕರೆದುಕೊಂಡು ಬರಲೂ ನನಗೆ ಆಗುತ್ತಿಲ್ಲ. ಏನು ಮಾಡಲಿ ಹೇಳಿ?

- ಬದುಕನ್ನು ಎದುರಿಸಲು ಧೈರ್ಯ ಸಾಲದಿರುವುದರಿಂದಲೇ ಈ ಸಮಸ್ಯೆ ನಿಮಗೆ ಎದುರಾಗಿದೆ. ಯಾಕೆಂದರೆ ಇನ್ನೊಬ್ಬರ ಒತ್ತಾಯಕ್ಕೆ ಮಣಿದು, ಏನೋ ಆಗುತ್ತದೆ ಎಂದು ಹೆದರಿ ಮದುವೆಯಾಗಿ ಈಗ ಬೇಡ ಅಂದರೆ ಅದು ಹೇಗೆ ಸರಿಯಾಗುತ್ತದೆ? ನಿಮಗೆ ಮದುವೆ ಇಷ್ಟವಿಲ್ಲ ಎಂದಾದರೆ, ಅದನ್ನು ಮೊದಲೇ ಹೇಳಿಬಿಡಬಹುದಿತ್ತು. ಇದರಿಂದ ಸಣ್ಣ ಪರಿಣಾಮ ಉಂಟಾಗುತ್ತಿತ್ತೇ ಹೊರತು ಇನ್ನೇನೂ ಆಗುತ್ತಿರಿಲಿಲ್ಲ. ಅಬ್ಬಬ್ಬಾ ಅಂದರೆ. ನಿಮ್ಮ ಅಕ್ಕ ಮಾತು ಬಿಡುತ್ತಿದ್ದರಷ್ಟೆ. ಆದರೆ ಇಷ್ಟವಿಲ್ಲದಿದ್ದರೂ ಮದುವೆಯಾಗಿ ಜೀವನಪೂರ್ತಿ ನೋವು ಅನುಭವಿಸುವ ಪರಿಸ್ಥಿತಿಯನ್ನು ನೀವು ತಂದುಕೊಂಡಿದ್ದೀರಿ. ಮದುವೆ ಬಳಿಕ ಅವಳು ಚೆನ್ನಾಗಿಲ್ಲ, ಅವಳನ್ನು ನಾನು ಮುಟ್ಟಿಲ್ಲ ಎಂದು ಹೇಳುತ್ತಾ ಕೂರುವುದರಿಂದ ಯಾವುದೇ ಲಾಭವಾಗದು. ನೀವು ಈಗ ಈ ಹುಡುಗಿ ಬೇಡ ಎಂದು ಬಿಟ್ಟು ಬೇರೆ ಮದುವೆಯಾಗಬಹುದು. ಆದರೆ, ಅಕ್ಕನ ಮಗಳಾಗಿರುವ ಅವಳಿಗೆ ಯಾರು ಗತಿ? ಅವಳನ್ನು ಮದುವೆಯಾಗಲು ಯಾರಾದರೂ ತಯಾರಿದ್ದಾರೆಯೇ? ನಿಮ್ಮ ಸಮಾಧಾನಕ್ಕೆ ಇನ್ನೊಂದು ವಿಚಾರ ಹೇಳುತ್ತೇನೆ ಕೇಳಿ. ಅಂದಚೆಂದವನ್ನು ಕಟ್ಟಿಕೊಂಡು ಯಾವ ಸಂಸಾರವೂ ಉದ್ಧಾರವಾಗಿಲ್ಲ. ಒಬ್ಬರಿಗೊಬ್ಬರು ಅರ್ಥ ಮಾಡಿಕೊಂಡು ಜೀವನ ಮಾಡುವುದರಿಂದ ಮಾತ್ರ ದಾಂಪತ್ಯ ಫಲಪ್ರದವಾಗುತ್ತದೆ. ಚೆಂದವಿಲ್ಲದ ಹುಡುಗಿಯನ್ನು ಮದುವೆಯಾಗಲು ಧೈರ್ಯ ಮಾಡಿದ್ದೇನೆ ಎನ್ನುವ ಹೆಮ್ಮೆ ಇರಲಿ. ಅಣ್ಣ ತಿರಸ್ಕರಿಸಿದ ಹುಡುಗಿಯಯನ್ನು ಮದೆವೆಯಾದೆನಲ್ಲ ಎನ್ನುವ ಹಿಂಜರಿಕೆ ಬೇಡ. ನೀವು ಇದೇ ರೀತಿ ಕೀಳರಿಮೆ ಇಟ್ಟುಕೊಂಡು ಆಕೆಯನ್ನು ಮನೆಯೊಳಗೆ ಇಟ್ಟಿರುವುದು ಎಳ್ಳಷ್ಟೂ ಸರಿಯಲ್ಲ. ಹೀಗಾಗಿ ಹೊರಗೆಲ್ಲ ಕರೆದುಕೊಂಡು ಹೋಗಿ. ಸ್ವಲ್ಪ ಸುತ್ತಾಡಿಸಿ. ಅಂದಚೆಂದದ ಬಟ್ಟೆಬರೆಗಳನ್ನು ಹಾಕಲು ಹೇಳಿ. ನಾಲ್ಕು ಜನರಲ್ಲಿ ಮಾತನಾಡಿಸಿ. ಕೆಲವು ದಿನಗಳಲ್ಲಿ ಅವರು ನಿಮ್ಮ ಬೇಡಿಕೆಗಳನ್ನೆಲ್ಲ ಪೂರೈಸಿ, ಉತ್ತಮ ಪತ್ನಿಯಾಗುವುದರಲ್ಲಿ ಯಾವುದೇ ಸಂಶಯ ಇಲ್ಲ.
ಇಲ್ಲಿ ಹಿರಿಯರಿಗೂ ಒಂದು ಕಿವಿಮಾತಿದೆ. ವಯಸ್ಸಿಗೆ ಬಂದ ಮಕ್ಕಳಿಗೆ ಮದುವೆಯ ವಿಷಯದಲ್ಲಿ ಅನಗತ್ಯ ಒತ್ತಡ ಹೇರುವುದರಿಂದ ಅಪಾಯಗಳೇ ಜಾಸ್ತಿ.

* ಶಂಕ್ರಣ್ಣ, ಬಿಜಾಪುರ
ಕಾರಿನ ಶೋರೂಂ ಒಂದರಲ್ಲಿ ಕೆಲಸ ಮಾಡುತಿದ್ದೇನೆ. ಇತ್ತೀಚೆಗೆ ಮದುವೆಯಾಗಿದೆ. ನನ್ನ ಅಕ್ಕನ ಮಗಳನ್ನೇ ಮದುವೆ ಮಾಡಿಕೊಟ್ಟಿದ್ದಾರೆ. ಆದರೆ, ಇದೇ ನನ್ನ ಬದುಕಿಗೆ ಮುಳವಾಗಿದೆ ಎಂದು ಅನಿಸುತ್ತಿದೆ. ಯಾಕೆಂದರೆ, ನನಗೆ ಈ ಮದುವೆ ಸುತರಾಂ ಇಷ್ಟ ಇರಲಿಲ್ಲ. ಆದರೆ, ಮನೆಯವರೆಲ್ಲರೂ ಒತ್ತಾಯ ಮಾಡಿ ಮದುವೆ ಮಾಡಿಸಿದ್ದಾರೆ. ನನ್ನ ಪತ್ನಿ ನೋಡಲು ಸ್ವಲ್ಪವೂ ಸುಂದರವಾಗಿಲ್ಲ. ಜತೆಗೆ ನಾಲ್ಕು ಮಂದಿಯ ಜತೆಗೆ ಬೆರೆತೂ ಗೊತ್ತಿಲ್ಲ. ನನಗೆ ಮದುವೆ ಮಾಡಿಕೊಟ್ಟಿರುವ ನನ್ನ ಅಕ್ಕನ ಮಗಳನ್ನು ನನ್ನ ಅಣ್ಣನಿಗೆ ಮದುವೆ ಮಾಡಿಕೊಡಲು ಎಲ್ಲರೂ ನಿಶ್ಚಯಿಸಿದ್ದರು. ಆದರೆ, ಅವನು ಒಪ್ಪದೇ ಬೇರೆ ಹುಡುಗಿಯನ್ನು ಮದುವೆಯಾಗಿದ್ದಾನೆ. ಅದಕ್ಕಾಗಿ ನನಗೆ ಮದುವೆ ಮಾಡಿದ್ದಾರೆ. ನನಗೆ ಇಷ್ಟ ಇರದಿದ್ದರೂ ಮನೆಯವರ ಒತ್ತಾಯಕ್ಕೆ ಮಣಿದು ಮದುವೆಯಾಗಲೇ ಬೇಕಾಯಿತು. ಎಂಗೇಜ್‌ಮೆಂಟ್ ಆದ 2 ವರ್ಷ ಮದುವೆಯನ್ನು ಮುಂದೂಡಿದೆ. ಆದರೆ, ಅವರ ಒತ್ತಾಯದಿಂದ ಮುಕ್ತಿ ಸಿಗದ ಕಾರಣ ಮದುವೆಯಾಗಲೇಬೇಕಾಯಿತು. ಆದರೆ, ಮದುವೆಯಾದ ಮೇಲೆ ಒಂದು ದಿನ ಕೂಡಾ ಆಕೆಯನ್ನು ನಾನು ಮಟ್ಟಿಲ್ಲ. ಇಬ್ಬರೂ ಅಪರಚಿತರಂತೆ ಇದ್ದೇವೆ. ನನ್ನ ಮನೆಗೆ ಯಾವುದೇ ಗೆಳೆಯರನ್ನು ಕೆರೆದುಕೊಂಡು ಬರಲು ನನಗೆ ಇಷ್ಟವಾಗುತ್ತಿಲ್ಲ. ಏನು ಮಾಡಲಿ ಹೇಳಿ?

- ಇಲ್ಲಿ ನಿಮ್ಮನ್ನು ಈ ದುಸ್ಥಿತಿಗೆ ತಂದಿರುವ ನಿಮ್ಮ ಮನೆಯ ಹಿರಿಯರಿಗೆ ಛೀಮಾರಿ ಹಾಕಬೇಕಾಗಿದೆ. ಯಾಕೆಂದರೆ, ನಿಮಗೆ ಇಷ್ಟವಿಲ್ಲದ ಮದುವೆಯನ್ನು ಅವರು ಮಾಡಿರುವುದು ಸರಿಯಲ್ಲ. ಅದೂ ಅಲ್ಲದೆ ರಕ್ತ ಸಂಬಂಧಿಗಳು ಮದುವೆಯಾಗು ವುದರಿಂದ ಹುಟ್ಟುವ ಮಕ್ಕಳಿಗೆ ತೊಂದರೆಯಾಗುತ್ತದೆ ಎಂಬುದನ್ನು ವಿಜ್ಞಾನ ಸಾಬೀತು ಪಡಿಸಿದೆ. ಇಷ್ಟೆಲ್ಲ ಗೊತ್ತಿರುವಾಗ ತಮ್ಮ ಜಬಾವ್ದಾರಿ ಕಡಿಮೆ ಮಾಡಿಕೊಳ್ಳಲು ನಿಮ್ಮ ಬದುಕನ್ನು ನರಕಕ್ಕೆ ದೂಡಿರುವುದು ಅವರು ಮಾಡಿರುವ ದೊಡ್ಡ ತಪ್ಪು. ಇದರ ಜತೆಗೆ ನೀವು ಕೂಡ ಕೆಲವೊಂದು ವಿಚಾರಗಳಲ್ಲಿ ಎಡವಿದ್ದೀರಿ. ಯಾಕೆಂದರೆ ಇನ್ನೊಬ್ಬರ ಒತ್ತಾಯಕ್ಕೆ ಮಣಿದು, ಏನೋ ಆಗುತ್ತದೆ ಎಂದು ಮದುವೆಗೆ ಒಪ್ಪಿಕೊಂಡು, ಈಗ ಬೇಡ ಅಂದರೆ ಅದನ್ನು ಹೇಗೆ ಒಪ್ಪಿಕೊಳ್ಳುವುದು? ನಿಮಗೆ ಮದುವೆ ಇಷ್ಟವಿಲ್ಲ ಎಂದಾದರೆ ಅದನ್ನು ಮೊದಲೇ ಹೇಳಿಬಿಡಬಹುದಿತ್ತು. ಆದರೆ, ಇಷ್ಟವಿಲ್ಲದಿದ್ದರೂ ಮದುವೆಯಾಗಿ ಜೀವನಪೂರ್ತಿ ನೋವು ಅನುಭವಿಸುವ ಪರಿಸ್ಥಿತಿ ನೀವು ತಂದುಕೊಂಡಿದ್ದೀರಿ. ಮದುವೆ ಬಳಿಕ ಅವಳು ಚೆನ್ನಾಗಿಲ್ಲ, ಅವಳನ್ನು ನಾನು ಮುಟ್ಟಿಲ್ಲ ಎಂದು ಹೇಳುತ್ತಾ ಕೂರುವುದರಿಂದ ಏನು ಲಾಭ ಹೇಳಿ? ನೀವು ಈಗ ಈ ಹುಡುಗಿ ಬೇಡ ಎಂದು ಬಿಟ್ಟು ಬೇರೆ ಮದುವೆಯಾದರೆ, ಅಕ್ಕನ ಮಗಳಾಗಿರುವ ಅವರಿಗ್ಯಾರು ಗತಿ? ನಿಮ್ಮ ಸಮಾಧಾನಕ್ಕೆ ಇನ್ನೊಂದು ವಿಚಾರ ಹೇಳುತ್ತೇನೆ ಕೇಳಿ. ಅಂದಚೆಂದ ಕಟ್ಟಿಕೊಂಡು ಯಾವ ಸಂಸಾರವು ಮಂದುವರಿದದ್ದಿಲ್ಲ. ಕೇವಲ ಒಬ್ಬರಿಗೊಬ್ಬರು ಅರ್ಥ ಮಾಡಿಕೊಂಡು ಜೀವನ ಮಾಡುವುದರಿಂದ ಮಾತ್ರ ದಾಂಪತ್ಯ ಫಲಪ್ರದವಾಗುತ್ತದೆ. ಚಂದವಿಲ್ಲದ ಹುಡುಗಿಯನ್ನು ಮದುವೆಯಾಗಲು ಧೈರ್ಯ ಮಾಡಿದ್ದೇನೆ ಎನ್ನುವ ಹೆಮ್ಮೆ ಇರಲಿ. ಅಣ್ಣ ತಿರಸ್ಕರಿಸಿದ ಹುಡುಗಿಯಯನ್ನು ಮದೆವೆಯಾದೆನಲ್ಲ ಎನ್ನುವ ಕೀಳರಿಮೆ ಬೇಡ. ನೀವು ಇದೇ ರೀತಿ ಕೀಳರಿಮೆ ಇಟ್ಟುಕೊಂಡು ಆಕೆಯನ್ನು ಮನೆಯೊಳಗೆ ಇಟ್ಟರೆ ನೀವಿಬ್ಬರೂ ಉದ್ಧಾರವಾಗಲಿಕ್ಕಿಲ್ಲ. ಹೀಗಾಗಿ ನಿಮ್ಮ ಪತ್ನಿಯನ್ನು ಸುಧಾರಿಸುವ ಪ್ರಯತ್ನ ಮಾಡಿ. ಅವರನ್ನು ಹೊರಗೆ ಕರೆದುಕೊಂಡು ಹೋಗಿ. ಸುಂದರವಾದ ಬಟ್ಟೆ ಬರೆಗಳನ್ನು ಹಾಕಲು ಹೇಳಿ. ನಾಲ್ಕು ಜನರಲ್ಲಿ ಮಾತನಾಡಿಸಿ. ಕೆಲವು ದಿನಗಳಲ್ಲಿ ಅವರು ನಿಮ್ಮ ಬೇಡಿಕೆಗಳನ್ನೆಲ್ಲ ಪೂರೈಸುವ ಉತ್ತಮ ಪತ್ನಿಯಾಗುವುದರಲ್ಲಿ ಯಾವುದೇ ಸಂಶಯ ಇಲ್ಲ.
**

