ಸದ್ಯಕ್ಕಿಲ್ಲ ವೆಂಕಟ್ ಚಿತ್ರ

ಜನವರಿ ಮೊದಲ ವಾರದಲ್ಲೇ ಪೊರ್ಕಿ ಹುಚ್ಚ ವೆಂಕಟ್ ಚಿತ್ರದ ಶೂಟಿಂಗ್ ಎಂದಿದ್ದ ವೆಂಕಟ್, ಮಾತಿಗೆ ತಪ್ಪಿದ್ದಾರೆ. ಈ ಸಿನಿಮಾ ಸದ್ಯ ಸೆಟ್ಟೇರುವುದೇ ಅನುಮಾನ ಎನ್ನುವ ಮಾತು ಕೇಳಿಬರುತ್ತಿದೆ. ಕಾರಣ, ಈ ಚಿತ್ರಕ್ಕಿಂತ ಮುಂಚೆ ಎಸ್.ನಾರಾಯಣ್ ನಿರ್ದೇಶನದಲ್ಲಿ ವೆಂಕಟ್ ನಟಿಸಲಿದ್ದಾರೆ. ಚಿತ್ರಕ್ಕೆ ಡಿಕ್ಟೇಟರ್ ಎಂದೂ ಹೆಸರಿಡಲಾಗಿದೆ. ಈಗಾಗಲೇ ವೆಂಕಟ್ ಹೊಸ ಸಿನಿಮಾದ ಕತೆ ಕೇಳಿದ್ದು, ಅದಕ್ಕೆ ಒಪ್ಪಿಗೆ ಸೂಚಿಸಿದ್ದಾರೆ. ಅಲ್ಲದೇ ಅಡ್ವಾನ್ಸ್ ಕೂಡ ಪಡೆದಿದ್ದಾರೆ.

ಇದೇ ಸಂದರ್ಭದಲ್ಲಿ ಡಿಕ್ಟೇಟರ್ ಚಿತ್ರದ ನಿರ್ಮಾಪಕರ ಜೊತೆ ಒಪ್ಪಂದವಾಗಿದ್ದು, ಅದರಲ್ಲಿ ಮೊದಲು ಡಿಕ್ಟೇಟರ್ ಸಿನಿಮಾ. ಆನಂತರ ಪೊರ್ಕಿ ಹುಚ್ಚ ವೆಂಕಟ್ ಸಿನಿಮಾ ಮೂಡಿಬರಲಿದೆ. ಹೀಗಾಗಿ ವೆಂಕಟ್ ನಿರ್ದೇಶನದ ಸಿನಿಮಾ ಮುಂದೆ ಹೋಗಿದೆ.