ಮುಂಬಯಿ : ಬಜೆಟ್ ನಂತರದ ರಭಸವನ್ನು ಷೇರು ಮಾರುಕಟ್ಟೆಯು ಬುಧವಾರವೂ ಕಾಯ್ದುಕೊಂಡಿದ್ದು, ಸೆನ್ಸೆಕ್ಸ್ 463.63 ಅಂಕ ಏರಿಕೆ ಕಂಡು 24,242.98ಕ್ಕೆ ವಹಿವಾಟು ಅಂತ್ಯವಾಯಿತು. ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ ನಿಫ್ಟಿ 146.55 ಅಂಕ ಜಿಗಿದು 7,368.85ಕ್ಕೆ ಸ್ಥಿರವಾಯಿತು.
ಬ್ಯಾಂಕಿಂಗ್ ವಲಯಕ್ಕೆ ಪೂರಕವಾದ ಆರ್‌ಬಿಐ ನಡೆಯಿಂದಾಗಿ, ಷೇರುಪೇಟೆಯಲ್ಲಿ ಬ್ಯಾಂಕ್‌ಗಳ ಷೇರು ಖರೀದಿ ಚೇತರಿಕೆ ಕಂಡಿತು. ಅಲ್ಲದೇ ರೂಪಾಯಿ ಮೌಲ್ಯ ಏರಿಕೆ ಕಂಡಿದ್ದು, ಇದೂ ಮಾರುಕಟ್ಟೆ ಮೇಲೆ ಪರಿಣಾಮ ಬೀರಿದೆ.
ಸಾರ್ವಜನಿಕ ವಲಯದ ಎಸ್‌ಬಿಐ(ಶೇ.11.50), ಐಸಿಐಸಿಐ(ಶೇ.7.36) ಪಿಎನ್‌ಬಿ, ಬ್ಯಾಂಕ್ ಆಫ್ ಬರೋಡಾ ಬ್ಯಾಂಕ್‌ಗಳ ಷೇರುಗಳು ಏರಿಕೆ ಕಂಡಿವೆ. ''ವಿತ್ತೀಯ ಕೊರತೆ ಗುರಿಗೆ ಸರಕಾರದ ಬದ್ಧತೆ ಮತ್ತು ಆರ್‌ಬಿಐ ಈ ತಿಂಗಳು ಬಡ್ಡಿ ದರ ಇಳಿಕೆ ಮಾಡುವ ವಿಶ್ವಾಸವು ಷೇರುದಾರರ ಮೇಲೆ ಪ್ರಭಾವ ಬೀರಿದೆ,'' ಎಂದು ಮಾರುಕಟ್ಟೆ ತಜ್ಞರು ಹೇಳಿದ್ದಾರೆ.
↧
ಸೆನ್ಸೆಕ್ 463 ಅಂಕ ಜಿಗಿತ
↧