* ಸುನೀತಾ, ಬಾಗಲಕೋಟೆ
ಸರ್, ನನ್ನ ತಂದೆ ಕೇಂದ್ರ ಸರ್ಕಾರದ ಇಲಾಖೆಯೊಂದರಲ್ಲಿ ಕೆಲಸ ನಿರ್ವಹಿಸಿ ಈಗ ನಿವೃತ್ತಿಯಾಗಿದ್ದಾರೆ. ನಾವು ಮೂವರು ಮಕ್ಕಳು. ನನಗೆ ಇಬ್ಬರು ತಮ್ಮಂದಿರಿದ್ದಾರೆ. ನನ್ನ ಪ್ರಾಥಮಿಕ ವಿದ್ಯಾಭ್ಯಾಸದ ವೇಳೆ ಕಲಿಕೆಯಲ್ಲಿ ಸಾಕಷ್ಟು ಮುಂದಿದ್ದು, ಸುಮಾರು 9ನೇ ತರಗತಿ ತನಕವೂ ತರಗತಿಯಲ್ಲಿ ಪ್ರಥಮ ಅಥವಾ ದ್ವಿತೀಯ ಸ್ಥಾನ ಗಳಿಸುತ್ತಿದ್ದೆ. ಆದರೆ, ಎಸ್‌ಎಸ್‌ಎಲ್‌ಸಿಗೆ ಬಂದಾಗ ನನ್ನಲ್ಲಿದ್ದ ಆತ್ಮವಿಶ್ವಾಸ ಕುಸಿದು ಅಂಕಗಳಲ್ಲಿ ಕುಸಿತ ಪ್ರಾರಂಭವಾಯಿತು. ಕಷ್ಟಪಟ್ಟು ಆ ತರಗತಿಯನ್ನು ಮುಗಿಸಿದೆ. ಇದಕ್ಕಾಗಿ ತಂದೆಯಿಂದ ಬೈಗುಳ ಕೇಳಬೇಕಾಯಿತು. ಆನಂತರದಲ್ಲಿ ಕಲಿಕೆ ಎಂದರೆ ಅಲರ್ಜಿಯಾಗತೊಡಗಿತು. ಈ ನಡುವೆ ತಂದೆಗೆ ನಾನು ವಿಜ್ಞಾನವನ್ನೇ ಕಲಿಯಬೇಕು ಎನ್ನುವ ಒತ್ತಾಸೆ. ಅದಕ್ಕೆ ಪಿಯುಸಿಯಲ್ಲಿ ವಿಜ್ಞಾನವನ್ನು ಅನಿವಾರ್ಯವಾಗಿ ಆಯ್ಕೆ ಮಾಡಿಕೊಂಡೆ. ಅಲ್ಲಿಂದ ಮೇಲಿನ ನನ್ನ ಕಷ್ಟ ಹೇಳಿತೀರದು. ಎರಡನೇ ವರ್ಷದಲ್ಲಿ ಎರಡು ವಿಷಯಗಳಲ್ಲಿ ಫೇಲ್ ಆಗಿ, ಒಂದು ವರ್ಷ ವ್ಯರ್ಥವಾಯಿತು. ಸಪ್ಲಿಮೆಂಟರಿ ಪರೀಕ್ಷೆ ಮೂಲಕ ಪಾಸಾಗಿ ಡಿಗ್ರಿಗೆ ಹೋದೆ. ಅಲ್ಲೂ ಅಂತಿಮವಾಗಿ ನಾಲ್ಕು ವಿಷಯಗಳು ತೇರ್ಗಡೆಯಾಗದೆ ಬಾಕಿ ಉಳಿದವು. ನಂತರದ ವರ್ಷದಲ್ಲಿ ಅದನ್ನು ಪೂರ್ತಿ ಮಾಡಿದೆ. ನನ್ನ ತಂದೆಯ ವಿಜ್ಞಾನ ಆಸೆ ಮುಗಿಯದ ಕಾರಣ ಇಂಡಸ್ಟ್ರಿಯಲ್ ಕೆಮೆಸ್ಟ್ರಿಯಲ್ಲಿ ಫಿಝಿಕ್ಸ್ ಎಂಎ ಮುಗಿಸಿದೆ. ಇಲ್ಲೂ ಒಳ್ಳೆಯ ಅಂಕಗಳು ಬರಲಿಲ್ಲ. ಹೀಗಾಗಿ ಉದ್ಯೋಗ ದೊರೆಯಲಿಲ್ಲ. ಸಾಕಷ್ಟು ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ಬರೆದರೂ ಏನೂ ಲಾಭವಾಗಿಲ್ಲ. ಈಗ ತಂದೆಯವರು ವಿಜ್ಞಾನದಲ್ಲಿ ಬಿ.ಎಡ್ ಮಾಡು ಎಂದು ಒತ್ತಾಯ ಮಾಡುತ್ತಿದ್ದಾರೆ. ಅದಕ್ಕಾಗಿ ಎಲ್ಲ ತಯಾರಿಯೂ ನಡೆದಿದೆ. ಆದರೆ ನನಗೆ ಕಲಿಕೆ ಮುಂದುವರಿಸಲು ಮನಸ್ಸಿಲ್ಲ. ಎಲ್ಲಾದರೂ ಓಡಿಹೋಗೋಣ ಎಂದು ಅನಿಸುತ್ತದೆ. ಏನು ಮಾಡಲಿ?

- ನಿಮಗೆ ಹೈಸ್ಕೂಲ್ ನಂತರದಲ್ಲಿ ಉತ್ತಮ ಅಂಕ ಸಿಗದಿರುವುದಕ್ಕೆ ಓದಿನಲ್ಲಿ ನಿಮಗೆ ಉಂಟಾದ ನಿರಾಸಕ್ತಿಯೇ ಕಾರಣ. ನಿಮ್ಮ ತಂದೆ ಕಲಿಯಲೆಂದು ಹಾಕುತ್ತಿದ್ದ ಅನಗತ್ಯ ಮತ್ತು ಅನಾರೋಗ್ಯಕರ ಒತ್ತಡದಿಂದಾಗಿ ನಿಮಗೆ ಈ ರೀತಿ ಆಗಿದೆ ಎನ್ನುವುದು ನಿಸ್ಸಂಶಯ. ಯಾಕೆಂದರೆ, ಸಾಕಷ್ಟು ಹೆತ್ತವರು ತಮ್ಮ ಮಕ್ಕಳಿಗೆ ಓದು ಎಂದು ಸಿಕ್ಕಾಬಟ್ಟೆ ಒತ್ತಾಯ ಮಾಡಿರುವುದರಿಂದ ಮಕ್ಕಳು ಕಲಿಕೆಯಲ್ಲಿನ ಆಸಕ್ತಿಯನ್ನೇ ಕಳೆದುಕೊಂಡ ಪ್ರಸಂಗಗಳು ನಮ್ಮ ಮುಂದಿವೆ. ಆದರೆ, ಪಿಯುಸಿ ನಂತರದಲ್ಲಿ ಆದ ಸೋಲಿಗೆ ನೀವೂ ಸ್ವಲ್ಪ ಕಾರಣರಾಗುತ್ತೀರಿ. ಯಾಕೆಂದರೆ, ಒಂದು ಬಾರಿಯ ಸೋಲನ್ನು ನೀವು ಹಿನ್ನಡೆ ಎಂದು ಭಾವಿಸಿಕೊಂಡು ಅದರ ಹಿಂದೆಯೇ ಸಾಗುತ್ತಾ ಹೋದಿರಿ. ಹೀಗಾಗಿ ಪಿಯುಸಿ, ಡಿಗ್ರಿ ಎಲ್ಲ ಕಡೆಯೂ ನೀವು ಎರಡೆರಡು ವಿಷಯಗಳನ್ನು ಉಳಿಸಿಕೊಂಡಿರಿ. ಹೀಗಾಗಿ ನಿಮ್ಮ ಜೀವನದ ಅಮೂಲ್ಯ ಎರಡು ವರ್ಷಗಳು ನಷ್ಟವಾದವು ಎನ್ನುವ ಆತಂಕ ಈಗಲೂ ಇದೆ. ಇದರ ಮಧ್ಯೆ ನಿಮ್ಮ ತಂದೆಗೆ ಅವರ ನಿರೀಕ್ಷೆಗಳನ್ನು ನೀವು ಪೂರೈಸಲಿಲ್ಲ ಎನ್ನುವ ನಿರಾಶೆ ಇದೆ ಎನ್ನುವುದನ್ನು ಅವರು ಮಾಡುತ್ತಿರುವ ಒತ್ತಾಯದಿಂದ ತಿಳಿಯಬಹುದು. ಅದಕ್ಕಾಗಿ ಮತ್ತೆ ಮತ್ತೆ ಏನಾದರೂ ಒಂದು ವಿಷಯವನ್ನು ಕಲಿತು ಉದ್ಯೋಗ ಪಡೆಯಲಿ ಎಂದು ಬೇರೆ ಬೇರೆ ತರಗತಿಗಳಿಗೆ ಸೇರಿಸುತ್ತಿದ್ದಾರೆ. ಈಗ ಅದೆಲ್ಲ ಹಳೆ ವಿಷಯ. ಭೂತಕಾಲದ ಎಲ್ಲ ಘಟನೆಗಳನ್ನೂ ಬಿಟ್ಟುಬಿಡಿ. ಎಲ್ಲಾದರೂ ಓಡಿಹೋಗುವ ಆಲೋಚನೆಯನ್ನೂ ಕೈಬಿಡಿ. ಈಗ ಒಂದು ಕಲ್ಲಿನಿಂದ ಎರಡು ಹಕ್ಕಿಗಳನ್ನು ಹೊಡೆಯವ ಅವಕಾಶ ನಿಮಗೆ ಸಿಕ್ಕಿದೆ, ಬಳಸಿಕೊಳ್ಳಿ. ಮೊದಲನೆಯದು ನೀವೀಗ ಬಿ.ಎಡ್‌ಗೆ ಸೇರಿಕೊಳ್ಳುವುದು ಅನಿವಾರ್ಯ. ಏಕೆಂದರೆ, ನೀವಿನ್ನೂ ಬಾಳಿ ಬದುಕಬೇಕಾಗಿದೆ. ಹೀಗಾಗಿ ಅಲ್ಲಿ ಉತ್ತಮ ಅಂಕಗಳನ್ನು ತೆಗೆದು ಎಲ್ಲಾದರೂ ಉದ್ಯೋಗ ಪಡೆಯುವ ನಿರ್ಧಾರ. ಎರಡನೆಯದು ನಿಮ್ಮ ಹಿಂದಿನ ಅಂಕಗಳಿಂದ ನಿರಾಶೆ ಹೊಂದಿರುವ ನಿಮ್ಮ ತಂದೆಯವರ ನಿರೀಕ್ಷೆಗೆ ತಕ್ಕಂತೆ ಮಾರ್ಕ್ಸ್ ತೆಗೆದು ಉದ್ಯೋಗವೊಂದನ್ನು ಪಡೆಯುವುದು. ಅದಕ್ಕಾಗಿ ಇಂದಿನಿಂದಲೇ ನೀವು ಮತ್ತೆ ಉತ್ಸಾಹದಿಂದ ಕೆಲಸ ಮಾಡಬೇಕಿದೆ. ಪ್ರತಿಫಲ ದೊರೆತೇ ದೊರೆಯುತ್ತದೆ. ಮುಂದೆ ಅವಕಾಶ ಸಿಕ್ಕಾಗ ಯಾವುದೇ ಸ್ಪರ್ಧಾತ್ಮಕ ಪರೀಕ್ಷೆಯನ್ನಾದರೂ ಹೊಸ ಹುಮ್ಮಸ್ಸಿನಿಂದ ಬರೆಯಿರಿ. ಒಮ್ಮೆ ನಿಮಗೆ ಆತ್ಮವಿಶ್ವಾಸ ಮೂಡಿದರೆ ಮತ್ತೆಂದೂ ಹಿನ್ನಡೆಯಾಗದು. ನಿಮ್ಮನ್ನು ನೀವೇ ನಂಬಲಾಗದಷ್ಟು ಬದಲಾಗುವುದು ಖಂಡಿತ.

