ಹೊಸದಿಲ್ಲಿ: ಎಲ್ಲ ಕೇಂದ್ರ ಸರಕಾರಿ ಉದ್ಯೋಗಿಗಳೂ ಕಳೆದ ಎರಡು ವರ್ಷಗಳ ಅವಧಿಯಲ್ಲಿನ ತಮ್ಮ ಆಸ್ತಿ ವಿವರಗಳನ್ನು ಏ.15ರೊಳಗೆ ಸಲ್ಲಿಸುವುದು ಕಡ್ಡಾಯ ಎಂದು ಸಿಬ್ಬಂದಿ ಮತ್ತು ತರಬೇತಿ ಇಲಾಖೆಯ ಪ್ರಕಟಣೆ ತಿಳಿಸಿದೆ.
ಲೋಕಪಾಲ ಕಾಯ್ದೆ ಅನ್ವಯ ಉದ್ಯೋಗಿಗಳು ತಮ್ಮ ಸಂಗಾತಿ ಹಾಗೂ ಅವಲಂಬಿತ ಮಕ್ಕಳ ಹೆಸರಲ್ಲಿನ ಆಸ್ತಿ ವಿವರಗಳನ್ನೂ ಘೋಷಿಸಬೇಕು. ನಾನಾ ಸೇವಾ ನಿಯಮಗಳನ್ವಯ ಆಸ್ತಿ ವಿವರ ನೀಡಿದಂತೆಯೇ ಲೋಕಪಾಲ ಕಾಯ್ದೆಯನ್ವಯವೂ ಘೋಷಣೆ ಕಡ್ಡಾಯ.
ವಿದೇಶಗಳಲ್ಲಿ ಬ್ಯಾಂಕ್‌ ಖಾತೆಗಳಿದ್ದರೆ ಘೋಷಿಸಬೇಕು. ಖರೀದಿಸಿದ ದುಬಾರಿ ಕಲಾಕೃತಿಗಳು, ವಿಮೆ, ಸಾಧನ ಸಲಕರಣೆಗಳು, ವಿದ್ಯುನ್ಮಾನ ಉಪಕರಣಗಳು, ಚರ ಆಸ್ತಿಗಳು, ಷೇರುಗಳು ಮತ್ತಿತರ ವಿವರಗಳನ್ನು ಉದ್ಯೋಗಿಗಳು ನೀಡಬೇಕು.
2014 ಮತ್ತು 2015ರ ಆಸ್ತಿ ಮಾಹಿತಿಯನ್ನು ಏ.15ರೊಳಗೆ, 2016ರ ಮಾಹಿತಿಯನ್ನು ಜು.31ರ ಗಡುವಿನೊಳಗೆ ಘೋಷಿಸಬೇಕು ಮತ್ತು ರಿಟನ್ಸ್‌ರ್‍ ಸಲ್ಲಿಸಬೇಕು ಎಂದು ಪ್ರಕಟಣೆಯಲ್ಲಿ ಹೇಳಲಾಗಿದೆ. ಸುಮಾರು 50 ಲಕ್ಷ ಕೇಂದ್ರ ಸರಕಾರಿ ನೌಕರರಿಗೆ ಇದು ಅನ್ವಯವಾಗುತ್ತದೆ.
↧
ಏ.15ರೊಳಗೆ ಆಸ್ತಿ ಘೋಷಿಸಲು ಸರಕಾರಿ ನೌಕರರಿಗೆ ಸೂಚನೆ
↧