ಗುರು: ನೋಟಪ್ಪಾ, ನೀನ್ ನೀಡ ಪೊಣ್ಣ್‌ರ ಕೂಡೆ ಜಗಳ ಮಾಡುವದ್ ಸೆರಿ ಅಲ್ಲ. ಎನ್ನ್‌ಂಗ್ ಎಣ್ಣ್‌ಚೇಂಗಿ ದಂಡಾಳೂ ಸಂಸಾರ ಎಣ್ಣುವ ಗಾಡಿರ ದಂಡ್ ಚಕ್ರ ಇಂಜನ್ನಕೆ. ನಾಣಿ: ನಿಂಗ ಎಣ್ಣುದೆನ್ನೋ ಸೆರಿ. ಆಚೇಂಗಿ, ಓರ್ ಚಕ್ರ ಟ್ಯಾಂಕರ್‌ರದ್, ಇಂಞೊಂದ್ ಸೈಕಲ್‌ರದ್ ಆಚೇಂಗಿ ಗಾಡಿ ಎನ್ನನೆ ಓಡುವಾಂದ್ ನಿಂಗಳೇ ಎಣ್ಣಿ..! ............................. ಪೊಣ್ಣ್: ಈ ಸುಮಿ ಎಣ್ಣುವವ ದಾರ್‌ಂದ್ ಎಣ್ಣಿ. ನಾಕ್ ಇಕ್ಕ ಗೊತ್ತಾಂಡು. ವಡಿಯ: ಏ... ಅದ್‌ಂಗೆನ್ನ್‌ಂಗ್ ಇಚ್ಚಕ್ ಗಾಬರಿ ಆಪಿಯಾ? ಅದ್ ನಾಯಿರ ಪೆದ. ಅದ್‌ನ ನಾನ್ ಎಡ್‌ತವಂಡೂಂದ್ ಉಳ್ಳೊ. ಪೊಣ್ಣ್: ಓ ಅಕ್ಕುವಾ.. ಆ ನಾಯಿ ಅಂಜಿ ಕುರಿ ನಿಂಗಳ ಕೇಟಂಡ್ ಫೋನ್ ಮಾಡಿತಿಂಜತ್! ............................. ಡಾಕ್ಟರ್ ಮೂಡಿನ ಪರೀಕ್ಷೆ ಮಾಡಿತ್ ಎಣ್ಣ್‌ಚಿ. ''ಶ್ರೀಮತಿ ಆಶಾ, ನಿಂಗಕೋರ್ ನಲ್ಲ ಸುದ್ದಿ'' ''ನಾನ್ ಶ್ರೀಮತಿ ಆಶಾ ಅಲ್ಲ. ಕುಮಾರಿ ಆಶಾ'' ''ಓ ಅಕ್ಕುವಾ, ಅಂದಕ ಕುಮಾರಿ ಆಶಾ ಅಯಿಂಗಳೇ ನಿಂಗಕೋರ್ ಕೆಟ್ಟ ಸುದ್ದಿ..!'' ............................. ಬಾರ್‌ಲ್ ಸಪ್ಲೈರ್ ತಾಂಡ ಫ್ರೆಂಡ್‌ಕ್ ಇನ್ನನೆ ಎಣ್ಣಿಯಂಡಿಂಜತ್. ''ಈ ಮನ್‌ಷ್ಯ ಕುಡ್‌ಚಿತ್ ಟೇಬಲ್‌ಲ್ ಬುದ್ದ್‌ಪೋಯಿತ್. ದಂಡ್ ಕುರಿ ಒಪ್ಪಿತಾಚಿ. ಇಕ್ಕ ಮೂಂದನೆ ಕುರಿ ಒಪ್ಪಂಡು'' ''ಅವನ ಒಪ್ಪಿತ್ ಪೊರ್‌ಮೆ ಓಡ್‌ಚಿಡುವಕೆನ್ನ್'' ''ನಾನ್ ಅನ್ನನೆ ಮಾಡುಲೆಪ್ಪ'' ''ಎನ್ನ್‌ಂಗ್?'' ''ಎನ್ನ್‌ಂಗ್ ಎಣ್ಣ್‌ಚೇಂಗಿ ಅವನ ಒಪ್ಪುವಕೆಲ್ಲ ಬಿಲ್ಲ್ ತಂದಂಡುಂಡ್'' (ಕೇಟದ್) -ಜಯಂತಿ, ಮಡಿಕೇರಿ
↧