*ನಂದಿನಿ ಕೆ. ಎಲ್‌

ನಿಹಾಲ್‌ ಕೆಲಸಕ್ಕೆ ಮಾತೇ ಬಂಡವಾಳ. ಆದರೆ ಅವನು ಮಾತನಾಡುವುದಿಲ್ಲ. ಮನೆಯಲ್ಲಾಗಲೀ, ತಮ್ಮ ಸಹೋದ್ಯೋಗಿಗಳಲ್ಲಿ ಯಾರಾದರೂ ಮಾತನಾಡಲು ನಿಂತರೆ ಕೇಳುತ್ತಾ ಕೂರುತ್ತಾನೆ. ಅವನ ಮನಸ್ಸಿನಲ್ಲೂ ಮಾತನಾಡಲಿಕ್ಕೆ ಸಾವಿರ ಸಂಗತಿಗಳಿವೆ. ಆದರೆ ಅವನು ಅದನ್ನು ಬಾಯ್ಬಿಟ್ಟು ಹೇಳುವುದಿಲ್ಲ. ಗಂಟಲಿನ ತುದಿಯವರೆಗೆ ಬಂದ ಮಾತನ್ನು ಹಾಗೆಯೇ ನುಂಗಿಕೊಂಡು ಮೂಕನಾಗುತ್ತಾನೆ. ಇದರಿಂದ ಅವನ ಅಂತರ್ಮುಖಿ ಮಾತುಗಳು ಯಾರಿಗೂ ಕೂಡ ಕೇಳಿಸುವುದಿಲ್ಲ. ಇಂತಹ ವ್ಯಕ್ತಿತ್ವ ನಮ್ಮ ಸುತ್ತಮುತ್ತಲೂ ಇರಬಹುದು. ಅದನ್ನು ಅಲ್ಲೊಡೊಕ್ಸ ಫೋಬಿಯಾ ಎಂದು ಕರೆಯುತ್ತಾರೆ. ಎಷ್ಟೇ ಚಾಣಾಕ್ಷ ಬುದ್ಧಿಯಿದ್ದರೂ ಕೂಡ ಅಭಿಪ್ರಾಯಗಳನ್ನು ಹೇಳಿಕೊಂಡಾಗ ಮಾತ್ರ ನಮ್ಮ ಮನಸ್ಥಿತಿ ಇತರರಿಗೆ ಸುಲಭವಾಗಿ ಅರ್ಥವಾಗುತ್ತದೆ. ಇಲ್ಲವಾದರೆ ಯಾವುದೇ ವಿಷಯಗಳಾದರೂ ಕೂಡ ಗೊಂದಲವನ್ನುಂಟು ಮಾಡುತ್ತದೆ. ಮನಸ್ಸಿನಲ್ಲಿ ಮೂಡಿದ ಮಾತುಗಳನ್ನು ಇವರು ಎಂದಿಗೂ ಹೇಳಿಕೊಳ್ಳುವುದಿಲ್ಲ. ತಮ್ಮ ಮಾತಿಗೆ ಬೆಲೆ ಸಿಗುವುದಿಲ್ಲವೆಂದು ಮೂಕ ಜೀವಿಗಳಾಗಿ ಬಿಡುವುದು. ಭಯ, ಹಿಂಜರಿಕೆ, ಮಾನಸಿಕ ತಳಮಳದಿಂದ ದಿನದಿಂದ ದಿನಕ್ಕೆ ಕುಗ್ಗುತ್ತಾ ಹೋಗುತ್ತಾರೆ. ಯಾವುದೇ ಸಂದರ್ಭ ಬಂದರೂ ಅಂತಿಮವಾಗಿ ಒಂದು ನಿರ್ಧಾರ ತೆಗೆದುಕೊಳ್ಳುವುದಿಲ್ಲ. ಎಲ್ಲರಿಗೂ ಸದಾ ಪ್ರಶ್ನಾರ್ಥಕ ಚಿಹ್ನೆಯಾಗಿ ಕಾಡುತ್ತಾರೆ.

ಕಾರಣ:ಇದು ತೀರ ಗಂಭೀರ ಸಮಸ್ಯೆ ಅಲ್ಲದಿದ್ದರೂ, ಬಾಲ್ಯದ ಪ್ರಭಾವ ಇದರ ಮೇಲೆ ಇದೆ. ಚಿಕ್ಕಂದಿನಲ್ಲಿ ತಮ್ಮ ಮಾತನ್ನು ಕೇಳಿ ಅಪಹಾಸ್ಯ ಮಾಡುವುದು, ಮಾತಿಗೆ ಮನ್ನಣೆ ಸಿಗದಿದ್ದಾಗ, ಮನೆಯಲ್ಲಿ ಪೋಷಕರು ಅತಿಯಾಗಿ ಶಿಸ್ತಿನಿಂದ ಬೆಳೆಸುವುದು. ನೇರವಾಗಿ ಹೇಳಲು ಅವಕಾಶವಿಲ್ಲದಿರುವುದು, ಸಂಕೋಚ ಹಾಗೂ ನಾಚಿಕೆ ಸ್ವಭಾವದ ಮನೋಭಾವ, ಉಚ್ಛಾರಣೆಯಲ್ಲಿ ದೋಷವಿದ್ದಾಗ, ಸರಿಯಾಗಿ ಭಾಷೆಯ ಮೇಲೆ ಪ್ರಭುತ್ವವಿಲ್ಲದಿರುವುದು, ಪದ ಸಂಪತ್ತಿನ ದೋಷ, ಬಾಲ್ಯದಲ್ಲಿ ಗೆಳೆಯರು ಟೀಕೆ ಮಾಡಿರುವುದರ ಪರಿಣಾಮದಿಂದಾಗಿ ಅಭಿಪ್ರಾಯಗಳನ್ನು ಹೇಳುವುದಿಲ್ಲ. ಪುರುಷರು ಅಥವಾ ಹುಡುಗರು ಮುಕ್ತವಾಗಿ ಮಾತನ್ನು ಹೇಳಿಬಿಡುತ್ತಾರೆ. ಆದರೆ ಹುಡುಗಿಯರು ಮತ್ತು ಮಹಿಳೆಯರು ಒಂದು ಮಾತನ್ನು ಹೇಳಲು ಹತ್ತಾರು ಬಾರಿ ಯೋಚನೆ ಮಾಡಿರುತ್ತಾರೆ. ಯಾರಾದರೂ ಏನಂದು ಕೊಳ್ಳುತ್ತಾರೋ, ತಮ್ಮ ಅಭಿಪ್ರಾಯಗಳಿಗೆ ಮನ್ನಣೆ ಸಿಗುತ್ತದೋ ಇಲ್ಲವೋ ಎಂದು ಸುಮ್ಮನಾಗಿ ಬಿಡುತ್ತಾರೆ. ಯಾಕೆಂದರೆ ಮನೆಯಲ್ಲಿ ಹೆಚ್ಚಾಗಿ ಪುರುಷರ ಮಾತಿಗೆ, ನಿರ್ಧಾರ, ಅಭಿಪ್ರಾಯಗಳಿಗೆ ಮನ್ನಣೆ ಕೊಡುವುದರಿಂದ ಮಹಿಳೆಯರ ಮಾತನ್ನು ಪರಿಗಣಿಸುವುದಿಲ್ಲ. ಇದರಿಂದ ಮಾನಸಿಕವಾಗಿ ಕುಗ್ಗುತ್ತಾ ಹೋಗುತ್ತಾರೆ. ತಮಗೆ ಅನ್ನಿಸಿದ್ದನ್ನು ಮುಕ್ತವಾಗಿ ಮಾತನಾಡಲು ದಿನಕಳೆದಂತೆ ಹಿಂದೆ ಸರಿಯುತ್ತಾರೆ. ಮನದಲ್ಲಿಯೇ ಯೋಚನೆ ಮಾಡುತ್ತಾ ಅಂರ್ತಮುಖಿಗಳಾಗುತ್ತಾರೆ.

-ಲವಲವಿಕೆಸುದ್ದಿಲೋಕ

ಮದುವೆ ಮನೆ ಫ್ಯಾಷನ್‌ ಎಂದಾಕ್ಷಣ ಹೇಗೆ ಬೇಕೋ ಹಾಗೆ ಹೋಗುವಂತಿಲ್ಲ. ಅದಕ್ಕೂ ಒಂದಿಷ್ಟು ರೂಲ್ಸ್‌ ಹಾಗೂ ರಿಸ್ಟ್ರಿಕ್ಷನ್‌ಗಳಿವೆ. ನಮಗ್ಯಾವ ರೂಲ್ಸ್‌ ರಿಸ್ಟ್ರಿಕ್ಷನ್‌ ಎಂದು ಯೋಚಿಸಿದರೇ ನೀವು ಔಟ್‌ ಆಫ್‌ ಫ್ಯಾಷನ್‌ ಆಗುವಿರಿ. ಅದು ಮಾತ್ರವಲ್ಲ, ನಿಮ್ಮ ಇಮೇಜಿಗೆ ಧಕ್ಕೆಯಾಗಬಹುದು. ಹಾಗಾಗಿ ಮದುವೆ ಮನೆಗೆ ಹೋಗುವ ಮುನ್ನ ನಿಮ್ಮ ಫ್ಯಾಷನ್‌ ಸ್ಟೇಟ್‌ಮೆಂಟ್‌ ಬದಲಿಸಿಕೊಳ್ಳಿ ಎನ್ನುತ್ತಾರೆ ಸ್ಟೈಲಿಸ್ಟ್‌ ಕಾವ್ಯ. ಅವರ ಪ್ರಕಾರ, ಮದುವೆ ಮನೆ ಎಂದಾಕ್ಷಣ ಎಲ್ಲಾ ಮದುವೆಗೂ ಒಂದೇ ರೀತಿಯಲ್ಲಿ ಹೋಗಬೇಕಾಗಿಲ್ಲ. ಒಂದೊಂದು ಮದುವೆಗೂ ಆಯಾ ಮದುವೆಯ ಥೀಮ್‌ಗೆ ತಕ್ಕಂತೆ, ಇಲ್ಲವೇ ಸ್ಟೇಟಸ್‌ಗೆ ತಕ್ಕಂತೆ ತೆರಳಬಹುದು ಎನ್ನುತ್ತಾರೆ ಅವರು.

ಮನೆಯ ಮದುವೆ ಅಥವಾ ಫ್ಯಾಮಿಲಿ ಸದಸ್ಯರ ಮದುವೆಯಾದಲ್ಲಿ ಗ್ರ್ಯಾಂಡ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳುವುದು ಅಗತ್ಯ. ಕೊಂಚ ಟ್ರೆಂಡಿಯಾಗಿ ಕಾಣಿಸುವುದು ಅವಶ್ಯ. ಅವಿವಾಹಿತ ಹುಡುಗಿಯರಾದಲ್ಲಿ ಎಥ್ನಿಕ್‌ನಲ್ಲೆ ಮಾಡರ್ನ್‌ ಲುಕ್‌ ನೀಡುವ ಗೌನ್‌, ಲೆಹೆಂಗಾ, ಗಾಗ್ರ ಹಾಗೂ ರೆಡಿಮೇಡ್‌ ಸೀರೆ ಧರಿಸಬಹುದು. ಇನ್ನು ವಿವಾಹಿತ ಮಹಿಳೆಯರು ಅವರ ವಯಸ್ಸಿಗೆ ಅನುಗುಣವಾಗಿ ಆಯ್ಕೆ ಮಾಡಿಕೊಳ್ಳಬಹುದು. ಕೊಂಚ ಮಾಡರ್ನ್‌ ಮಹಿಳೆಯಾದಲ್ಲಿ ಟೂ ಪೀಸ್‌ ಲೆಹೆಂಗಾ ಹಾಗೂ ಗೌನ್‌ ಧರಿಸಬಹುದು. ವಯಸ್ಸಾದ ಮಹಿಳೆಯರು ನಾನಾ ಬಗೆಯ ಡಿಸೈನರ್‌ ಸಿಲ್ಕ್‌ ಸೀರೆಗಳನ್ನು ಉಡಬಹುದು.

ಸ್ನೇಹಿತರ ಮದುವೆಯಲ್ಲಿ...

