ಬೆಂಗಳೂರು-ಹುಬ್ಬಳ್ಳಿ-ಮಂಗಳೂರು ನಡುವಣ ಹಾರಾಟ ರದ್ದು ಬೆಂಗಳೂರು: ದಕ್ಷಿಣ ಭಾರತದ ಪ್ರಾದೇಶಿಕ ಏರ್‌ಲೈನ್‌ ಏರ್‌ ಪೆಗಾಸಸ್‌ ತನ್ನ ವಿಮಾನಗಳ ಹಾರಾಟವನ್ನು ಅನಿರ್ದಿಷ್ಟಾವಧಿಯ ತನಕ ರದ್ದುಪಡಿಸಿದೆ. ಕೆಲವು ತಾಂತ್ರಿಕ ಕಾರಣಗಳಿಂದ ವಿಮಾನ ಹಾರಾಟ ರದ್ದುಪಡಿಸಲಾಗಿದೆ ಎಂದು ಏರ್‌ಲೈನ್‌ನ ಅಧಿಕಾರಿಗಳು ತಿಳಿಸಿದ್ದಾರೆ. ಆದರೆ ಆರ್ಥಿಕ ಬಿಕ್ಕಟ್ಟು ಕಾರಣವೆಂದು ಮೂಲಗಳು ತಿಳಿಸಿವೆ. ಬೆಂಗಳೂರು, ಹುಬ್ಬಳ್ಳಿ , ಮಂಗಳೂರು, ಕೊಚ್ಚಿ, ತಿರುವನಂತಪುರಂ, ಮಧುರೈಗೆ ಏರ್‌ಪೆಗಾಸಸ್‌ ವಿಮಾನ ಹಾರಾಟ ನಡೆಸುತ್ತಿದೆ. ಏರ್‌ಲೈನ್‌ನ ವೆಬ್‌ಸೈಟ್‌ನಲ್ಲೂ ಎಲ್ಲ ವಿಮಾನ ಹಾರಾಟಗಳು ರದ್ದಾಗಿರುವುದನ್ನು ಸ್ಪಷ್ಟಪಡಿಸಲಾಗಿದೆ. ಡೆಕೋರ್‌ ಏವಿಯೇಶನ್‌ ಸಂಸ್ಥೆಯು ಏರ್‌ಪೆಗಾಸಸ್‌ ವಿಮಾನಗಳ ಹಾರಾಟವನ್ನು ನಡೆಸುತ್ತಿದೆ. ಭಾರತದ 11 ನಗರಗಳಿಗೆ ವೈಮಾನಿಕ ಸೇವೆ ಒದಗಿಸುತ್ತಿದೆ. ಶೈಸನ್‌ ಥಾಮಸ್‌ ಇದರ ಮುಖ್ಯಸ್ಥರಾಗಿದ್ದಾರೆ. ಮೂಲಗಳ ಪ್ರಕಾರ ಥಾಮಸ್‌ ಅವರು ತಮ್ಮ ಏರ್‌ಲೈನ್‌ಗೆ ಹೂಡಿಕೆಯನ್ನು ನಿರೀಕ್ಷಿಸುತ್ತಿದ್ದು, ಈ ಸಂಬಂದ ವಿದೇಶಿ ಏರ್‌ಲೈನ್‌ಗಳನ್ನು ಕೂಡ ಸಂಪರ್ಕಿಸಿದ್ದಾರೆ.
↧
ಏರ್‌ ಪೆಗಾಸಸ್‌ ವಿಮಾನ ಹಾರಾಟ ರದ್ದು
↧