ಸ್ನೇಹಿತರ ಮದುವೆಯಲ್ಲೂ ಆಕರ್ಷಕವಾಗಿ ಕಾಣುವುದು ಇಂದಿನ ಯುವಕ-ಯುವತಿಯರ ಆಸೆ. ಇದು ಅವರಿಗೆ ಮಾತ್ರ ಸೀಮಿತವಾಗಿಲ್ಲ. ಎಲ್ಲಾ ವಯಸ್ಸಿನವರೂ ಕೂಡ ಇತ್ತೀಚೆಗೆ ಇದನ್ನೇ ಬಯಸುತ್ತಿದ್ದಾರೆ. ತೀರಾ ಆತ್ಮಿಯ ಸ್ನೇಹಿತರಾದಲ್ಲಿ ಆದಷ್ಟೂ ಗ್ರ್ಯಾಂಡ್‌ ಡಿಸೈನರ್‌ವೇರ್‌ ಧರಿಸಬಹುದು. ಇಲ್ಲವಾದಲ್ಲಿ ಜುವೆಲ್‌ಗಳನ್ನು ಕಡಿಮೆಗೊಳಿಸಿ ಡಿಸೈನರ್‌ವೇರ್‌ ಧರಿಸಬಹುದು. ಒಟ್ಟಾರೆ, ಮದುಮಗ ಹಾಗೂ ಮದುಮಗಳಿಗಿಂತ ಗ್ರ್ಯಾಂಡಾಗಿರಬಾರದು ಎನ್ನುತ್ತಾರೆ ಡಿಸೈನರ್ಸ್‌

ಮದುವೆ ಮನೆಯಲ್ಲಿ ಮಕ್ಕಳ ಕಲರವ

ಇನ್ನು ಮಕ್ಕಳಿಗೆ ಹೇಗೆ ಬೇಕೋ ಹಾಗೆ ಉಡುಪನ್ನು ಹಾಕಿ ಸುಮ್ಮನಾಗುವಂತಿಲ್ಲ. ಯಾಕೆಂದರೆ, ಮಕ್ಕಳಿಗೆ ನಾನಾ ಬಗೆಯ ಫ್ಯಾಷನೆಬಲ್‌ ಉಡುಪುಗಳು ಮಾರುಕಟ್ಟೆಗೆ ಕಾಲಿಟ್ಟಿವೆ. ಹುಡುಗಿಯರಿಗೆ ಏಂಜೆಲ್‌ ಫ್ರಾಕ್‌, ಸಿಂಡ್ರೆಲಾ ಗೌನ್‌, ಬಲೂನ್‌ ಟಾಪ್‌, ಶಾರ್ಟ್ಸ್ ಹೀಗೆ ನಾನಾ ಶೈಲಿಯದ್ದು ಲಭ್ಯ. ಹುಡುಗರಿಗೂ ಅಷ್ಟೇ ಶೆರ್ವಾನಿ ಹಾಗೂ ಎಥ್ನಿಕ್‌ ಸೂಟ್‌ಗಳು ಆಕರ್ಷಕವಾಗಿ ಕಾಣುತ್ತವೆ. ಕ್ರಿಸ್‌ ಕ್ರಾಸ್‌ ಬಟನ್ಸ್‌ ಇರುವಂತಹ ಕುರ್ತಾ ಟಾಪ್‌ಗಳು ಚೆನ್ನಾಗಿ ಕಾಣುತ್ತವೆ.

-------------

ಬಾಕ್ಸ್‌

ಪುರುಷರ ಔಟ್‌ಲುಕ್‌

ಜವಾಬ್ದಾರಿಯ ಕೆಲಸ ಹೊಂದಿರುವ ಹುಡುಗರು ಕೂಡ ಮದುವೆ ಮನೆಯಲ್ಲಿ ನೋಡಲು ಚೆನ್ನಾಗಿ ಕಂಡರೇ ಚೆನ್ನ ಎನ್ನುತ್ತಾರೆ ಮಾಡೆಲ್‌ ಕಮ್‌ ನಟ ರಾಜೇಶ್‌. ಅವರ ಪ್ರಕಾರ, ಮದುವೆಯಾಗದ ಹುಡುಗರು ಆದಷ್ಟೂ ಇಂದು ಹೆಚ್ಚು ಟ್ರೆಂಡಿಯಾಗಿರುವ ಲಾಂಗ್‌ ಶೆರ್ವಾನಿ, ಶೈನಿಂಗ್‌ ಕುರ್ತಾ, ಕಾಲರ್‌ ಬ್ಲೇಝರ್‌, ಸ್ಪ್ರೇಟ್‌ ಕಟ್‌ ಪ್ಯಾಂಟ್ಸ್‌, ಇಲ್ಲವೇ ಹಾರೆಮ್‌ ಪ್ಯಾಂಟ್ಸ್‌ ಅಥವಾ ಪಟಿಯಾಲಕ್ಕೆ ಮ್ಯಾಚ್‌ ಆಗುವ ಡಿಸೈನರ್‌ ಕುರ್ತಾಗಳನ್ನು ಆಯ್ಕೆ ಮಾಡಿಕೊಳ್ಳಬೇಕು. ಮದುವೆಯಾದ ಪುರುಷರು ಕೂಡ ಫಿಟ್‌ ಆ್ಯಂಡ್‌ ಫೈನ್‌ ಆಗಿದ್ದಲ್ಲಿ ಇವನ್ನೇ ಧರಿಸಬಹುದು. ಕೊಂಚ ಪ್ಲಂಪಿಯಾಗಿರುವ ಪುರುಷರು ಆದಷ್ಟೂ ಹೊಟ್ಟೆ ಕಾಣುವಂತಹ ಡಿಸೈನರ್‌ವೇರ್‌ಗೆ ಮೊರೆ ಹೋಗಬಾರದು ಎಂದು ಸಲಹೆ ನೀಡುತ್ತಾರೆ.

-------------------

ಸಿಂಗಾರಕ್ಕೆ ಪ್ರಾಮುಖ್ಯತೆ

ಗ್ರ್ಯಾಂಡ್‌ಲುಕ್‌ಗೆ ಆದ್ಯತೆ ನೀಡಿ. ಹೇರ್‌ಸ್ಟೈಲ್‌ಗೂ ಪ್ರಾಮುಖ್ಯತೆ ನೀಡಿ. ಧರಿಸುವ ಜುವೆಲ್‌ ಡಿಸೈನರ್‌ವೇರ್‌ಗೆ ಮ್ಯಾಚ್‌ ಆಗಬೇಕು. ಮದುವೆ ಮನೆಯ ಸೆಂಟರ್‌ ಆಫ್‌ ಅಟ್ರಾಕ್ಷನ್‌ ನೀವಾಗಲು ಯತ್ನಿಸಿ.

----------------------

ಮದುವೆ ಮನೆ ಕೂಡ ಫ್ಯಾಷನ್‌ ರಾರ‍ಯಂಪ್‌ ಇದ್ದಂತೆ. ಪ್ರತಿಯೊಬ್ಬರ ಉಡುಪುಗಳನ್ನು ನೋಡುವುದೇ ಒಂದು ಬಗೆಯ ಆನಂದ.

- ಪರಿ, ಡಿಸೈನರ್‌-----------------

- ಶೀಲಾ ಸಿ. ಶೆಟ್ಟಿ

ಇಂದು ರಾಯಲ್‌ ವೆಡ್ಡಿಂಗ್‌ ಡೆಕೋರೇಷನ್‌ ಟ್ರೆಂಡಿಯಾಗಿದೆ.

ರಾಯಲ್‌ ವೆಡ್ಡಿಂಗ್‌ ಕೇವಲ ಗಣ್ಯರ ಹಾಗೂ ಶ್ರೀಮಂತರ ಡೆಕೋರೇಷನ್‌ ಕಾನ್ಸೆಪ್ಟ್‌ ಆಗಿಲ್ಲ, ಬದಲಿಗೆ ಬಜೆಟ್‌ಗೆ ತಕ್ಕಂತೆ ರಾಯಲ್‌ ಥೀಮ್‌ ಆರೆಂಜ್‌ ಮಾಡುವ ವ್ಯವಸ್ಥೆ ಪರಿಚಿತಗೊಂಡಿವೆ. ಕಾಸಿಗೆ ತಕ್ಕ ಕಜ್ಜಾಯ ಎಂಬಂತೆ, ಆಯಾ ಬಜೆಟ್‌ಗೆ ತಕ್ಕಂತೆ ಗುಣಮಟ್ಟದ ಇಲ್ಲವೇ ಬಜೆಟ್‌ ಫ್ರೆಂಡ್ಲಿ ರಾಯಲ್‌ ವೆಡ್ಡಿಂಗ್‌ ಡೆಕೋರೇಷನ್‌ ಕಾನ್ಸೆಪ್ಟ್‌ ಪ್ರಚಲಿತದಲ್ಲಿವೆ.

'ಮದುವೆ ಮನೆಯ ಸಿಂಗಾರ ಇಂದು ಎಲ್ಲರನ್ನು ಆಕರ್ಷಿಸುವ ತಂತ್ರ ಮಾತ್ರವಲ್ಲ, ಟ್ರೆಂಡಿಯಾಗಿದೆ. ನಾನಾ ಬಗೆಯ ಡೆಕೋರೇಷನ್‌ಗಳು ಕಾಲಿಟ್ಟಿದ್ದು, ಅವುಗಳಲ್ಲಿ ಈ ಕೆಳಗಿನವು ಹೆಚ್ಚು ಬೇಡಿಕೆಯಲ್ಲಿದೆ.

ಔಟರ್‌ ರಾಯಲ್‌ ಲುಕ್‌

ಔಟರ್‌ ರಾಯಲ್‌ ಲುಕ್‌ ಡೆಕೋರೇಷನ್‌ ಇಂದು ಅತಿ ಹೆಚ್ಚು ಮದುವೆಗಳಲ್ಲಿ ಕಾಮನ್‌ ಆಗುತ್ತಿದೆ. ನೋಡಲು ವೈಭವವನ್ನು ಎತ್ತಿ ಹಿಡಿಯುವ ಅಲಂಕಾರಗಳು ಶ್ರೀಮಂತರನ್ನು ಮಾತ್ರವಲ್ಲ, ಸಾಮಾನ್ಯ ಮದುವೆಗಳಲ್ಲೂ ಸಾಮಾನ್ಯವಾಗತೊಡಗಿದೆ. ರಾಜ ಮಹಾರಾಜರ ಗತಕಾಲದ ವೈಭವವನ್ನು ನೆನಪಿಸುವ ಕಂಬಗಳು, ಗೋಡೆಗಳು ಕಲಾತ್ಮಕವಾಗಿ ಕಾಣುತ್ತವಲ್ಲದೆ, ನೋಡಲು ಆಕರ್ಷಕವಾಗಿ ಕಾಣುತ್ತವೆ.

ಆಕರ್ಷಕ ್ಟ ರಾಯಲ್‌ ಲೈಟಿಂಗ್ಸ್‌/ಹ್ಯಾಂಗಿಂಗ್ಸ್‌

ನೋಡಲು ಸ್ವರ್ಗದಂತೆ ಕಾಣುವ ವೈಟ್‌ ಹಾಗೂ ಕ್ರೀಮ್‌ ವರ್ಣದ ಮಲ್ಟಿಪಲ್‌ ರಾಯಲ್‌ ಲುಕ್‌ ನೀಡುವ ಲೈಟಿಂಗ್ಸ್‌ ಬ್ಯಾಕ್‌ಗ್ರೌಂಡ್‌ ಡೆಕೋರೇಷನ್‌ಗೆ ಸುಂದರವಾಗಿ ಕಾಣುತ್ತವೆ. ಇಂದು ನಾನಾ ಬಗೆಯ ಹ್ಯಾಂಗಿಂಗ್ಸ್‌ ಲೈಟಿಂಗ್ಸ್‌ ಹೆಚ್ಚು ಶೇಡ್‌ ಹಾಗೂ ವರ್ಣಗಳಲ್ಲಿ ದೊರೆಯುತ್ತವೆ. ಆಯಾ ಸ್ಟೇಜ್‌ನ ಆಕಾರ ಹಾಗೂ ವಿಸ್ತೀರ್ಣಕ್ಕೆ ತಕ್ಕಂತೆ ಇವನ್ನು ಬಳಸಬಹುದು. ಇನ್ನು ಒಳ ದಾರಿಯುದ್ದಕ್ಕೂ ಥೀಮ್‌ ಲೈಟಿಂಗ್ಸ್‌ ಹಾಗೂ ಹ್ಯಾಂಗಿಂಗ್‌ ಲೈಟ್‌ಗಳನ್ನು ಬಳಸಬಹುದು.

ಗ್ರ್ಯಾಂಡ್‌ ಫ್ಲವರ್‌ ಡೆಕೋರೇಷನ್‌

ಹಿಂದಿನ ದಿನಗಳಲ್ಲಿ ಹೂಗಳ ಅಲಂಕಾರದಂತೆ ಜೋಡಿಸುವ ಕಾಲ ಈಗಿಲ್ಲ. ಅಪರೂಪದ ಹೂವುಗಳ ಅಲಂಕಾರ ಹಾಗೂ ವಿದೇಶಿ ಹೂಗಳನ್ನು ಬೆರಕೆ ಮಾಡಿ ಮಾಡುವ ರಾಯಲ್‌ ಅಲಂಕಾರ ಹೆಚ್ಚು ಟ್ರೆಂಡ್‌ನಲ್ಲಿದೆ. ಥೀಮ್‌ ಪ್ರಕಾರ ಕಲರ್‌ಫುಟ್‌ ವರ್ಣಗಳ ಹೂವಿನ ಜೋಡಣೆ ಕೂಡ ಇಂದು ಪ್ರಾಮುಖ್ಯತೆ ಪಡೆಯುತ್ತಿದೆ. ಇದರೊಂದಿಗೆ ಮಿಕ್ಸ್‌ ಮ್ಯಾಚ್‌ ಆರ್ಟಿಫಿಷಿಯಲ್‌ ಹೂಗಳ ಡ್ರೆಫ್ಸ್‌ ಕೂಡ ಎಲ್ಲರ ಮನ ಸೆಳೆಯುವಂತಹ ವಿನ್ಯಾಸದಲ್ಲಿ ತೂಗು ಹಾಕುವುದು ಇಂದಿನ ರಾಯಲ್‌ ಟ್ರೆಂಡ್‌ನಲ್ಲೊಂದು.

ಡ್ರಾಮಾಟಿಕ್‌ ಸ್ಯಾಟೀನ್‌ ಡ್ರೆಫ್ಸ್‌

ರಾಜರ ಅರಮನೆಯಲ್ಲಿದ್ದಂತೆ ಬೃಹತ್ತಾದ ಸ್ಯಾಟೀನ್‌ ಸ್ಕ್ರೀನ್‌ಗಳನ್ನು ಇಳೆ ಬಿಡುವುದು ಇಂದಿನ ಮದುವೆ ಮನೆಗಳಲ್ಲಿ ಹೆಚ್ಚಾಗತೊಡಗಿದೆ. ಅದರಲ್ಲೂ ರಿಸೆಪ್ಷನ್‌ ನಡೆಯುವ ದಿನ ಸ್ಟೇಜ್‌ ಮೇಲೆ ಈ ರೀತಿಯ ಅಲಂಕಾರ ಫೋಟೋ ವಿಡೀಯೋಗಳಲ್ಲಿ ಅತ್ಯಾಕರ್ಷಕವಾಗಿ ಕಾಣುತ್ತದೆ. ಪಾಸ್ಟೆಲ್‌ ಕಲರ್‌ಗಳು ಕೂಡ ಚೆನ್ನಾಗಿ ಕಾಣುತ್ತವೆ. ಹವಮಾನಕ್ಕೆ ಹೊಂದುವ ವರ್ಣಗಳು ಡ್ರಾಮಾಟೀಕ್‌ ಇಮೇಜ್‌ ನೀಡುತ್ತವೆ. ಅದರಲ್ಲೂ ಫೇರಿ ಟೇಲ್‌ನಂತೆ ಕಾಣುವ ಥೀಮ್‌ ವೆಡ್ಡಿಂಗ್‌ ಫಂಕ್ಷನ್‌ಗಳಲ್ಲಿ ಕಾಮನ್‌ ಆಗತೊಡಗಿದೆ.

-----------------

ಬಾಕ್ಸ್‌

ಉದ್ಯಾನವನದಲ್ಲಿ ಮದುವೆ

ತನು-ಮನಕ್ಕೆ ತಂಪನ್ನೆರೆಯುವ ಗಿಡ-ಮರಗಳ ಪರಿಸರದಲ್ಲಿ ನಡೆಯುವ ಮದುವೆಗಳು ಇಂದಿನ ಟ್ರೆಂಡಿ ರಾಯಲ್‌ ಸೆಲೆಬ್ರೆಷನ್‌ನಲ್ಲಿದೆ. ಹೊರಗಿನ ವಾತವಾರಣದಲ್ಲಿ ಮದುವೆಯಾಗದಿದ್ದವರು, ಒಳಾಂಗಣದಲ್ಲೆ ಹಸಿರು ಗಿಡಗಳನ್ನು ಜೋಡಿಸಬಹುದು. ಹೂ-ಬಳ್ಳಿಗಳನ್ನು ಇರಿಸಬಹುದು. ಜೊತೆಗೆ ಗೋ ಗ್ರೀನ್‌ ಕಾನ್ಸೆಪ್ಟ್‌ಗೆ ಆದ್ಯತೆ ನೀಡಬಹುದು. ಹಸಿರು ವಾತಾವರಣ ವೆಡ್ಡಿಂಗನ್ನು ಗೋ ಗ್ರೀನ್‌ ಕಾನ್ಸೆಪ್ಟ್‌ಗೆ ಹೇಳಿ ಮಾಡಿಸಿದಂತಿರುತ್ತದೆ.

---------------------

ಪರ್ಸನಲೈಸ್ಡ್‌ ರಾಯಲ್‌ ಡೆಕೋರೇಷನ್‌

ಇಂದು ಪರ್ಸನಲೈಸ್ಡ್‌ ಡೆಕೋರೇಷನ್‌ ಕಾನ್ಸೆಪ್ಟ್‌ ಕೂಡ ಎಲ್ಲರನ್ನು ಸೆಳೆದಿದೆ. ಕಡಿಮೆ ವೆಚ್ಚದಲ್ಲಿ ಬಜೆಟ್‌ಗೆ ಸೂಟ್‌ ಆಗುವಂತೆ ವೆಡ್ಡಿಂಗ್‌ ಪ್ಲಾನ್‌ ಮಾಡುವುದು ಇದರಲ್ಲಿ ಸೇರಿದೆ. ವಧು-ವರರ ಇಚ್ಛಾನುಸಾರವನ್ನು ಇಲ್ಲಿ ಪರಿಗಣಿಸಲಾಗುತ್ತದೆ. ಆರಂಭದಿಂದಿಡಿದು ಎಲ್ಲವನ್ನು ಪರಿಗಣಿಸಿ ಡೆಕೋರೇಷನ್‌ ಮಾಡಲಾಗುತ್ತದೆ.

---------------------

ಮದುವೆ ಮನೆಯ ಡೆಕೋರೇಷನ್‌ ಇಂದು ವೆಡ್ಡಿಂಗ್‌ನ ಪ್ರಮುಖ ಭಾಗವಾಗಿದೆ. ಇದಕ್ಕಾಗಿ ಸಾಕಷ್ಟು ಖರ್ಚು ವೆಚ್ಚ ಮಾಡುತ್ತಿರುವುದು ಸಾಮಾನ್ಯವಾಗಿದೆ.

- ಪೂಜಾ , ವೆಡ್ಡಿಂಗ್‌ ಪ್ಲಾನರ್‌

- ಶ್ರೀದೇವಿ ಅಂಬೆಕಲ್ಲು

ಬೇಸಿಗೆ ಕಾಲಕ್ಕೆ ತಕ್ಕಂತೆ ಪ್ರತಿದಿನ ಸಹಜವಾಗಿಯೇ ನೀರು, ಫ್ರೆಶ್‌ ಜ್ಯೂಸ್‌ ಕುಡಿಯುತ್ತೇನೆ. ತರಹೇವಾರಿ ಹಣ್ಣು, ಸಲಾಡ್‌ಗಳನ್ನು ಸೇವಿಸುತ್ತೇನೆ. ಸಂಜೆ ಹೊತ್ತು ಹೆವ್ವಿ ಫುಡ್‌ ಸೇವಿಸುವುದಿಲ್ಲ. ಮನೆಯಲ್ಲಿ ಅಮ್ಮ ಮಾಡಿದ ಆಹಾರವನ್ನೇ ಹೆಚ್ಚಾಗಿ ಸೇವಿಸುತ್ತೇನೆ. ಹೊರಗಡೆ ಫುಡ್‌ ಅಷ್ಟಕಷ್ಟೇ. ಶೂಟಿಂಗ್‌ ಸಂದರ್ಭದಲ್ಲಿಯೂ ಮಜ್ಜಿಗೆ, ನೀರು, ನಿಂಬೆಹಣ್ಣಿನ ಜ್ಯೂಸ್‌, ಹಣ್ಣಿನ ರಸವನ್ನೇ ಹೆಚ್ಚಾಗಿ ಕುಡಿಯುತ್ತೇನೆ. ಪ್ರತಿದಿನ ಒಂದು ಬಾಟಲ್‌ ಮಜ್ಜಿಗೆ ಜತೆಯಲ್ಲಿ ಇದ್ದೇ ಇರುತ್ತದೆ. ಹೆಚ್ಚಾಗಿ ಲಿಕ್ವಿಡ್‌ ಫುಡ್‌ಗೆ ಪ್ರಾಮುಖ್ಯತೆ ನೀಡುತ್ತೇನೆ.

ಡಯೆಟ್‌ ಮಾಡುವುದಿಲ್ಲ. ಸಿನಿಮಾಗಳಲ್ಲಿ ನಟಿಸುವಾಗ ಆಯಾ ಪಾತ್ರಕ್ಕೆ ತಕ್ಕಂತೆ ಪರ್ಸನಾಲಿಟಿ ಇರಬೇಕಾಗುತ್ತದೆ. ಕೆಲವು ಚಿತ್ರಗಳಿಗೆ ಸ್ಲಿಮ್‌ ಆಗಿರಬೇಕು, ಇನ್ನು ಕೆಲವು ಚಿತ್ರಗಳಿಗೆ ಬಬ್ಲಿ ಪಾತ್ರ ಬೇಕಿರುತ್ತದೆ. ಅದಕ್ಕನುಗುಣವಾಗಿ ಆಹಾರ ಸೇವನೆ ಮಾಡುತ್ತೇನೆ.

ಬೇಸಿಗೆ ವರ್ಕೌಟ್‌

ಬೇಸಿಗೆಯಲ್ಲಿ ಸರಿಯಾಗಿ ವರ್ಕೌಟ್‌ ಮಾಡುತ್ತೇನೆ. ಆ ಮೂಲಕ ದೇಹದ ಸಮತೋಲನ ಕಾಯ್ದುಕೊಳ್ಳುತ್ತೇನೆ. ಪ್ರತಿದಿನ ಬೆಳಗ್ಗೆ ಇಲ್ಲವೇ ಸಂಜೆ ಹೊತ್ತು ಜಿಮ್‌ಗೆ ಹೋಗುತ್ತೇನೆ. ಕಾಲೇಜಿಗೂ ಹೋಗುವುದರಿಂದ ಹೆಚ್ಚಾಗಿ ಸಂಜೆಯೇ ಜಿಮ್‌ಗೆ ಹೋಗುತ್ತೇನೆ. ಪ್ರತಿದಿನ ಹದಿನೈದು ನಿಮಿಷ ಥ್ರೆಡ್‌ಮಿಲ್‌ ಮಾಡುತ್ತೇನೆ.

ಬ್ಯೂಟಿ ಸೀಕ್ರೇಟ್‌ ಅಂತದ್ದೇನೂ ಇಲ್ಲ. ಮನೆಯಲ್ಲಿ ಅಮ್ಮ ಮಾಡಿದ ಕಡಲೆಹಿಟ್ಟು, ಹಾಲಿನ ಕೆನೆ, ಅರಿಶಿಣವನ್ನು ವಾರಕ್ಕೊಮ್ಮೆ ಮುಖಕ್ಕೆ ಹಚ್ಚಿಕೊಳ್ಳುತ್ತೇನೆ. ನೀರು ಚೆನ್ನಾಗಿ ಕುಡಿಯುತ್ತೇನೆ. ನೀರು, ತರಕಾರಿ, ಹಣ್ಣುಗಳು ಹಾಗೂ ತರಕಾರಿ ಸೇವಿಸುವುದರಿಂದ ಆರೋಗ್ಯಕ್ಕೂ ಒಳ್ಳೆಯದು, ತ್ವಚೆಯ ಸೌಂದರ್ಯವನ್ನೂ ಕಾಪಾಡಿಕೊಳ್ಳಬಹುದು.

-ಲವಲವಿಕೆಸುದ್ದಿಲೋಕ

ಮಾವಿನ ಹಣ್ಣಿನ ಸುವಾಸನೆ, ಬಣ್ಣ ಹಾಗೂ ರುಚಿಗೆ ಮಾರುಹೋಗದವರೇ ಇಲ್ಲ. ಮಕ್ಕಳಿಂದ ವಯಸ್ಕರವರೆಗೂ ಎಲ್ಲರೂ ಬಹಳ ಇಷ್ಟಪಡುವ ಮಾವಿನ ಹಣ್ಣಿನಲ್ಲಿ ಬಹಳಷ್ಟು ಔಷಧೀಯ ಗುಣಗಳಿವೆ.

ಇದರಲ್ಲಿ ವಿಟಮಿನ್‌ ಸಿ ಹೇರಳವಾಗಿದೆ. ನಾರಿನಂಶ (ಫೈಬರ್‌) ಹೆಚ್ಚಾಗಿದೆ. ನೀರಿನಂಶ ಕೂಡಾ ಇದೆ. ಅನೇಕ ಖನಿಜಾಂಶಗಳಿವೆ. ಉತ್ತಮ ಜೀರ್ಣಕಾರಕವೂ ಹೌದು.

ಹೀಗೆ ರುಚಿಕರ ಹಾಗೂ ಆರೋಗ್ಯಕರವಾದ ಮಾವಿನ ಹಣ್ಣನ್ನು ಎಷ್ಟು ಚೆನ್ನಾಗಿ ಆರಿಸಿ ತಂದರೂ ಕೆಲವೊಂದು ಬಹಳ ಹುಳಿಯಾಗಿರುತ್ತದೆ. ಆಗ ಅದನ್ನು ತಿನ್ನಲೂ ಆಗದೆ ಎಸೆಯಲೂ ಆಗದೆ ಬಹಳಷ್ಟು ಜನ ಗೊಂದಲಕ್ಕೀಡಾಗುತ್ತಾರೆ. ಹುಳಿಮಾವಿನ ಹಣ್ಣಿನಲ್ಲಿ ಹೇರಳವಾಗಿ ವಿಟಮಿನ್‌ ಸಿ ಹಾಗೂ ಎಎಚ್‌ಎ ಮತ್ತು ಅಸ್ಟ್ರಿಜಂಟ್‌ ಇರುವುದರಿಂದ ಇದನ್ನು ಸೌಂದರ್ಯವರ್ಧಕವಾಗಿ ಮತ್ತು ನುಣ್ಣಗೆ ಅರೆದು ತಲೆಹೊಟ್ಟಿಗೆ ಔಷಧವಾಗಿಯೂ ಉಪಯೋಗಿಸಬಹುದು.

ಹುಳಿಮಾವಿನ ಹಣ್ಣನ್ನು ಉಪಯೋಗಿಸುವ ವಿಧಾನ ಇಲ್ಲಿದೆ.

*ಮಾವಿನ ಹಣ್ಣಿನ ಗೊರಟನ್ನು ಸ್ನಾನ ಮಾಡುವಾಗ ಮೈ ಉಜ್ಜಲು ಬಳಸಿದರೆ ಅನೇಕ ಚರ್ಮ ರೋಗ ನಿವಾರಣೆಯಾಗುತ್ತದೆ ಹಾಗೂ ಬೆವರಿನ ವಾಸನೆಯೂ ಕಡಿಮೆಯಾಗುತ್ತದೆ.

* ಮಾವಿನ ಹಣ್ಣನ್ನು ಮರದಿಂದ ಕಿತ್ತ ತಕ್ಷಣ ಬರುವ ಅಂಟು ದ್ರವವನ್ನು ಗಜಕರ್ಣ ಹಾಗೂ ಇಸುಬಿಗೆ ಔಷಧಿಯಾಗಿ ಬಳಸಬಹುದು. ಕತ್ತಿನ ಸುತ್ತಲು ಇರುವ ಕಪ್ಪು ಕಲೆಯನ್ನು ಹೋಗಲಾಡಿಸಲು ಹುಳಿ ಮಾವಿನ ಹಣ್ಣಿನ ಗೊರಟಿಗೆ ಸ್ವಲ್ಪ ಉಪ್ಪು ಹಚ್ಚಿ ಲಘುವಾಗಿ ಗೊರಟಿನಿಂದ ಮಸಾಜ್‌ ಮಾಡಿದಲ್ಲಿ ಸಮಸ್ಯೆ ನಿವಾರಣೆಯಾಗುತ್ತದೆ.

* ಮೊಣಕೈ ಹಾಗೂ ಕಾಲಿನ ಮಂಡಿಯ ಬಳಿ ಕಪ್ಪು ಕಲೆ ಹಾಗೂ ಚರ್ಮ ಒರಟಾಗಿದ್ದರೆ ಹುಳಿ ಮಾವಿನ ತಿರುಳಿಗೆ ಸ್ವಲ್ಪ ಬೆಣ್ಣೆ ಸೇರಿಸಿ ಮಸಾಜ್‌ ಮಾಡಿ ನೋಡಿ.

* ಮಕ್ಕಳಲ್ಲಿ ಕಾಡುವ ತುರಿಕೆಗೆ ಹುಳಿ ಮಾವಿನ ರಸವನ್ನು ಲೇಪಿಸುವುದರಿಂದ ಉತ್ತಮ ಫಲ ದೊರೆಯುತ್ತದೆ.

* ಕೇವಲ ಹುಳಿ ಮಾವಿನ ರಸ ಮತ್ತು ಗೊರಟಲ್ಲ. ಇದನ್ನು ಬೇಯಿಸಿ ಕೂಡ ಚರ್ಮ ಹಾಗೂ ಕೂದಲಿಗೆ ಲೇಪಿಸಬಹುದು. ಇದರಿಂದ ಚರ್ಮ ಹಾಗೂ ಕೂದಲು ನಯವಾಗುತ್ತದೆ.

* ತಲೆಯಲ್ಲಿ ಹೊಟ್ಟು ಅಥವಾ ತುರಿಕೆ ಇದ್ದಂತೆ ಬೇಯಿಸಿದ ಹುಳಿ ಮಾವಿನ ಹಣ್ಣಿಗೆ ಸ್ವಲ್ಪ ಸೀಗೆಕಾಯಿ ಹಾಗೂ ನೆಲ್ಲಿಕಾಯಿ ಪುಡಿಯನ್ನು ಬೆರೆಸಿ ಕೂದಲಿನ ಬುಡಕ್ಕೆ ಹಚ್ಚಿ 15 ನಿಮಿಷದ ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ. ಇನ್ನು ಬೇಸಿಗೆಯಲ್ಲಿ ಕೂದಲು ಕಳಾಹೀನವಾಗಿ, ಅಂಟಿಕೊಂಡಂತಿದ್ದರೆ ಹುಳಿ ಮಾವಿನ ರಸಕ್ಕೆ ಸ್ವಲ್ಪ ಮುಲ್ತಾನಿ ಮಿಟ್ಟಿ ಹಾಗೂ ಮೊಸರನ್ನು ಬೆರೆಸಿ ಕೂದಲಿಗೆ ಹಚ್ಚಿ.

* ಕೇವಲ ಚರ್ಮಕ್ಕೆ ಮಾತ್ರವಲ್ಲ, ಮಾವಿನ ಸೇವನೆಯಿಂದ ರಕ್ತಹೀನತೆ, ರೋಗ ನಿರೋಧಕ ಶಕ್ತಿ, ಜೀರ್ಣಶಕ್ತಿ, ಮಲಬದ್ಧತೆ ಹೀಗೆ ಇನ್ನೂ ಅನೇಕ ರೋಗಗಳಿಗೆ ಪರಿಹಾರ ಕಾಣಬಹುದು.

- ಶೀಲಾ ಸಿ. ಶೆಟ್ಟಿ

ಫಾಲೋ ಮಿ ಟು ಟ್ರೆಂಡ್‌ ಇಂದು ಟ್ರಾವೆಲ್‌ ಪ್ರಿಯ ಹುಡುಗಿಯರ ಕ್ರೇಝ್‌ನಲ್ಲಿ ಸೇರಿದೆ.

ತಾವು ಭೇಟಿ ನೀಡುವ ಸ್ಥಳದಲ್ಲಿ ಹಿಂಬದಿ ಪೋಸ್‌ನಲ್ಲಿ, ಸ್ಥಳವನ್ನು ಮಾತ್ರ ಹೈಲೈಟ್‌ ಮಾಡುವ ಈ ಫೋಟೋ ಕ್ರೇಝ್‌ ಇದೀಗ ಟ್ರಾವೆಲ್‌ ಬ್ಲಾಗ್‌ಗಳಿಂದ ಸೋಷಿಯಲ್‌ ಮೀಡಿಯಾಗೆ ದಾಳಿ ಇಟ್ಟಿವೆ. ಪೊಫೆಷನಲ್‌ ಕ್ಯಾಮರಾದಿಂದ ಮೊಬೈಲ್‌ ಕ್ಯಾಮರಾಗೆ ಈ ಟ್ರೆಂಡ್‌ ಶಿಫ್ಟ್‌ ಆಗಿದೆ.

ಏನಿದು ಫಾಲೋ ಮೀ ಟು ಫೋಟೋ ಕ್ರೇಝ್‌

'ಫಾಲೋ ಮೀ ಟು' ಕಾನ್ಸೆಪ್ಟ್‌ನ ಫೋಟೋಗಳಲ್ಲಿ ಯಾವುದೇ ಕಾರಣಕ್ಕೂ ಮುಖ ಕಾಣುವುದಿಲ್ಲ. ಮುಂದೆ ಭೇಟಿ ನೀಡಿರುವ ಸ್ಥಳ ಹಾಗೂ ಹಿಂಬದಿಯಲ್ಲಿ ಸಂಗಾತಿಯ ಇಲ್ಲವೇ ಸ್ನೇಹಿತನ ಕೈ ಹಿಡಿದ ಬೆನ್ನಿನ ಭಾಗ ಮಾತ್ರ ಕಂಡು ಬರುತ್ತದೆ. ಅಂದಹಾಗೆ, ಈ ಟ್ರೆಂಡ್‌ನಲ್ಲಿ ಬ್ಯಾಕ್‌ ಗ್ರೌಂಡ್‌ನಲ್ಲಿರುವ ಕೈ ಹಿಡಿದ ಹುಡುಗನೇ ಫೋಟೋ ಕ್ಲಿಕ್ಕಿಸುವುದು ವಿಶೇಷವಂತೆ. ಮುಖಾರವಿಂದಕ್ಕೆ ಇಲ್ಲಿ ಪ್ರಾಮುಖ್ಯತೆ ಇಲ್ಲ ಎನ್ನುತ್ತಾರೆ ಟ್ರೆಂಡ್‌ ಫಾಲ ಮಾಡುವವರು.

ಟ್ರೆಂಡ್‌ ಹುಟ್ಟು ಹಾಕಿದ ತೈವಾನೀಸ್‌

ಅಂದ ಹಾಗೆ, ಈ ಟ್ರೆಂಡ್‌ ನಮ್ಮಲ್ಲಿ ಕಳೆದ ಸಾಲಿನಲ್ಲಿ ಆರಂಭವಾಗಿ ನಿಧಾನಗತಿಯಲ್ಲಿ ಸಾಮಾನ್ಯ ಜನರನ್ನು ಸೆಳೆಯುತ್ತಿದೆ. ಪ್ರಯೋಗ ಮಾಡುವತ್ತ ಆಕರ್ಷಿಸಿದೆ. ಆದರೆ, ಈ ಟ್ರೆಂಡನ್ನು ಪ್ರಪಂಚದಾದ್ಯಂತ ತಿರುಗಿ ಹುಟ್ಟು ಹಾಕಿದವರು ತೈವಾನ್‌ನವರು. ತೈವಾನ್‌ನ ಜೋಡಿ ಪ್ರಪಂಚಾದಾದ್ಯಂತ ಟ್ರಾವೆಲ್‌ ಮಾಡುತ್ತಾ ಈಜಿಪ್ಟ್‌ ಸೇರಿದಂತೆ ನಾನಾ ಕಡೆ ತಿರುಗಿ ಅಲ್ಲಿಗೆ ವಿಸಿಟ್‌ ಹಾಕುತ್ತಿರುವಂತೆ ಕ್ಲಿಕ್ಕಿಸಿದ ಫೋಟೋ ಆಗಲೇ ಹೆಚ್ಚು ಹರಿದಾಡಿದ್ದವು. ಅದನ್ನು ನೋಡಿದ ಫೋಟೋ ಕ್ರೇಝ್‌ ಇರುವ ಟ್ರಾವೆಲ್‌ ಮಾಡುವ ಹುಡುಗಿಯರು ತಾವು ಕೂಡ ಇಂತಹದ್ದೇ ಫೋಟೋಗಳನ್ನು ಕ್ಲಿಕ್ಕಿಸಿ ತಮ್ಮ ಟ್ರಾವೆಲ್‌ ಬ್ಲಾಗ್‌ ಹಾಗೂ ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಡೇಟ್‌ ಮಾಡತೊಡಗಿದರು. ನಿಧಾನಗತಿಯಲ್ಲಿ ಆರಂಭವಾದ ಈ ಕ್ರೇಝ್‌ ಇದೀಗ ಚಿಕ್ಕ ಪುಟ್ಟ ಹಿಸ್ಟಾರಿಕಲ್‌ ಸ್ಥಳಗಳು ಹಾಗೂ ಟ್ರಾವೆಲ್‌ ಸ್ಪಾಟ್‌ಗಳಲ್ಲೂ ತೆಗೆಯುವ ಕ್ರೇಝ್‌ ಹುಟ್ಟು ಹಾಕುವ ಮಟ್ಟಿಗೆ ಬೆಳೆದಿದೆ.

ಸೋಷಿಯಲ್‌ ಮೀಡಿಯಾದಲ್ಲಿ ಟ್ರಾವೆಲ್‌ ಲವರ್ಸ್‌ ಪ್ರೇಮ

ಮೊದಲೆಲ್ಲಾ ಕೇವಲ ಟ್ರಾವೆಲ್‌ ಬ್ಲಾಗ್‌ಗಳಲ್ಲಿ ಕಾಣಬಹುದಾಗಿದ್ದ ಈ ಬಗೆಯ ಫೋಟೋಗಳು, ಇದೀಗ ಸೋಷಿಯಲ್‌ ಮೀಡಿಯಾದಲ್ಲೂ ಹರಿದಾಡತೊಡಗಿವೆ. ಇಂದು ಅತಿ ಹೆಚ್ಚು ಟ್ರಾವೆಲ್‌ ಫೋಟೋಗಳು ಇನ್ಸ್‌ಟಾಗ್ರಾಮ್‌ನಲ್ಲಿ ಹರಿದಾಡುತ್ತಿದೆ. ಇಂದು ಮೊಬೈಲ್‌ನಲ್ಲಿ ಸೆಲ್ಫಿ ಅಪ್ಷನ್‌ಗಳು ಹೆಚ್ಚಾದಂತೆ ಇಂತಹ ಫೋಟೋಗಳನ್ನು ಕ್ಲಿಕ್ಕಿಸುವವರು ಅಧಿಕವಾಗಿದ್ದಾರೆ. ನಾನಾ ಟೆಕ್ನಿಕ್‌ಗಳಲ್ಲಿ ಫೋಟೋ ತೆಗೆಯುವವರಲ್ಲಿ ಸಾಮಾನ್ಯರು ಸೇರಿದ್ದಾರೆ.

ಫೋಟೋಗ್ರಾಫರ್‌ ವ್ಯೂ

ಎಲ್ಲರೂ ಪಕ್ಕಾ ಫೋಟೋಗ್ರಾಫರ್‌ಗಳಂತೆ ಕ್ಲಿಕ್ಕಿಸಲು ಸಾಧ್ಯವಿಲ್ಲ. ಆದರೂ ಮೊಬೈಲ್‌ನಲ್ಲೆ ಕ್ಲಿಕ್ಕಿಸತೊಡಗಿದ್ದಾರೆ. ಇದಕ್ಕಾಗಿ ಆನ್‌ಲೈನ್‌ನಲ್ಲೆ ಫೋಟೋಗ್ರಾಫಿ ಟುಟೋರಿಯಲ್‌ ಕೂಡ ನೋಡುತ್ತಾರಂತೆ.

----------------

ಫಾಲೋ ಮಿ ಫೋಟೋಗಳು ಆಯಾ ಸ್ಥಳಗಳ ಪ್ರಾಮುಖ್ಯತೆಯನ್ನು ತೋರ್ಪಡಿಸುತ್ತವೆ. ಜತೆಗೆ ಟ್ರಾವೆಲ್‌ ಎಕ್ಸ್‌ಪರ್ಟ್‌ನ ಆಸಕ್ತಿಯನ್ನು ವಿವರಿಸುತ್ತವೆ.

- ಶೈನಿ ಅಲೆಕ್ಸಾಂಡರ್‌, ಸ್ಟೈಲಿಸ್ಟ್‌

----------------------

ಫೋಟೋಗ್ರಾಫಿ ಬಗ್ಗೆ ಕೊಂಚ ಜ್ಞಾನವಿದ್ದರೇ ಸಾಕು, ಎಂತಹವರು ಉತ್ತಮ ಟ್ರಾವೆಲ್‌ ಫೋಟೋಗಳನ್ನು ಕ್ಲಿಕ್ಕಿಸಬಹುದು.

ಧಿ- ಯಶಸ್ವಿ ಶಿವಾನಂದ್‌, ಫೋಟೋಗ್ರಾಫರ್‌

------------------------

ಫಾಲೋ ಮಿ ಟ್ರೆಂಡ್‌ಗೂ ಮುನ್ನ...

* ಟ್ರೆಂಡ್‌ ಬಗ್ಗೆ ತಿಳಿದುಕೊಳ್ಳಿ.

* ಸೆಕೆಂಡ್‌ ಒಪಿನಿಯನ್‌ ಇಲ್ಲದೇ ಅಪ್‌ಲೋಡ್‌ ಮಾಡಿ ಅಪಹಾಸ್ಯಕ್ಕೆ ಈಡಾಗಬೇಡಿ.

* ಫೋಟೋ ಕ್ವಾಲಿಟಿ ಚೆನ್ನಾಗಿರಲಿ

---------------------

ಟಾಪ್‌ ಬಿಟ್ಸ್‌

* ಬೇಸಿಗೆಯಲ್ಲಿ ಲಭ್ಯವಿರುವ ಸೀಸನ್‌ ಫ್ರೂಟ್‌ಗಳು ಆಯಾ ಹವಾಮಾನಕ್ಕೆ ತಕ್ಕಂತಿರುತ್ತವೆ. ಅವುಗಳನ್ನು ಸೇವಿಸುವುದು ಆರೋಗ್ಯಕ್ಕೆ ಉತ್ತಮ.

* ಬೇಸಿಗೆಯಲ್ಲಿ ಪ್ರವಾಸ ಮಾಡುವವರು ಆದಷ್ಟೂ ಡಿಹೈಡ್ರೇಷನ್‌ ಆಗದಂತೆ ಆಗಾಗ್ಗೆ ನೀರು, ತಾಜಾ ಹಣ್ಣಿನ ರಸಗಳನ್ನು ಸೇವಿಸುವುದು ಬೆಸ್ಟ್‌.

ವಯಸ್ಸಿನ ಅಂತರವಿಲ್ಲದ ಆಡಬಹುದಾದ ಬೌಲಿಂಗ್‌ ಅಲೇ ಗೇಮ್‌ ಇಂದು ಮಾಲ್‌ಗಳಲ್ಲಿ ಟೈಂಪಾಸ್‌ ಗೇಮ್‌ ಲಿಸ್ಟ್‌ಗೆ ಸೇರಿದೆ.

ಆಟವಾಡುವವರ ಹಾಗೂ ಜತೆಗಿರುವವರ ಕ್ರೇಜನ್ನು ಇದು ಹೆಚ್ಚಿಸುತ್ತಿದೆ ಎನ್ನುತ್ತಾರೆ ಸ್ಟಾರ್‌ ಸಿಟಿ ಬೌಲಿಂಗ್‌ ಸೆಂಟರ್‌ನ ಮ್ಯಾನೇಜರ್‌ ಶ್ರೀನಿವಾಸ್‌. ಅವರ ಪ್ರಕಾರ, ಈ ಗೇಮ್‌ ಥ್ರಲ್‌ ಜತೆಗೆ ಎಂಟರ್‌ಟೈನ್‌ಮೆಂಟ್‌ ಕೂಡ ನೀಡುತ್ತದಂತೆ.

ಮೋಜು -ಮಸ್ತಿ ನೀಡುವ ಗೇಮ್‌

ಮೋಜ್‌-ಮಸ್ತಿಗೆ ಅವಕಾಶ ಸಿಗುವುದೇ ಈ ಗೇಮ್‌ನಲ್ಲಿ. ಕೋಕ್‌-ಪೆಪ್ಸಿ ಹೀರುತ್ತಾ, ಸ್ನಾಕ್ಸ್‌ ತಿನ್ನುತ್ತಾ ಬೌಲಿಂಗ್‌ ಮಾಡುತ್ತಿದ್ದರೆ, ಟೈಮ್‌ಪಾಸ್‌ ಆಗೋದೇ ಗೊತ್ತಾಗಲ್ಲ ಎನ್ನುವ ಸುಮಂತ್‌, ಬಂಟೂ, ನಮನಾಳ ಹೊಸ ಅಡ್ಡೆ ಅಮೀಬಾ ಬೌಲಿಂಗ್‌ ಸೆಂಟರ್‌ ಆಗಿದೆಯಂತೆ. ಇನ್ನು ಭಾನುವಾರದಂದು ತಮ್ಮ ಗರ್ಲ್‌ ಫ್ರೆಂಡ್ಸ್‌ ಜತೆ ಬೌಲಿಂಗ್‌ ಸೆಂಟರ್‌ಗಳಿಗೆ ಲಗ್ಗೆ ಇಡುತ್ತಾರಂತೆ. ಇನ್ನು ಕೆಲವು ಬೌಲಿಂಗ್‌ ಸೆಂಟರ್‌ಗಳಲ್ಲಿ ಲೈಟಾದ ಮ್ಯೂಸಿಕ್ಕು, ಚಾಟ್ಸ್‌-ಸ್ನಾಕ್ಸ್‌ ಲಭ್ಯ. ತಿನ್ನುತ್ತಲೇ ಆಟವಾಡಲು ಸಾಧ್ಯ ಎನ್ನುತ್ತಾರೆ ರಾಧಾ ಮತ್ತಾಕೆ ಸ್ನೇಹಿತರು. ಅಂದ ಹಾಗೆ, ಕರ್ನಾಟಕ ಸ್ಟೇಟ್‌ ಟೆನ್‌ ಬೌಲಿಂಗ್‌ ಅಸೋಸಿಯೇಷನ್‌, ಬೌಲಿಂಗ್‌ ಅಲೇ ಆಟವಾಡುವ ಆಸಕ್ತರನ್ನು ಒಟ್ಟುಗೂಡಿಸುತ್ತಿದೆಯಂತೆ.

ವೀಕೆಂಡ್‌ ಮಾಲ್‌ಗಳಲ್ಲಿ ರಶ್‌

ಇನ್ನು ವೀಕೆಂಡ್‌ನಲ್ಲಿ ಮಾಲ್‌ಗಳಲ್ಲಿ ಈ ಗೇಮ್‌ ಆಡುವವರ ಸಂಖ್ಯೆ ಹೆಚ್ಚು ಎನ್ನುತ್ತಾರೆ ಸೆಂಟರ್‌ನ ರಮಣ್‌. ಬೇಸಿಗೆ ರಜೆಯ ಸಮಯವಾಗಿರುವುದರಿಂದ ವೀಕ್‌ ಡೇಸ್‌ನಲ್ಲೂ ಕೆಲವೊಮ್ಮೆ ಭರ್ತಿಯಗಿರುತ್ತದೆ ಎನ್ನುತ್ತಾರೆ.

-----------------

ಬಾಕ್ಸ್‌

ಬೌಲಿಂಗ್‌ ಅಲೇ ಬಗ್ಗೆ ಎಕ್ಸ್‌ಪರ್ಟ್‌ ವಿವರಿಸುವುದು ಹೀಗೆ. ಎಂಟರ್‌ಟೈನ್‌ಮೆಂಟ್‌ ಗೇಮ್‌ ಏನಿಸಿಕೊಂಡಿರುವ ಬೌಲಿಂಗ್‌ ಅಲೇ ಒಳಾಂಗಣ ಕ್ರೀಡೆ. ನಾನಾ ಲೇನ್‌ಗಳಲ್ಲಿ ಸ್ಟ್ರೈಟ್‌, ಹುಕ್‌, ಸ್ಪಿನ್‌ ಮಾಡುವುರದ ಮೂಲಕ ಪಾಯಿಂಟ್‌ ಪಡೆಯಬಹುದು. ಪ್ರತಿ ಸ್ಟ್ರೈಕ್‌ನಲ್ಲಿ 10 ಪಿನ್‌ಗಳಿರುತ್ತವೆ. ಕೈಯಿಂದ ಬಾಲನ್ನು ಥ್ರೋ ಮಾಡುವುದರ ಮೂಲಕ ಪಿನ್‌ಗಳನ್ನು ಬಿಳಿಸಿ ಸ್ಟ್ರೈಕ್‌ ಕಂಪ್ಲೀಟ್‌ ಮಾಡಬಹುದು. ಇಲ್ಲವೇ ಸ್ಪೇರ್‌ ಉಳಿಸಿಕೊಂಡು ಮುಂದೆ ಸಾಗಬಹುದು. ಒಟ್ಟು ಇರುವ 12 ಚಾನ್ಸ್‌ನಲ್ಲಿ , 20 ಥ್ರೋಗಳಲ್ಲಿ ಪಾಯಿಂಟ್‌ ಲೆಕ್ಕದಲ್ಲಿ ಆಟ.

-------------------

ಕೋಟ್‌

ನಗರದ ಮಾಲ್‌ಗಳಲ್ಲಿ ಬೌಲಿಂಗ್‌ ಸೆಂಟರ್‌ಗಳು ಹೆಚ್ಚಾಗುತ್ತಿವೆ. ಇತ್ತೀಚೆಗೆ ಮಂಗಳೂರು-ಮೈಸೂರಲ್ಲೂ ಬೌಲಿಂಗ್‌ ಅಲೇ ಗೇಮ್‌ ಕ್ರೇಜ್‌ ಹೆಚ್ಚಾಗುತ್ತಿದೆ.

- ಶಿವ, ಬೌಲಿಂಗ್‌ ಅಲೇ ಪ್ರೇಮಿ

ಪ್ರತಿಭಾ ಸೌಂಶಿಮಠ್‌, ಮಿಸೆಸ್‌ ಇಂಡಿಯಾ 2015

ಪ್ರತಿಭಾ ಸೌಂಶಿಮಠ್‌ ಮಿಸೆಸ್‌ ಇಂಡಿಯಾ 2015 ಮಾತ್ರವಲ್ಲ. ಅಪ್ಪಟ ಕನ್ನಡತಿ. ಮೂಲ ಕರ್ನಾಟಕದ ಮಹಿಳೆಯೊಬ್ಬಳು ಫ್ಯಾಷನ್‌ ಲೋಕದಲ್ಲಿ ಸಾಧನೆ ಮಾಡುತ್ತಿರುವ ಸಾಲಿನಲ್ಲಿ ಇವರು ಟಾಪ್‌ ಲಿಸ್ಟ್‌ನಲ್ಲಿದ್ದಾರೆ. ಈ ಬಾರಿ ಓದುಗರ ಪ್ರಶ್ನೆಗೆ ಉತ್ತರಿಸಿದ್ದಾರೆ.

* ನ್ಯಾಷನಲ್‌ ಲೆವೆಲ್‌ ಸೌಂದರ್ಯ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವ ವಿಜೇತರು ಯಾವ ಬಗೆಯ ರೂಲ್ಸ್‌ ರೆಗ್ಯುಲೇಷನಸ್‌ ಪಾಲಿಸಬೇಕಾಗುತ್ತದೆ ?

ಬ್ಯೂಟಿ ಪೆಜೆಂಟ್‌ ಎಂದಾಕ್ಷಣ ಅದು ಕೇವಲ ಫ್ಯಾಷನ್‌ ಶೋ ಅಲ್ಲ. ಗ್ಲಾಮರ್‌ ಜೊತೆ ಜೊತೆಗೆ ಬುದ್ಧಿವಂತಿಕೆ ಕೂಡ ಅಗತ್ಯ. ಬೆಸ್ಟ್‌ ಪರ್ಸನಾಲಿಟಿ ಆಗಿರುವುದು ಮಾತ್ರವಲ್ಲ, ಇದರ ಜೊತೆಗೆ ಹಾರ್ಡ್‌ವರ್ಕ್‌ ಹಾಗೂ ಪ್ರಿಪರೇಷನ್‌ ಕೂಡ ಬೇಕಾಗುತ್ತದೆ. ಡಿಸಿಪ್ಲೀನ್‌ ಮೊದಲ ಪಾಲಿಸಿಯಾಗಬೇಕು. ಮೂಕವಾಗಿರುವುದು ಯಾರೋಡನೆ ಬೆರೆಯದಿರುವುದು ಅತಿ ಹೆಚ್ಚು ಆಟಿಟ್ಯೂಡ್‌ ತೋರಿಸುವುದು ಉಚಿತವಲ್ಲ. ಪೆಜೆಂಟ್‌ ನಡೆಯುವ ಸಮಯದಲ್ಲಿ ಆದಷ್ಟೂ ಎಲ್ಲಾ ಆ್ಯಕ್ಟಿವಿಟಿಯಲ್ಲಿ ಪಾಲ್ಗೊಳ್ಳಬೇಕಾಗುತ್ತದೆ.

*ಟ್ಯಾಲೆಂಟ್‌ ರೌಂಡ್‌ನ ಲಿಮಿಟೇಷನ್ಸ್‌ ಬಗೆಗ ಹೇಳಿ

ಪ್ರತಿ ಟ್ಯಾಲೆಂಟ್‌ ರೌಂಡ್‌ನಲ್ಲೂ ಮಿನಿಮಮ್‌ 2 ನಿಮಿಷಗಳ ಅಂತರವಿರುತ್ತದೆ. ಎಷ್ಟು ಬೇಗ ಸ್ಪರ್ಧಾಳುಗಳು ಆ್ಯಕ್ಟಿವ್‌ ಆಗಿರುತ್ತಾರೋ ಅಷ್ಟು ಬೇಗ ಜಡ್ಜ್‌ಗಳಿಗೆ ಇಷ್ಟವಾಗುತ್ತಾರೆ. ಆದರೆ, ಆಯಾ ಪೆಜೆಂಟ್‌ಗಳ ಆಯೋಜಕರ ಮೇಲೆ ಇವು ನಿರ್ಧರಿತವಾಗಿರುತ್ತವೆ. ಇನ್ನು ಆಯಾ ರಾಜ್ಯಗಳಿಂದ ಆಯ್ಕೆಯಾದವರಂತೂ ಅವರ ಟ್ಯಾಲೆಂಟ್‌ ಶೋನಲ್ಲಿ ಅವರ ಪ್ರಾದೇಶಿಕ ಕಲ್ಚರ್‌ಗೆ ಮಾನ್ಯತೆ ನೀಡಿದರೇ ಉತ್ತಮ. ಇಲ್ಲವಾದಲ್ಲಿ ಅವರು ತಮ್ಮ ರಾಜ್ಯ ಹಾಗೂ ದೇಶವನ್ನು ಪ್ರತಿನಿಧಿಸುತ್ತಿರುವುದು ಹೈಲೈಟ್‌ ಆಗುವುದಿಲ್ಲ.

ಶಿಮ್ಮರ್‌ ಜುವೆಲರಿ ಟ್ಯಾಟು ಹಾಕಿಕೊಳ್ಳುವ ಕ್ರೇಝ್‌ ಹೆಚ್ಚಾಗಿದೆ. ಡ್ರೆಸ್‌ಕೋಡ್‌ಗೆ ತಕ್ಕಂತೆ ಟ್ಯಾಟುಗಳನ್ನು ಹಾಕಿಕೊಳ್ಳುವುದು ಕಾಮನ್‌ ಆಗಿದೆ. ಅತ್ಯುತ್ತಮ ಬ್ರಾಂಡ್‌ಗಳಲ್ಲಿ ಲಭ್ಯವಿರುವ ಇವು ಫ್ಯಾನ್ಸಿ ಸ್ಟೋರ್‌ಗಳಲ್ಲಿ ಹಲವು ರೀತಿಯ ಬಣ್ಣ ಡಿಸೈನ್‌, ಆಕಾರ, ಶೈಲಿಯಲ್ಲಿ ಸಿಗುತ್ತದೆ.

ಆನ್‌ಲೈನ್‌ನಲ್ಲೂ ಲಭ್ಯ

ಇವುಗಳನ್ನು ಆನ್‌ಲೈನ್‌ನಲ್ಲೂ ಖರೀದಿಸಬಹುದು. ಆಯಾ ಡಿಸೈನ್‌ಗೆ ತಕ್ಕಂತೆ ಇವುಗಳ ಬೆಲೆ ನಿಗಧಿಯಾಗಿರುತ್ತದೆ ಎನ್ನುತ್ತಾರೆ ಟ್ಯಾಟೂ ಲವ್ವರ್‌ ರೀನಾ. ಅವರ ಪ್ರಕಾರ, ಇವು ಸುಲಭವಾಗಿ ಅಂಟಿಸಿಕೊಳ್ಳಬಹುದ್ದಾಗಿರುವುದರಿಂದ ಅಷ್ಟಾಗಿ ತಲೆಬಿಸಿಯಾಗದು. ತೆಗೆಯುವುದು ಸುಲಭ

ಶಿಮ್ಮರ್‌ ಜುವೆಲರಿ ಟ್ಯಾಟೂ ತೆಗೆಯಲು ಹೆಚ್ಚಿನ ಸಮಯದ ಅಗತ್ಯವಿಲ್ಲ. ಕಡಿಮೆ ಬೆಲೆಗೆ ಸಿಗುವುದರಿಂದ ಇದು ಪ್ರಚಲಿತದಲ್ಲಿದೆ. ಶಿಮ್ಮರ್‌ ಜುವೆಲರಿ ಸ್ಟಿಕರ್‌ ಟ್ಯಾಟುಗಳನ್ನು ಜುವೆಲರಿ ಬದಲು ಬಳಸಬಹುದು. ಯಾರ ಸಹಾಯವೂ ಇಲ್ಲದೇ ನಾವೇ ಖುದ್ದಾಗಿ ಅಂಟಿಸಿಕೊಳ್ಳಬಹುದು ಎನ್ನುತ್ತಾರೆ ಟ್ಯಾಟೂ ಪ್ರಿಯರು.

ಇನ್ನು ಈ ಟ್ಯಾಟುಗಳಲ್ಲಿ ಗ್ಲಿಟರ್‌ ಕ್ರಿಸ್ಟಲ್‌ಗಳನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಹೆಚ್ಚಾಗಿ ಮಿನುಗುವ, ಹೊಳೆಯುವ ಮತ್ತು ವಜ್ರದಂತೆ ಮಿನುಗುವ ಟ್ಯಾಟುಗಳು ಆಕರ್ಷಿಸುತ್ತಿವೆ.

------------

ಶೈನಿಂಗ್‌ ಟ್ಯಾಟೂ

* ಜೀನ್ಸ್‌ , ಟೀ ಶರ್ಟ್‌ ಧರಿಸುವವರು ಕೂಡ ಈ ಟ್ಯಾಟುವನ್ನು ಅಗತ್ಯವಿರುವ ಕಡೆ ಅಂಟಿಸಿಕೊಳ್ಳಬಹುದು.

* ಸೀರೆ ಹಾಕಿದಾಗ ಜ್ಯುವೆಲ್ಲರಿ ಬದಲು ಕ್ರಿಸ್ಟಲ್‌ ಟ್ಯಾಟುವನ್ನು ಬಳಸಿ.

* ಉಗುರುಗಳಿಗೆ ನೇಲ್‌ ಟ್ಯಾಟುವನ್ನು ಹಾಕಿ ಅಂದವನ್ನು ಹೆಚ್ಚಿಸುವುದು.

* ಹಣೆಯನ್ನು ಅಲಂಕರಿಸಲು ಬಿಂದಿ ಟ್ಯಾಟುಗಳು

------------------------

ಶೈನಿಂಗ್‌ ಇರುವ ಶಿಮ್ಮರ್‌ ಜುವೆಲರಿ ಟ್ಯಾಟೂ ಫಂಕಿ ಸ್ಟೈಲ್‌ ಇಷ್ಟಪಡುವವರ ಮನ ಗೆದ್ದಿದೆ.

ಶ್ರೀ ಪ್ರಿಯಾ ರಾಣಿ, ಸ್ಟೈಲಿಸ್ಟ್‌

------------

-ಲವಲವಿಕೆಸುದ್ದಿಲೋಕ

ಬಾಹುಬಲಿ ಶೈಲಿಯ ಬಾಜುಬಂಧ್‌ ಇಂದು ಮದುವೆ ಮನೆಯ ಫ್ಯಾಷನ್‌ನಲ್ಲಿ ಸೇರಿದೆ.

ಬ್ಲೌಸ್‌ ಮೇಲೆ ಇಲ್ಲವೇ ಕೆಳಗೆ ಧರಿಸುವ ಈ ಬಾಜುಬಂಧ್‌ಗಳು ಗೃಹಿಣಿಯರ ಮನಸೆಳೆದಿವೆ. ಅಷ್ಟು ಮಾತ್ರವಲ್ಲ, ಸೀರೆಯ ಕಳೆಯನ್ನು ಹೆಚ್ಚಿಸಿವೆ.

' ಸಿನಿಮಾ ನೋಡಿ ಫ್ಯಾಷನ್‌ ಕ್ರೇಝ್‌ ಹುಟ್ಟುವುದು ಹೊಸತೇನಲ್ಲ. ಆದರೆ, ಸಿನಿಮಾ ನೋಡಿ ಬಾಜುಬಂಧ್‌ ಧರಿಸುವ ಶೈಲಿ ಬಂದಿರುವುದು ಇದು ಮೊದಲು' ಎನ್ನುತ್ತಾರೆ ಡಿಸೈನರ್ಸ್‌. ಅಂದಹಾಗೆ, ಬಾಹುಬಲಿಯಲ್ಲಿ ಅನುಷ್ಕಾ ಶೆಟ್ಟಿ ಹಾಗೂ ರಮ್ಯಾಕೃಷ್ಣ ಧರಿಸಿರುವ ಬಾಜುಬಂಧ್‌ ಸಾಕಷ್ಟು ಮಾನಿನಿಯರನ್ನು ಸೆಳೆದಿದೆ. ಆ್ಯಂಟಿಕ್‌ ವಿನ್ಯಾಸದ ಬಾಜುಬಂಧ್‌ ಟ್ರಡಿಷನಲ್‌ ಉಡುಪಿನೊಂದಿಗೆ ಪರ್ಫೆಕ್ಟ್ ಮ್ಯಾಚ್‌ ಆಗುವುದರಿಂದ ನೋಡಲು ಚೆನ್ನಾಗಿ ಕಾಣುತ್ತದೆ ಎಂಬುದು ಮಾಡೆಲ್‌ ದೀಪ್ತಿ ಅಭಿಪ್ರಾಯ.

ಕಾವ್ಯಾ ಉದ್ಯಾನನಗರಿಯ ಉದಯೋನ್ಮುಖ ಡಿಸೈನರ್‌. ಜತೆಗೆ ಕನ್ನಡತಿ ಕೂಡ. ಈ ಬಾರಿ ಓದುಗರ ಪ್ರಶ್ನೆಗೆ ಉತ್ತರಿಸಿದ್ದಾರೆ.

* ಇಂಡಿಯನ್‌ ಲುಕ್‌ ನೀಡುವ ಟ್ರಡಿಷನಲ್‌ ಸಿಂಪಲ್‌ ಬ್ರೊಕೆಡ್‌ ಲೆಹೆಂಗಾ ಬಗ್ಗೆ ವಿವರಿಸಿ.

ಇಂಡಿಯನ್‌ ಔಟ್‌ಫಿಟ್‌ನಲ್ಲಿ ಲೆಹೆಂಗಾಗೆ ಇತ್ತೀಚೆಗೆ ಪ್ರಮುಖ ಸ್ಥಾನ. ಅದರಲ್ಲೂ ಇತ್ತೀಚೆಗೆ ಬ್ರೊಕೆಡ್‌ ಲೆಹೆಂಗಾಗಳು ಹೆಚ್ಚು ಚಾಲ್ತಿಯಲ್ಲಿವೆ. ನೋಡಲು ತೀರಾ ಗ್ರ್ಯಾಂಡ್‌ ಅಲ್ಲದಿದ್ದರೂ ತಮ್ಮ ಫ್ಯಾಬ್ರಿಕ್‌ನಿಂದಲೇ ಇವು ನೋಡುಗರನ್ನು ಸೆಳೆಯುತ್ತವೆ. ಕುಟುಂಬದಲ್ಲಿ ಹಾಗೂ ಸ್ನೇಹಿತರ ಮದುವೆಗಳಲ್ಲಿ ಇವನ್ನು ಧರಿಸಬಹುದು. ನೋಡಲು ತೀರಾ ಗ್ರ್ಯಾಂಡ್‌ ಲುಕ್‌ ಕಾಣಿಸದಿದ್ದರೂ ಎಲ್ಲರ ಮಧ್ಯೆ ಭಿನ್ನವಾಗಿ ಕಾಣಬಹುದು. ಬ್ರೊಕೆಡ್‌ ಫ್ಯಾಬ್ರಿಕ್‌ನಲ್ಲಿ ಇತರೇ ಲೆಹೆಂಗಾಗಳಿಗಿಂತ ಇವು ಆಕರ್ಷಕವಾಗಿ ಕಾಣುತ್ತವೆ. ಕಾಂಚೀವರಂ ಬ್ರೋಕೆಡ್‌, ಸಿಲ್ಕ್‌ ಫ್ಯಾಬ್ರಿಕ್‌ನಿಂದ ತಯಾರಿಸಿದ ಲೆಹೆಂಗಾಗಳು ಇಂದು ಯಂಗ್‌ಸ್ಟರ್ಸ್‌ ಗೂ ಪ್ರಿಯವಾಗತೊಡಗಿವೆ.

* ಬ್ರೊಕೆಡ್‌ ಲೆಹೆಂಗಾದಲ್ಲೂ ಆಕರ್ಷಕವಾಗಿ ಕಾಣಲು ಟಿಫ್ಸ್‌ ನೀಡಿ ?

ಬ್ರೊಕೆಡ್‌ ಲೆಹೆಂಗಾಗಳು ತೀರಾ ಸಿಂಪಲ್‌ ಆಗಿದ್ದಲ್ಲಿ ಅವುಗಳ ಜತೆಗೆ ಆಕ್ಸೆಸರೀಸ್‌ ಮ್ಯಾಚ್‌ ಮಾಡಬಹುದು. ಬ್ರೊಕೆಡ್‌ ಫ್ಯಾಬ್ರಿಕ್ಸ್‌ ಕಾಟನ್‌ನಲ್ಲೂ ಸಿದ್ಧಪಡಿಸುವುದರಿಂದ ಇಂದು ಸಿಂಪಲ್‌ ಲುಕ್‌ ನೀಡುವುದು. ಇನ್ನು ಸ್ನೇಹಿತರ ಮದುವೆಯಲ್ಲಿ ಇವನ್ನು ಧರಿಸಬಹುದು. ಗ್ರ್ಯಾಂಡ್‌ ಲುಕ್‌ ಇಲ್ಲದಿದ್ದರೂ ಎಲಿಗೆಂಟ್‌ ಆಗಿ ಕಾಣುವುದು.